Neem. 5:13 - Ebaibul

¹³ Abu daŋ ayoŋ elakilakaa abilet a elou kaŋ otema, “Elipi ayoŋ kilakilakaa Akuj ŋinituŋanan alokai keŋ ka alotic keŋ ŋini nyiwuapi akiikinet na. Elipi kilakilakaarae iŋes lopite ŋol, kimyekinae ikes emam ibore eyakatar.” Tolimu atukot daadaŋ tema, “Amen”, ido kipuro Ekapolon. Apotu ŋituŋa kitiyata lopite ŋolo eikinitotor.

Neem. 5:13 Iomraidhean Croise

2 Ŋirw. 23:3

Towo erwosit Yosia alodiyete epir, kikoŋ alokiŋaren Ekapolon akiwuapit iŋes, akiricakinit ŋakiciketa keŋ, ŋakiro keŋ ka ŋikisila keŋ a etau keŋ a daadaŋ ta akitiya ŋuna daadaŋ igiritae lokitaabo ŋol. Tosodo ŋituŋa daadaŋ kiikis akiwuap Acamunet ŋin.

1 Ŋakiro a ŋirwa 16:36

Akipuro toyai neni ke Ekapolon, Akuj ŋina a Isirael, ameun tokona tari ŋikaru ka ŋikaru.” Apotu nai ŋituŋa daadaŋ temasi, “Amen,” ido apotu kipuro Ekapolon.

Neem. 8:6

Kipur nai Esira Ekapolon, Akuj ŋina ailiilon, toboŋokis ŋituŋa daadaŋ temasi “Amen, Amen” ikyaarito ŋakan kec. Tosodi kijuuroto, kilipa neni ke Ekapolon edolito ŋireetin kwap.

Ŋikiru. 119:106

Adau ayoŋ akikoŋ, ido etogogoŋ akikoŋet ŋin, atemar ewuapi ŋakiro ŋuna itubunit iyoŋ ŋun iyookino.

Ŋikiru. 50:14

Inakisi Akuj ŋamuronisya ŋuna ka alakara neni keŋ, ido kisiyookisi ŋuna ipotu iyes kikoŋo neni ka Akuj a ŋina alokidiama nooi.

Ŋikiru. 76:11

Kikoŋo neni ke Ekapolon Akuj kus ido kisiyookisi ŋuna idaut akikoŋ; emaikina ŋituŋa a ŋakwapin a ŋuna idunyatar iyes yaut ŋainakineta neni ka Akuj a ŋina emaikina tokeritetei.

Ŋakit. 28:4

Ŋituŋa ŋulu eŋerito akiwuap ŋikisila, elakara aŋuna a ŋituŋa a ŋulu aronok, nai ŋituŋa ŋulu iwuapito ŋikisila, eremokino ŋituŋa ŋulu aronok.

Ekal. 5:5

Ejok iyoŋ awoun akiikin akilo iyoŋ akiikin, ido nyitiya ŋuna idau iyoŋ akiikin.

Ekim. 5:22

Agasi tolomasi ŋakipi nu ŋuna eyaunete ŋilam neni a ituŋanan nakook kon, kiturubak ŋaokot eponito anaperyet a akook kon ka torinyiyo aperyet a akook kon.’ Tolimu nai aberu ŋin tema, ‘Kitiyakin ŋun, kitiyakin.’

Mat. 10:14

Ani kemam ituŋanan ŋini ikijauni kori ŋini iirari ŋakiro kus, totwakisi apuwa ŋina a ŋakejen kus nen, apaki ŋina irotokinioto iyes alokai a ŋin kori alotaun a ŋol.

Ŋitic. 13:51

Totwakis ŋikasyomak apuwa anakejen kec neni kec, kitoodiu nen atemar esecito ikes, ido toloto Ikonio.

Ŋitic. 18:6

Nai ani itepegete ikes iŋes ka kirworotor iŋes neni aronon, kilakilakaa iŋes ŋilowi keŋ tema, “Ani tokona kikitubok Akuj iyes, erae ŋun ŋuna kus! Emam ŋuna akatapito ayoŋ. Ameun tokona alosi ayoŋ lotuŋa ŋulu nyerae Ŋiyudayan.”

1 Ŋikor. 14:16

Nai ani ilakar iyoŋ neni ka Akuj ka aŋajep a ŋina ke Etau ka Akuj, ikokini nai ituŋanan ŋini emamukar ainakinet ŋin etemari “Amen” aŋuna ka akilip a ŋina ka alakar kon neni ka Akuj ai? Emam epite ŋolo epedorya iŋes ayenun ŋuna irworo iyoŋ.

1 Sam. 15:28

Tema Samuel neni keŋ, “Adau Ekapolon alemar apukan a Isirael aneni kon ameun nakoloŋit na, ido ainaki neni a ekidunyet kon ke epei a ŋolo ejok akilo iyoŋ.