Neem. 2:6 - Ebaibul

⁶ Kirwor erwosit neni kaŋ (eboi arwosit daŋ alodiyete keŋ) tema, “Apaki ŋina etya ai iboiyo iyoŋ ka ama, ido ori iboŋunio iyoŋ?” Aŋun, abu tojoik erwosit akiyakiyar ayoŋ ka abu ayoŋ olimok iŋes akoloŋit ŋina acamitor alosio.

Neem. 2:6 Iomraidhean Croise

Neem. 1:11

Okoe Ekapolon, topupok akilip a eketiyan kon ka topupok akilip a ŋiketiyak kon a ŋulu elelyakinito akitopoloorit ekiro kon. Inak akiloun neni a eketiyan kon nakoloŋit na, ido kisyoni iŋes alokiŋaren ekepukan lo!”

Neem. 13:6

Apaki ŋina etiyaere ŋakiro ŋun, amam ayoŋ alo Yerusalem, anerae alokaru a ŋolo a ŋatomoniuni ka ŋiarei ipukat erwosit Aritaseses ŋolo a Babilon, abu ayoŋ oboŋo neni a erwosit. Kelunyar ŋirwa ŋidi, abu ayoŋ eŋit erwosit acamakin ayoŋ

Neem. 2:4

Abu nai erwosit ekeŋit ayoŋ tema, “Nyo tokona iŋita iyoŋ?” Aŋun, abu ayoŋ elip neni ka Akuj a ŋina anakuj.

Neem. 2:5

Tosodi olimok ayoŋ erwosit otema, “Ani kitalakarito ŋakiro nu erwosit ka ani kajok ayoŋ eketiyan kon aneni kon, eŋita ayoŋ atemar ikiyakiya iyoŋ ayoŋ Yudaya, lotaun ŋolo enukakinitae atapapaa kaŋ, ikotere alosi adukokin iŋes nabo.”

Neem. 5:14

Ameun anapaki a ŋina akaseunere ayoŋ aruwor ekepukan a Yudaya, ameun alokaru a ŋolo a ŋatomoniarei akitodol ekaru ŋolo a ŋatomoniuni ka ŋiarei ipukat Aritaseses ŋikaru ŋitomon ka ŋiarei, nyenyama ayoŋ, kori ŋikaitotoi kaŋ akimuj ŋina alemunit erwosit aŋuna kaŋ a ekepukan.

Isa. 58:12

Edukokinio nabo ŋakais kus ŋunakoloŋ ŋuna aritanakina, idukokinete iyes ŋakais ŋuna a ŋanyemeta a ŋuna alalak; ikinyarao iyes ŋikadukokinak nabo ŋarwatatain ŋuna abwaŋabwaŋaara, ŋikewuakinak nabo ŋirotin a etaun ŋulu eya ŋakais nawae.

Isa. 61:4

Edukokinete ikes nabo ŋireŋoroto ŋulu koloŋ, ituruworete ikes ŋakiboisyo ŋuna koloŋ aponi toesikinae ŋuna ekitetyaka, esubanakinete ikes nabo ŋitaunio ŋulu aponi kinyasunae; ŋireŋoroto a ŋanyameta a ŋuna alalak.

Isa. 65:24

Ani eriŋa ikes nyenyara ayoŋ akiŋarakin ikes, aboŋokini ayoŋ ikes, ani eriŋa ikes irworosi, eirari ayoŋ ŋuna irworosi ikes.

Dan. 9:25

Aŋun, toyenu atemar ameun anapaki a ŋina alimorere atemar emaikina kinyakunae Yerusalem ka todukoe nabo, akitodol apaki ŋina ebunio ekarikon ŋolo eseunit Akuj, eyakaun ŋikaru ŋatomoniomwon ka ŋikanikaomwon ka alotooma ŋikaru ŋamiae ŋaomwon ka ŋatomonikanikapei ka ŋiomwon, edukokinio Yerusalem nabo toyakaun ŋirotin ŋulu ke etaun ka ŋarwatatain ŋuna erae ŋatabab ewuatere etaun, nai itiyao ŋun anapaki a ŋina a ŋican.