Neem. 2:3 - Ebaibul

³ Olimok ayoŋ erwosit otema, “Elipi torubak erwosit eyari ŋikaru ka ŋikaru! Ikokini ereet kaŋ pa enyorididi, tomunaara etaun ŋolo erae akibois ŋina enukitae atapapaa kaŋ ka tomunaaritetei ŋipukei ka akim ai?”

Neem. 2:3 Iomraidhean Croise

1 Ŋirw. 1:31

Tosodi nai Basiseba toryedik aloŋaren erwosit kijuuru todol ereet kwap, ido tema, “Elipi torubak ekapolon kaŋ erwosit Daudi eyari ŋikaru ka ŋikaru.”

2 Ŋirw. 25:8

Ani edoli ŋirwa ke elap ŋikanikaarei, elap ŋolo a ŋikan, alokaru a ŋolo a ŋitomon ka ŋikanikaomwon ipukat erwosit Nebukadinesar Babilon, tolot Nebusaradan ekapoloniton a ŋasigarya a ŋuna eteete erwosit a Babilon Yerusalem.

2 Ŋakiro a ŋirwa 21:20

Arae ŋikaru a Yeoram ŋatomoniuni ka ŋiarei isyakini akipuka Yudaya. Abu iŋes kipuka Yudaya alo Yerusalem ŋikaru ŋikanikauni. Mam ituŋanan abu kiyaloloŋ aŋuna keŋ apaki ŋina atwania. Aponi tonukae iŋes lotaun a Daudi, nai meere neni anukitae ŋirwosi ŋuluce.

2 Ŋakiro a ŋirwa 28:27

Abu Aas totwana, tonukae akuwan keŋ neni anukitae atapapaa keŋ lotaun Yerusalem, nai aponi iŋes nyenuki neni anukeneneo ŋirwosi a Isirael. Kilunyokin Esekia ŋolo arae lokoku keŋ lokicoloŋ keŋ kipuka Yudaya.

2 Ŋakiro a ŋirwa 32:33

Abu Esekia totwan, tonukae nadokaret lomukura neni anukitae ŋiletok a Daudi. Ani etwani Esekia, apotu ŋituŋa a Yudaya ka Yerusalem potu neni keŋ itoodiunito akitopoloorit kec iŋes. Kilunyokin Manase ŋolo arae lokoku keŋ lokicoloŋ keŋ kipuka Yudaya.

2 Ŋakiro a ŋirwa 36:19

Apotu Ŋibabiloniyae kicunya Akai ka Akuj, toritakis arwatata a Yerusalem kwap ka kicunyasi ŋakais ŋuna ka apukan daadaŋ ka tomunaasi ŋiboro ŋulu apol egyelit daadaŋ alo Yerusalem.

Neem. 1:3

Okoboŋokis ikes ayoŋ temasi, “Ŋipiya ŋulu eya ama Yudaya, ŋulu aponi nyerikor, eyakasi locan ŋulu apolok ka loleec; aritaasi ŋimoe arwatata ŋina a Yerusalem ka amunaasi ŋipukei keŋ ka akim.”

Neem. 2:13

Abu ayoŋ olot nakwaare, etor lopuke ŋolo enyaritae epuke ŋolo ka Akadipaalat, olunyar alolelya a ŋolo enyaritae Elelya ŋolo ke Etyaŋ a ŋolo adedeŋan tari lopuke ŋolo enyaritae epuke ŋolo a Aoret. Abu ayoŋ esyeme ŋarwatatain ŋuna keponi toritakinae kwap ka ŋipukei keŋ ŋulu keponi tomunaarae a akim.

Esta 8:6

anerae ekokini ayoŋ ai edaŋidaŋi eteunit ŋican eponito neni a ŋituŋa kaŋ? Kori ekokini ayoŋ ai edaŋidaŋi eteunit amunyaro ebunit neni a ŋiyeneta kaŋ?”

Ŋikiru. 102:14

anerae eminasi ŋiketiyak kon Sion; nyelakara ikes aŋuna ka akinyasuno keŋ.

Ŋikiru. 102:15

Itopoloorete ŋakwapin ekiro ŋolo ke Ekapolon, itopoloorete ŋirwosi ka akwap a daadaŋ apolou kon,

Ŋikiru. 137:6

Elipi kimiidikin a ŋajep kaŋ kidiama akituk kaŋ, erae pa kakatamunit ayoŋ iyoŋ, erae pa katamunit ayoŋ atemar Yerusalem iŋes aryamunitor ayoŋ alelyanu ŋina apolon nooi.

Ŋikiru. 38:7

Elelebun aryeba ŋina apipilan nooi nakuwan kaŋ; adaun aŋaleu anakuwan kaŋ.

Yer. 52:12

Ani edoli ŋirwa ke elap ŋitomon, elap ŋolo a ŋikan, torae ekaru ŋolo a ŋitomon ka ŋikanikaomwon ipukat erwosit Nebukadinesar ŋolo a Babilon, toloma Nebusaradan ekapolokiniton a ŋasigarya a ŋuna eyokiyete erwosit a Babilon Yerusalem.

Aum. 2:9

Aritaar ŋipukei a arwatata emuleleiyasi ŋamoru, amunaiya ka abilibilaa Ekapolon ŋasuwa ŋuna sek ilorere ŋikekya. Arikor nakwapin erwosit a Yerusalem ka ŋikapolok ŋulu epukatotor iŋes. Adaun ŋikisila. Nyisileerekino Ekapolon ŋikadwarak ŋakiro keŋ anakirujaeta.

Dan. 2:4

Tolimokis nai ikes erwosit (a ŋaramaik) temasi, “Okoe erwosit kiboi ŋikaru ka ŋikaru! Tolimokinae isua ŋiketiyak kon ŋakiro ŋuna irujat iyoŋ, ikilimokinio isua iyoŋ apolou kec.”

Dan. 3:9

Temasi neni a erwosit Nebukadinesar, “Okoe erwosit, kiboi ŋikaru ka ŋikaru!

Dan. 5:10

Ani iirari arwosit ŋakiro ŋuna erworosi erwosit ka ŋikapolok ŋulu epukatotor iŋes, abu tolomu kai ŋina emujere ŋasuban, tema neni a erwosit, “Okoe erwosit, kiboi ŋikaru ka ŋikaru! nyicamak ŋatameta kon ikitubulo iyoŋ, kori nyitegelaan ereet kon.

Dan. 6:21

Tema nai Daniel neni a erwosit, “Okoe erwosit, iboi iyoŋ ŋikaru ka ŋikaru!

Dan. 6:6

Aŋun, apotu ŋirukitos a Daniel ŋuluarei ka ŋikapolokinitok a ŋakiboisyo tocamunos toloto kaapei neni a erwosit temasi, “Okoe erwosit Darius, kiboi ŋikaru ka ŋikaru!

Ŋilep. 26:31

Eturuwori ayoŋ ŋitaunio kus ŋireŋoroto, eruwor ŋakiboisyo kus ŋuna sek ilipyata iyes ŋuna esilok, ido nyakabobokini nabo ayoŋ eure a ŋainakineta kus a ŋuna epeyo