Neem. 4:9 - Ebaibul

⁹ Aŋun, aponi isua kilipae neni ka Akuj kosi, kiwuakinae ŋikilyok ŋulu eyokiyete akwap naparan ka nakwaare.

Neem. 4:9 Iomraidhean Croise

Akisy. 32:28

Tema iŋes neni a Yakob, “Nyenyarao nabo ekiro kon Yakob, nai enyarao Isirael, anerae idayu iyoŋ akisilek Akuj ka ŋituŋa, ido ibu iyoŋ kidaŋidaŋ.”

Neem. 4:10

Nai apotu ŋituŋa a Yudaya temasi, “Adaun agogoŋu aneni a ŋiketiyak, ido elalak ŋatunyeny ka nyikipedorit iwon arubakin ikiduki arwatata.”

Neem. 4:11

Tolimut ŋimoe kosi temasi, “Nyeyenunete, kori nyiŋolikinete ikes ŋadikiro eriŋa iwon nyedolo neni kec akiar ikes, towo etic.”

Yob 5:12

Emunaanari Akuj ŋuna eyeete ŋirakaanotin, ikotere nyeryamut ibore idio.

Ŋikiru. 33:10

Ituruwonori Ekapolon ŋakiro ŋuna aronok, ŋuna etukete ŋakwapin ŋacaryo; nyisiyoonokini Ekapolon ŋakiro ŋuna aronok ŋuna etukete ŋituŋa.

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Ŋakit. 22:12

Erae acamit ŋina a Ekapolon aanyun atemar irworo ituŋanan ŋakiro ŋuna ka aosou, nai eŋerit Ekapolon akiiranar ŋakiro ŋuna irworo ituŋanan ŋini nyikinyoma.

Mat. 26:41

Tokienyete ka kilipete, ikotere nyilomasi nakitemyet. Ecamit etau, nai epalag akuwan.”

Luk. 21:36

Torubakisi ikienyete, nabo kilipete jwi jwi, ikotere toryamut agogoŋu ŋina ibucarotor anakiro a daadaŋ a ŋuna etakanunete ka towueta alokiŋaren Lokoku a Ituŋanan.”

1 Pet. 5:8

Totenito, tokienyete! Anerae irimit Satan, ŋolo erae emoit kus ikwa eŋatuny ŋolo irurumae iwarit idio ŋini nyamat.