Neem. 5:1 - Ebaibul

¹ Apotu ŋikilyok kaapei ka ŋaberu kec kikalout nooi itoroniarito Ŋiburaniyae ŋulu arae ŋiyeneta kec.

Neem. 5:1 Iomraidhean Croise

Neem. 4:23

Aŋun, nyelacara ayoŋ ŋilowi kaŋ, kori ŋikaitotoi kaŋ, kori ŋiketiyak kaŋ, kori ŋikilyok ŋulu eteete akwap nakwaare, ŋinituŋanan daadaŋ atiŋit ŋiboro keŋ ŋulujiet tari elosi nakipi.

Yob 34:28

Apotu ikes kisigworo ŋikulyak todol akigworo kec neni ka Akuj, ido abu Akuj kiira akigworo a ŋituŋa a ŋulu esicanitae.

Awos. 3:7

Tema nai Ekapolon, “Adau ayoŋ akiŋolikin epite ŋolo iteryamunitere ŋituŋa kaŋ ŋican alo Ijipit. Eira ayoŋ akigworo kec ŋina isigworyoto ŋikapolok ŋulu isitiyaete ikes. Kire jik akanomosi ayoŋ ŋican kec

Isa. 5:7

Erae Isirael emanikor ŋolo a epiini ŋolo a Ekapolon a ŋolo a ŋajoresyo, ido erae ŋituŋa a Yudaya ŋikito a epiini ŋulu ajokak ŋulu edupakinit Ekapolon. Eitanit Ekapolon atemar kitiyata ŋituŋa a Yudaya ŋuna iyookino, nai abu kiŋolik aara. Eitanit iŋes atemar toruwor ikes ŋulu iyookino, nai abu kiira akigworo bon!

Yer. 34:8

Erae nu ŋakiro ŋuna abu Ekapolon kirwor neni a Yeremia kedau erwosit Sedekia acamun ka ŋituŋa ŋulu eboiyete alo Yerusalem akiseraun alacakino a ŋituŋa.

Esek. 45:9

“Alimu Ekapolon Akuj atemar, okoe ŋikepukak a Isirael, itiyata iyes akisec ŋinapei paaran, toesikisi aryenyeo ka akisicanit ŋuluce, kitiyata ŋuna ajokak ka ŋuna iyookino, tojoŋoto akirisit ŋituŋa kaŋ anakwap kec, ayoŋ Ekapolon Akuj akalimokinit iyes.”

Mal. 2:13

“Icebore ŋini itiyaete iyes iŋes en: Iteleleete iyes ŋakiyo kus a Namuroet ke Ekapolon. Igworosi ka iwololoete, anerae nyeriŋa Ekapolon emitakinit ŋainakineta, kori nyeriŋa elakara akijaun ikes anakan kus.

Luk. 18:7

Ani bo Akuj, nyepedori mono iŋes akitiya neni ajokan loseuna keŋ ŋulu igworonokinete iŋes apaaran jwii ka akuwar kya ecamito akiŋarakino a? Edidi iŋes akiŋarakin ikes a?

Ŋitic. 7:26

Akoloŋit ŋina atupakini, toryamu Moses Ŋisirael ŋiarei ejiete. Kikatak iŋes akisisil ikes ebala, ‘Ŋikilyok, iraakasi iyes ŋikaitotoi, kaanukiro icamitotor iyes awana make?’

Yak. 5:4

Emam nyetaca iyes eropit ŋolo a ŋiketiyak lomanikorin kus. Topupokisi ŋakiro ŋuna iburaata ikes! Adol akigworo a ŋulu elemete ŋimanikorin kus neni ka Akuj, Ekapolon ŋolo etiron.