Neem. 2:5 - Ebaibul

⁵ Tosodi olimok ayoŋ erwosit otema, “Ani kitalakarito ŋakiro nu erwosit ka ani kajok ayoŋ eketiyan kon aneni kon, eŋita ayoŋ atemar ikiyakiya iyoŋ ayoŋ Yudaya, lotaun ŋolo enukakinitae atapapaa kaŋ, ikotere alosi adukokin iŋes nabo.”

Neem. 2:5 Iomraidhean Croise

2 Sam. 14:22

Toryedik Yoab alokwap, kijuuru todol ereet kwap, itoodiunit akitopoloorit keŋ erwosit. Kilip iŋes arereŋu toyakaun neni a erwosit, ido tema, “Aanyu ayoŋ eketiyan kon nakoloŋit na atemar ajok aneni kon ekapolon kaŋ erwosit, anerae icamu iyoŋ erwosit akitiya ŋuna eŋita ayoŋ eketiyan kon.”

Esir 5:17

Ani tokona kejok aneni kon erwosit, kimyek toripiripae lokitaaboi ŋulu ka apukan ŋulu iŋadatae inaa Babilon, toanyunae keya ŋakiro ŋuna abu erwosit Kirus totub aŋuna ka Akai ka Akuj alo Yerusalem. Okoe erwosit, kiyakikinae isua ŋuna ikitalakarito iyoŋ anakiro a ŋun.”

Neem. 2:4

Abu nai erwosit ekeŋit ayoŋ tema, “Nyo tokona iŋita iyoŋ?” Aŋun, abu ayoŋ elip neni ka Akuj a ŋina anakuj.

Neem. 2:6

Kirwor erwosit neni kaŋ (eboi arwosit daŋ alodiyete keŋ) tema, “Apaki ŋina etya ai iboiyo iyoŋ ka ama, ido ori iboŋunio iyoŋ?” Aŋun, abu tojoik erwosit akiyakiyar ayoŋ ka abu ayoŋ olimok iŋes akoloŋit ŋina acamitor alosio.

Esta 1:19

Ani kejokak nu aneni a erwosit, itemokino iŋes tolimu akirot, ido kimyek iŋes akirot ŋin kigirae lokisila a Ŋiperisan ka Ŋimidian, ŋikisila ŋulu nyepedoryo akilocokin. Akirot ŋin iŋes na, nyemaikina jik Basiti bu kiŋaren erwosit Ausero, ido emaikina erwosit inak apolou a Basiti neni ka aberu a ice a ŋina ejok akilo Basiti.

Esta 5:8

Ani kajok ayoŋ aneni a erwosit ka kelakara erwosit ainakin ayoŋ ŋuna elipa, kisiyook ŋuna eŋita ayoŋ, elipit ayoŋ erwosit ka Aman potu moi taparacu nasuban ŋuna etemokini ayoŋ. Nen nai aboŋokinio ayoŋ ŋuna iŋita erwosit.”

Esta 7:3

Toboŋok nai arwosit Esta tema, “Ani erwosit karae ayoŋ ŋina ajok aneni kon, ani kilakari iyoŋ a nu, ekelipit toiu akiyar kaŋ, ŋuna elipa ayoŋ ŋun ka toiu akiyar a ŋituŋa kaŋ, ŋuna eŋita ayoŋ ŋun.

Esta 8:5

Tema Esta neni a erwosit, “Ani kejokak aneni kon erwosit ka ani kilakara iyoŋ aŋuna kaŋ, ekelipit kigirae akirot ŋina inyakunere ŋabaruwae daadaŋ ŋuna abu Aman lokoku ka Amedasa a ŋolo arae Egagitait kitemok ka kigir amunyarya Ŋiyudayan anakwapin a ŋuna ipukat iyoŋ daadaŋ,

Ŋakit. 3:4

Ani kitiya iyoŋ ŋun, iruwor iyoŋ ŋini ikipuritoe ka ikitojokitae aneni ka Akuj ka alotuŋa.

Dan. 9:25

Aŋun, toyenu atemar ameun anapaki a ŋina alimorere atemar emaikina kinyakunae Yerusalem ka todukoe nabo, akitodol apaki ŋina ebunio ekarikon ŋolo eseunit Akuj, eyakaun ŋikaru ŋatomoniomwon ka ŋikanikaomwon ka alotooma ŋikaru ŋamiae ŋaomwon ka ŋatomonikanikapei ka ŋiomwon, edukokinio Yerusalem nabo toyakaun ŋirotin ŋulu ke etaun ka ŋarwatatain ŋuna erae ŋatabab ewuatere etaun, nai itiyao ŋun anapaki a ŋina a ŋican.

Mat. 23:27

“Ekaŋ iyes, ŋiketatamak a Ŋikisila ka Ŋiparisayon! Ŋikaŋisoswae! Ikote iyes ŋalyalin ŋuna ilelyatae kiwosae neni akwaŋan kiŋa kibusyata, nai tooma kec ileleba ŋakoyo a ŋikatwak ka abosis daadaŋ.

Rus. 2:13

Tolimu Rus tema, “Torubak ikitojokit ayoŋ ekapolon kaŋ, anerae ikisirworiu iyoŋ ayoŋ ka eira etau kaŋ a aketiyan kon ŋuna irwor iyoŋ. Tari daŋ pa karae ayoŋ apei a ŋaketiyak kon.”