Neem. 3:15 - Ebaibul

¹⁵ Todukok Salum lokoku a Kolose, ŋolo arae ekepukan a akibois a Misipa, epuke ŋolo a Elelya, todukok arwatata kidiama epuke, kiwuak daŋ ŋikekya, ŋigolyet ka ŋasuwa ŋuna ilorere epuke, tosodi todukok arwatata ŋina ka akare a ŋina a Sela, a akare a emanikor a ŋolo ke erwosit akitodol nadoketa ŋuna etiyaere, kori edokanarere lotaun a Daudi.

Neem. 3:15 Iomraidhean Croise

2 Sam. 5:9

Kiboikin Daudi naduketait ŋinajiet, tolimok ekiro a aduketait a ŋin, “Etaun a Daudi.” Todukok arwatata a etaun a ŋol kisiryam, toluku tooma, toremokin kai ka apukan.

2 Ŋirw. 25:4

Aponi topedoi arwatata ŋina ke etaun, ido toema erwosit ka ŋasigarya daadaŋ nakwaare, kitoro ikes lopuke ŋolo apedokinete ikes kidiŋ ŋarwatatain ŋuna edunyasi ka emanikor ŋolo ke erwosit, tari daŋ ŋina erikaunitotor Ŋibabiloniyae etaun. Apotu ikes toema lowae ŋolo ka Araba.

2 Ŋakiro a ŋirwa 32:30

Arae Esekia pei abu togol ŋakipi a elelya Gion, tobok akitelosit ŋina etorit kwap ŋalup ŋina acilarit ŋakipi lowae ŋolo alo To etaun a Daudi. Abu Esekia kitiya ŋiticisyo keŋ daadaŋ ejok emam atwaniyar.

Neem. 12:37

Ani edolete lopuke ŋolo a Elelya, kitipeiyosi anadoketa a ŋuna alotaun a Daudi, neni ikyaaror alokidiama akai a Daudi, todolo lopuke ŋolo a Ŋakipi ŋolo ayai Kide etaun.

Neem. 2:14

Tosodi abu olot kiŋaren odol lopuke ŋolo ke Elelya tari Kare a erwosit, nai amam neni apedori aŋole ŋina adokit ayoŋ akitor.

Neem. 2:17

Abu nai ayoŋ olimok ŋituŋa otema, “Iteete iyes ŋican ŋulu ikiyakar iwon, epite ŋolo eyakar Yerusalem emunaara ka emunaaritae ŋipukei keŋ ka akim. Potu odukokisi nabo arwatata a Yerusalem, ikotere nyikijamuwar nabo iwon.”

Neem. 3:12

Alokiŋaren kec todukok Salum lokoku ka Aloes, ŋolo arae ekepukan a atutubet ka apei a akibois a ŋina a Yerusalem, adukete iŋes kaapei ka ŋidwe keŋ ŋulupesur.

Neem. 3:14

Todukok nabo Maliciya lokoku a Rekab, ŋolo arae ekepukan a atutubet a apei a ŋina ka akibois a ŋina a Bes-Akerem epuke ŋolo ka Aoret, kiwuak ŋikekya, ŋigolyet ka ŋasuwa ŋuna ilorere epuke.

Neem. 3:19

totupak Eser lokoku a Yesua a ŋolo arae ekepukan a Misipa, abu iŋes todukok arwatata neni eteosi ka neni eŋadatae ŋiboro ŋulujiet alokoona a arwatata.

Neem. 3:7

Todukokis alokiŋaren kec Melatia ŋolo alo Gibeon ka Yadon ŋolo alo Meron, arae ikes ŋikilyok ŋulu alo Gibeon ka Misipa, ŋulu epukat ekepukan ŋolo ka akwap a ŋina Alokekwaye Aŋolol.

Neem. 3:9

Alokiŋaren kec todukok Rapaia lokoku a Ur ŋolo arae ekepukan ka atutubet a apei a ŋina ka akibois a Yerusalem.

Ekal. 2:6

Abu ayoŋ obok ŋataparin kaŋ ŋuna ebukonokinio ŋakipi kec lokito ŋulu elomunito erae amoni.

Isa. 8:6

“Aŋuna aŋeryoto ŋituŋa lu ŋakipi a Silo ŋuna eleleete iwadio ka aŋuna emaraniata ikes alokiŋaren Resin ka lokoku a Remalia,

Yer. 40:6

Abu nai Yeremia tolot Mesipi neni a Gedalia alokoku ka Aikam, kiboiyoto ka iŋes kaapei ka ŋituŋa ŋulu aponi kimyekinae anakwap a Yudaya.

Luk. 13:4

Ani bo ŋituŋa ŋulutomon ka ŋikanikauni ŋulu aritakin arwatata toar alo Siloam? Itamete iyes itoodiunito ŋun atemar kesecaka ikes nooi akilo ŋituŋa daadaŋ alo Yerusalem a?

Yoa. 9:7

Tolimok Yesu iŋes tema, “Ape kilota ŋakonyen kon anabwal a ŋina a Siloam” (apolou keŋ atemar “Iyakitae”). Tolot iŋes, kilota, toboŋu ekienyi.

Ŋikat. 20:1

Apotu nai Ŋisirael daadaŋ ameun alo Dan tari Bee-Seba akitodol Gilead, tocunakin daadaŋ kiŋaren Ekapolon nakibois apei alo Misipa.

Ŋikat. 20:3

(Kiirasi ŋituŋa a ekabila a Benjamin atemar etipeiyosi Ŋisirael daadaŋ Misipa.) Kiŋita nai Ŋisirael Elepait temasi, “Tolimokinae isua epite ŋolo etiyakinotor ŋakiro ŋuna aronok nu.”