Neem. 6:16 - Ebaibul

¹⁶ Tosodi ani iirarete ŋimoe kosi daadaŋ atemar erikakin isua akiduk arwatata, apotu ŋituŋa a ŋakwapin daadaŋ ŋulu eboiyete alodiyete kosi tokuryaketa, tojoŋoto akituro, anerae apotu ikes toyenut atemar erikakin etic ŋol aŋuna ka akiŋarakinet ka Akuj.

Neem. 6:16 Iomraidhean Croise

Neem. 2:10

Ani iirarete Sanibalat ŋolo erae Eoranait ka Tobia ŋolo arae ekapolon a Ŋiamoni ŋakiro ŋun apotu ikes nyelakaros aŋuna ayenuniata atemar ebunit ituŋanan ice ayaun ajokis neni a Ŋisirael.

Neem. 4:1

Ani iirari Sanibalat atemar edukio isua arwatata, abu iŋes toŋo nooi, toresiyar nooi, tojamuwana Ŋiburaniyae.

Neem. 4:7

Nai ani iirarete Sanibalat, Tobia ka Ŋimarabui ta Ŋiamoni ka ŋituŋa ka Asod atemar elosi kiŋaren etic ŋolo ka akiduk nabo arwatata a Yerusalem ka aapuu agolokin neni amunaara daadaŋ anarwatata, apotu ikes toŋoa nooi,

Neem. 6:17

Apaki daŋ ŋin, kepotu ŋikapolok a Yudaya kiyakiyasi ŋabaruwae neni a Tobia ka kepotu ŋabaruwae ŋuna aboŋokini Tobia todolut neni kec.

Ŋikiru. 109:27

Kimyek ŋimoe kaŋ toyenut atemar erae apedor kon etiyakinotor ŋun, ka erae iyoŋ okoe Ekapolon itiya ŋun.

Ŋikiru. 126:2

Ikipotu isua olakaros, oeoto ŋieosyo ŋulu ka alelyanu. Apotu nai ŋituŋa a ŋakwapin a ŋunace temasi, “Etiya Ekapolon ŋakiro ŋuna apolok nooi aŋuna a ŋituŋa keŋ.”

Ŋikiru. 129:5

Elipi ayoŋ kisurumae ŋileec ka kitoboŋoroe daadaŋ ŋulu eremokino Sion.

Ŋikiru. 147:2

Edukokini nabo Ekapolon Yerusalem; ecununi Ŋisirael ŋulu arikor nakwapin.

Awos. 14:25

Tomunana ŋakejen a ŋagaari kec, nyitepedo Ŋijipitian amyaar ikes. Temasi nai Ŋijipitian, “Oema aneni a Ŋisirael! Iŋarakinit Ekapolon Ŋisirael akitijiore iwon Ŋijipitian.”

Yer. 33:9

Eruwor ŋituŋa a etaun a lo ŋulu eyakatar ekiro ŋolo ka alelyanu, ŋulu ipuroi ka ŋulu itopolooritae alokiŋaren ŋituŋa a ŋakwapin a daadaŋ a ŋuna iirarete ŋakiro ŋuna ajokak daadaŋ ŋuna etiya ayoŋ neni kec. Itopoloorete ŋituŋa a ŋakwapin ŋituŋa a Yerusalem ka emaranete alokiŋaren kec aŋuna ka abaru a daadaŋ a ŋina ainakini ayoŋ ŋituŋa a Yerusalem.

Ekim. 23:23

Kire, mam ŋakikukujaeta ŋuna itoroniayarito ŋuna Yakob, mam ŋadwareta ŋuna aronok ŋuna itoroniarito Isirael. Tokona elimunio aŋuna a Yakob ka Isirael ebe, ‘Kiŋolikisi ŋuna etiya Akuj!’

Ŋitic. 5:38

Aŋun, anakiro a ŋuna a tokona a nu, akalimokini ayoŋ iyes atemar, kimyekisi ŋikilyok lu make! Toesikisi ikes toloto! Ani kerae lotuŋa eponitotor ŋuna elosikinito kori itiyaete ikes, esalunete.

Yos. 2:11

Ikipotu isua ŋinapei ikiirari ŋakiro ŋun, omaranikisi, itobul nooi aŋuna kus. Kire jik, Ekapolon Akuj kus, iŋes erae Akuj alokidiama ka anakwap a ne.

Yos. 2:9

bu Raab neni aya ikes tema, “Ayeni ayoŋ atemar adau Ekapolon Akuj ainakin iyes akwap na. Elelebun akuryanu neni kosi ka ebulit ituŋanan daadaŋ ŋini ka akwap a na aŋuna kus,

Yos. 5:1

Ani iirarete ŋirwosi ŋulu a Ŋiamori alo To aŋolol Yorodan kaapei ka ŋulu a Ŋikanaani alokipetotyo ka anam Mediteranian epite ŋolo kitoonio Ekapolon Akuj ŋakipi a Yorodan akitodol ŋina adokaryata Ŋisirael daadaŋ, tobuliyo ikes, tokuryaketa akitijiore Ŋisirael.