Neem. 6:13 - Ebaibul

¹³ Kipaŋgatae iŋes aŋuna a ŋakiro a nu: Akitubul ayoŋ, ikotere osec ayoŋ aŋuna etiyaa ŋakiro ŋun, ikotere oruwor ayoŋ ituŋanan ŋini aronon alotuŋa.

Neem. 6:13 Iomraidhean Croise

Neem. 6:12

Abu nai ayoŋ oyenu atemar pa kiyakuunit Akuj iŋes jik, nai abu iŋes todwar ŋuna aronok aŋuna kaŋ, anerae epaŋgato Tobia ka Sanibalat iŋes.

Neem. 6:6

Egiritae nabaruwa ŋin ŋakiro nu, “Irworosi ŋituŋa a ŋakwapin ka elimunit Gesem daŋ ŋunapei, atemar icamito iyoŋ ka Ŋiburaniyae akiŋer erwosit, ŋakiro ŋun iŋes idukyo iyoŋ arwatata, ido anakiro a ŋun, ebookoi icamit iyoŋ aruwor erwosit kec.

Ŋakit. 22:1

Ejok anyarit ekiro kon a ŋakiro a ŋuna ajokak akilo anyarit aŋuna ibaritor iyoŋ, ido ejok araakau ŋini ijok alotuŋa akilo tari esilipa, kori egolid.

Ŋakit. 29:5

Ituŋanan ŋini irworo ŋisoswae neni a ikidunyet keŋ, irworo ŋakiro ŋuna ikamunete ikidunyet keŋ.

Ekal. 7:1

Iloit ekiro ŋolo ajokan akimyet ŋina a egyelit a ŋolo apolon ka iloit akoloŋit ŋina itwana ŋina ikidounere

Isa. 51:7

Topupokisi ŋakiro kaŋ iyes ŋulu eyenete ŋuna ka akiyookino, iyes ŋituŋa ŋulu iwuakinito akitatam kaŋ lotai kus nyikuryaketa aŋuna ŋituŋa a ŋulu ikiyanyete iyes, nyikikadak iyes apaki ŋina ikiyanyata ikes iyes,

Isa. 57:11

Ŋae ikerito ka ikuryanito iyes aŋuna keŋ, ŋini abu ikiinak iyes akirwor alyokonu, ido ikitojoŋo iyes atamunit ayoŋ, kori atamatam aŋuna kaŋ? Meere nai aŋuna abunio ayoŋ eliliŋ apaki ŋina aoyan iŋes iponiata iyes nyikitopoloosi ayoŋ a?

Yer. 1:17

Nai toten iyoŋ Yeremia, towo, tolimok ikes ŋakiro daadaŋ ŋuna ekeciki ayoŋ iyoŋ. Nyikuryaniar alokiŋaren kec, kikuryaniar iyoŋ, akainakini ayoŋ iyoŋ akuryanu alokiŋaren kec.

Yer. 18:18

Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Yer. 20:10

anerae apupi ayoŋ ŋituŋa ŋulu alalak iŋaiŋaasi ebasi, “Eyai ekabule ŋiwaetin daadaŋ, kisitakisi iŋes! Emaikina iwon esitakisi iŋes!” Idarito ŋikonei kaŋ daadaŋ atemar okokuruwo ayoŋ akitiya, ebasi ikes make, “Acepaki emodiyaryo iŋes, eloutu nai iwon iŋes, enyaŋasi ŋuna etiyat iŋes neni yok.”

Esek. 2:6

Nai iyoŋ lokoku a ituŋanan, nyikuryaniar aŋuna kec, kori nyiker ŋakiro kec tari kiyai iyoŋ nakitukuruworeta ka kepipil ŋakiro kec ikwa ŋikukwa, kori kiboi iyoŋ alokidiŋ ŋituŋa ŋulu ikote ŋitwania. Nai nyikuryaniar aŋuna a ŋakiro kec ka nyikitubulo ikes iyoŋ iŋolikini, anerae erae ikes ekal ŋolo aŋeron.

Mat. 10:28

Nyikera ŋulu earete akuwan, nai nyepedorito akiar etau; nai tokera ŋolo epedori akiar akuwan ka etau, tocakak tooma nakim ŋina nyeduŋe.

Mat. 22:15

Toloto Ŋiparisayon totukut alokun Yesu anakiro a ŋuna erworo.

Mat. 26:59

Kiwara ŋisacaradotin ŋulu apolok ka Atukot daadaŋ erot ŋolo kisudokinet Yesu ŋakiro, ikotere totubokinere iŋes atwanare.

Ŋitic. 6:13

Yaut ŋisuudae ŋulu esudete ŋakiro ŋulu abasi, “Nyieŋununui ekile lo erwor ŋuna aronok Kai ka Akuj na ŋina asegan ka Lokisila ŋulu ka Akuj;

2 Ŋikor. 11:12

Arubakini ayoŋ etiyae ŋuna tokona etiyae, ikotere etoŋopikinia “Ŋikiyakia ŋul” ibore ŋini iturotor ebasi itiyaete ikes daŋ lopite ŋolo itiyaere isua.

1 Tim. 5:14

Aŋun, atami ayoŋ atemar emaikina ŋapuseru ŋuna eriŋa esorokaka kiitae, toryamut ŋidwe ka kidara ŋirerya kec, ikotere nai nyeryamut ŋimoi yok adiopaki ŋina ikitoroniyaryata iwon.

2 Tim. 1:7

Anerae pa abu Akuj ikiinak iwon Etau ŋolo ka akuryanu, nai abu ikiinak Etau ŋolo ka apedor ka amina ta akiyapara.

Tito 2:8

Kirwor ŋakiro ŋuna ileereete ŋuna nyitepegio, ikotere ŋiketepegak yok isurumyo ŋileec, anerae eŋopete ŋakiro ŋuna aronok ŋuna ikitoroniyaryata ikes iwon.

Yak. 4:17

Aŋun, ituŋanan ŋini eyeni ŋuna itemokino kitiyae, nai nyitiyak, aruwor ŋun asecit aneni keŋ.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”