Neem. 6:17 - Ebaibul

¹⁷ Apaki daŋ ŋin, kepotu ŋikapolok a Yudaya kiyakiyasi ŋabaruwae neni a Tobia ka kepotu ŋabaruwae ŋuna aboŋokini Tobia todolut neni kec.

Neem. 6:17 Iomraidhean Croise

Neem. 13:28

Ayai epei a ŋidwe a ŋulusapa a ŋulu a Yeoiada alokoku ka Eliasib a esacaradoti a ŋolo Apolon nooi, ŋolo arae lokamuran a Sanibalat a ŋolo alo Oron, abu ayoŋ erita iŋes aneni kaŋ.

Neem. 13:4

Ani eriŋa nyetyakara ŋituŋa ŋulugelae, abu esacaradoti Eliasib, ŋolo aseunitae akiyok ŋagulei ŋuna ka Akai ka Akuj yok, ŋolo arae eyenet a Tobia

Neem. 3:5

Alokiŋaren a Sadok todukok Tekoites, nai nyetapa ŋikapolokinitok kec etic ŋolo ke Ekapolon kec.

Neem. 5:7

Kadau ayoŋ atamatam ŋakiro ŋun, abu ayoŋ esitak ŋikapolok ka ŋikepukak a ŋituŋa olimok ikes otema, “Iyatanakinete iyes ŋisiliŋa ŋice losiliŋa ŋulu idenionokinete ŋituŋa kus pei.” Abu nai ayoŋ onyarau atukot ŋina alalan toanyu epite ŋolo esubakinere ŋakiro kec,

Neem. 6:16

Tosodi ani iirarete ŋimoe kosi daadaŋ atemar erikakin isua akiduk arwatata, apotu ŋituŋa a ŋakwapin daadaŋ ŋulu eboiyete alodiyete kosi tokuryaketa, tojoŋoto akituro, anerae apotu ikes toyenut atemar erikakin etic ŋol aŋuna ka akiŋarakinet ka Akuj.

Neem. 6:18

Alalak ŋituŋa a Yudaya ŋulu kikoŋito neni a Tobia, anerae arae iŋes lokamuran a Sakania alokoku ka Ara, ido eisit lokoku keŋ Yeoanan nakoku a Mesulam a ŋolo arae lokoku a Berekia.