Neem. 5:7 - Ebaibul

⁷ Kadau ayoŋ atamatam ŋakiro ŋun, abu ayoŋ esitak ŋikapolok ka ŋikepukak a ŋituŋa olimok ikes otema, “Iyatanakinete iyes ŋisiliŋa ŋice losiliŋa ŋulu idenionokinete ŋituŋa kus pei.” Abu nai ayoŋ onyarau atukot ŋina alalan toanyu epite ŋolo esubakinere ŋakiro kec,

Neem. 5:7 Iomraidhean Croise

Ŋikiru. 109:11

Emaikina ŋulu ideniyorito ŋiboro aneni keŋ tolemasi ŋiboro keŋ daadaŋ, emaikina ŋituŋa ŋulugelae toŋatasi ŋiboro ŋulu kebu iŋes toryamu.

Ŋikiru. 15:1

Okoe Akuj, ŋae erubakini iboi alo Kai kon? Ŋae epedori akiboi alomukura kon a ŋolo asegan?

Ŋikiru. 15:5

Ikes ŋulu nyiasete ŋisiliŋa kec ŋulu ideniyorit ituŋanan ŋinice, ikes ŋulu nyijaete ŋakaluŋuluŋui akisitakinia ŋini emam ŋuna aronok itiyat. Ŋituŋa ŋulu itiyaete ŋakiro ŋun, erubakinete iboiyete emam ŋace.

Ŋikiru. 27:8

Ebala etau kaŋ neni kaŋ, “Bua, kilip neni ke Ekapolon!” Okoe Ekapolon elipi ayoŋ neni kon.

Ŋikiru. 4:4

Ani kiŋoa iyes, nyicamut aŋoit kus ikiteseci iyes; totamatamata ŋakiro ka aŋoit kus iperete, ido kililiŋiasi.

Ŋikiru. 94:16

Ŋae abu towo aŋuna kaŋ akitoroniyar ŋulu aronok? Ŋae abu oriwo ka ayoŋ, kitoroniya ŋulu itiyaete aronis?

Awos. 22:24

aŋoi ayoŋ nooi, akamunyari iyes ke ekileŋ, toruworos ŋaberu kus ŋapuseru ka toruworos ŋidwe kus ŋikokyok.

Awos. 22:25

“Ani kidenikis iyes ituŋanan kaŋ ŋinikulyakit idio ŋisiliŋa, nyemaikina iyes kimicata ikes esibit ideniyorito ibore idio, nyiyatakis ibore ice nibore ŋini imicao ikes.

Ŋakit. 27:5

Ejok alimokin atemar toesik akitiya ŋun ka ŋun, akilo atemar ikiminae, nai kimunonitetei.

Ŋakit. 28:4

Ŋituŋa ŋulu eŋerito akiwuap ŋikisila, elakara aŋuna a ŋituŋa a ŋulu aronok, nai ŋituŋa ŋulu iwuapito ŋikisila, eremokino ŋituŋa ŋulu aronok.

Esek. 22:12

Eyakasi tooma kon ŋikilyok ŋulu ecamununuyete ŋakaluŋuluŋui aŋuna ka aarya ŋuluce; ijaanarete ikes ŋisiliŋa, ido kiyatakis ŋice neni a ŋulu idenikinitoe sek ituŋanan kec pei Esiraelit, ido abarakis ikes namodyanakin ŋikidunyet kec. Nyeriŋa ikes akamisito ayoŋ.

Esek. 45:9

“Alimu Ekapolon Akuj atemar, okoe ŋikepukak a Isirael, itiyata iyes akisec ŋinapei paaran, toesikisi aryenyeo ka akisicanit ŋuluce, kitiyata ŋuna ajokak ka ŋuna iyookino, tojoŋoto akirisit ŋituŋa kaŋ anakwap kec, ayoŋ Ekapolon Akuj akalimokinit iyes.”

Ŋilep. 19:15

“‘Kitiyata ŋuna iyookino apaki ŋina itubioto ŋakiro, nyikisyonioto ŋulu a ŋican apaki ŋin, kori nyiwara akitojoka aneni a ŋulu erae ŋikabarak, nai totubonokisi ŋikidunyetkus alotooma akiyookino.

Ŋilep. 25:36

Nyitatac iŋes ŋisiliŋa ŋulu edeparito ŋulu sek edeniyorit iŋes, nai tokerito Akuj, ikotere ituŋanan kus ŋin erubakini iboi aneni kus.

Mat. 18:17

Ani erae kewou akiirar ikes, tolimok atukot a Ŋikristo. Ani nabo keŋer akiirar tari ŋuna elimokini atukot ŋin, kimyek iŋes kikok aneni kon ituŋanan ŋini nyenupit ŋakiro ŋuna ka Akuj kori kikok ekeriran ocur.

2 Ŋikor. 5:16

Ameun tokona, nyeriŋa isua ikitubokini idiotuŋanan alopite a ŋolo a ŋituŋa a ŋulu ka akwap. Tari erae kikiyenunit isua Kristo kocooloŋ alopite a ŋolo ka akwap a na, nyeriŋa tokona ikiyeni iŋes alopite a ŋol.

Ŋigal. 2:11

Nai ani ebuni Petero Antiokio, abu ayoŋ etepeg iŋes alokiŋaren ŋikanupak daadaŋ, anerae eleere atemar pa eyookino ŋakiro ŋuna etiyat iŋes.

1 Tim. 5:20

Kisibura iteete ŋituŋa daadaŋ ŋulu eseceneneete, ikotere ekerete ŋuluce akitiya ŋun.

Tito 2:15

Kitatam ŋakiro ŋun; kisitiya apolou daadaŋ ŋina iyakar iyoŋ apaki ŋina isimukekinitor ka ŋina isiburaa ikes epupete ŋakiro ŋuna irworo iyoŋ. Nyicamak idio alokidiŋ kec ikimenit iyoŋ.