Neem. 6:14 - Ebaibul

¹⁴ Okoe Akuj kaŋ, toyeni Tobia ka Sanibalat, alotooma ŋakiro nu ŋuna etiyata ikes ka akadwaran Noadia daŋ ka ŋikadwarak ŋuluce daadaŋ ŋulu acamito akitubul ayoŋ.

Neem. 6:14 Iomraidhean Croise

Neem. 13:29

Totamunite ikes, okoe Akuj kaŋ, anerae apotu ikes tomunaasi asacaradotonu ka acamunet ŋina ibunio iyoŋ tocamunotor ka ŋisacaradotin ka ŋilepi.

Neem. 5:19

Totamunitetei ayoŋ aŋuna ka ajokis kaŋ, okoe Ekapolon, totamunite daadaŋ ŋuna adau ayoŋ akitiya aŋuna a ŋituŋa a lu.

Ŋikiru. 137:7

Okoe Ekapolon, totamunite ŋuna apotu Ŋiedomi kitiyata akoloŋit ŋina ekamarere Yerusalem. Totamunite epite ŋolo erworotor ikes ebasi, “Toritakisi kwap, toritaasi jik todol nakisyakineta ka arwatata keŋ!”

Ŋikiru. 22:1

Akuj kaŋ, Akuj kaŋ, kaanukiro ikiesikinia iyoŋ ayoŋ? Kaanukiro ilwania iyoŋ aneni kaŋ akiŋarakin ayoŋ, kori akiirar ŋakiro ŋuna ekegworonokinio ayoŋ iyoŋ?

Ŋikiru. 63:1

Okoe Akuj, irae iyoŋ Akuj kaŋ, ekeitanit ayoŋ iyoŋ, ekeburit ayoŋ nooi aanyun iyoŋ, alilimiyo akuwan kaŋ aŋuna ka akiitanit iyoŋ, alilimiyo lopite ŋolo iyakar nakwap ŋina aonon ka ŋina acaryoonon ŋina emam ŋakipi.

Awos. 15:20

Tolemu nai nakaato ka Aron ŋina arae akadwaran, ŋina anyaritae Miriam ebur, kiwuapakis ŋaberu daadaŋ iŋes etiŋito ŋiburin kidoŋaete.

Yer. 14:15

Aŋun irworo Ekapolon aŋuna a ŋikadwarak a ŋulu edwarete enyarito ekiro kaŋ atemar tari ŋina pa eyakitor ayoŋ ikes ŋulu ebasi, “Nyikiaryo a ekileŋ ka nyebuni eron nakwap na.” Earyo ŋikadwarak ŋul a ekileŋ ka etwakete aŋuna a eron.

Yer. 14:18

Ani alosi lomanikorin, eŋolik ŋulu kearyo a ekileŋ, ani alomari lotaun, eŋolik ŋulu iridete aŋuna ka akoro, anerae erubakinito ŋikadwarak ka ŋisacaradotin itiyaete etic kec anakwap a daadaŋ, nai nyeyenete ŋuna itiyaete.”

Yer. 28:1

Ekaru ŋolopei, apaki ŋina esyakinia erwosit Sedekia ŋolo a Yudaya akipuka, elap ŋolo a ŋikan alokaru a ŋolo a ŋiomwon ipukat Sedekia, abu ekadwaran Anania lokoku ka Asur ŋolo abunit alo Gibeon kirwor neni kaŋ alo Kai ka Akuj, toyakas nen ŋisacaradotin ka ŋituŋa daadaŋ, tema iŋes neni kaŋ,

Yer. 28:10

Abu nai ekadwaran Anania tolema ayokot alomosiriŋ a ekadwaran Yeremia, tobil ayokot ŋin.

Yer. 28:15

Tolimok nai ekadwaran Yeremia ekadwaran Anania tema, “Kiira Anania, nyiyakuuna Ekapolon iyoŋ ka ibu iyoŋ inak ŋituŋa lu akigeno ŋuna ka alyokonu.

Mat. 24:11

Nabo epote ŋikadwarak ŋulu alalak ŋulu alyokonok, tomodikis kitooliyosi ŋikalalak.

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

Mat. 7:15

“Tocoito ŋikadwarak ŋulu alyokonok; epote ikes neni kus epataka ikwa ŋamesekin, nai alotai kec ikote ŋipeei.

2 Tim. 3:8

Ikwaŋina aponiata Yane ka Yambure kitepega Moses, itepegete ŋikilyok ŋul daŋ ŋakiro ŋuna a kire--ŋikilyok ŋulu nyisitiyaete ŋatameta kec ka ŋulu enyasut anupit kec.

1 Yoa. 5:16

Ani kiŋolik ipei lokaato keŋ eseci asecit ŋina nyikirikori natwanare, itemokino iŋes kilip neni ka Akuj aŋuna a lokaato keŋ, ido inak Akuj iŋes akiyar. Erworo ayoŋ, ikotere ŋulu nyeseca asecit ŋina ikirikori natwanare. Eyai asecit ŋina ikirikori natwanare; nyabala ayoŋ itemokino iyes kilipa ikotere ŋakiro ŋun.

Akis. 19:20

Aponi kikamarae etyaŋ kaapei ka ekadwaran ŋolo amodiyanan ŋolo kitiyae ŋakujuwuanisya alokiŋaren etyaŋ. (Ŋakujuwuanisya ŋun, ikes abunio iŋes tomodikinia ŋulu ayakatar emacar ŋolo ke etyaŋ ka ŋulu elipete neni ke etorube keŋ.) Ani eriŋa eyarete, aponi kimasakinae etyaŋ kaapei ka ekadwaran ŋolo amodiyanan nanam ŋina ka akim, ŋina enepya Sulpa.