Neem. 2:19 - Ebaibul

¹⁹ Nai, ani iirarete Sanibalat ŋolo arae Eoranait ka Tobia ŋolo arae ekapolon a Ŋiamoni ka Gesem ŋolo abunit alo Arabia ŋakiro ŋun, apotu ikes itojamuwasi ka itokyanatar isua ebasi, “Anukiro nu ŋuna itiyaete iyes? Iŋero iyes erwosit a?”

Neem. 2:19 Iomraidhean Croise

Neem. 13:28

Ayai epei a ŋidwe a ŋulusapa a ŋulu a Yeoiada alokoku ka Eliasib a esacaradoti a ŋolo Apolon nooi, ŋolo arae lokamuran a Sanibalat a ŋolo alo Oron, abu ayoŋ erita iŋes aneni kaŋ.

Neem. 2:10

Ani iirarete Sanibalat ŋolo erae Eoranait ka Tobia ŋolo arae ekapolon a Ŋiamoni ŋakiro ŋun apotu ikes nyelakaros aŋuna ayenuniata atemar ebunit ituŋanan ice ayaun ajokis neni a Ŋisirael.

Neem. 4:1

Ani iirari Sanibalat atemar edukio isua arwatata, abu iŋes toŋo nooi, toresiyar nooi, tojamuwana Ŋiburaniyae.

Neem. 6:6

Egiritae nabaruwa ŋin ŋakiro nu, “Irworosi ŋituŋa a ŋakwapin ka elimunit Gesem daŋ ŋunapei, atemar icamito iyoŋ ka Ŋiburaniyae akiŋer erwosit, ŋakiro ŋun iŋes idukyo iyoŋ arwatata, ido anakiro a ŋun, ebookoi icamit iyoŋ aruwor erwosit kec.

Neem. 6:9

Alimunete ikes ŋun, anerae acamito ikes daadaŋ akitubul isua etamete ebe, “Imyekinete ikes etic ŋolo ka akiduk, ido nyitiyakinio etic ŋol.” Nai tokona, okoe Akuj, kitogogoŋoi ayoŋ.

Yob 30:1

“Nai tokona, akakyanatar ayoŋ ŋikilyok ŋulu edisyak, ŋulu nyerae anyamet kaŋ. Arae atapapa kec ŋicaryo pa apedorito tari akiyok ŋamesekin kaŋ kaapei ka ŋiŋwokwo kaŋ.

Ŋikiru. 123:4

Adaun isua akidaŋidaŋ nyiyany ŋulu alalak aneni a ŋikabarak, ajamuwarit ŋina alalan aneni a ŋiketurok.

Ŋikiru. 79:4

Ikiruwor isua ŋulu ikibolyatar ŋikidunyet kosi, ikiruwor isua ŋulu ikijamuwarito ka ŋulu ikikyenatar ŋikidunyet kosi.

Ŋikiru. 80:6

Ituruwo iyoŋ akwap kosi ŋina emaryaete ŋikidunyet kosi; ikikyenatar isua ŋimoe kosi.

Ŋikiru. 80:7

Kinyakunae isua, okoe Akuj ŋina a ŋajoresyo; kisyoni isua, ikotere isua ikiiun.

Isa. 36:5

Itami iyoŋ atemar erae ŋakiro koŋin isiyookinete ŋuna itami iyoŋ ka agogoŋu alojie a? Ŋae tokona ikinyomit iyoŋ, ikiŋeryo iyoŋ ayoŋ ikimanit?

Yer. 20:8

Apaki daadaŋ ŋina alimunio ayoŋ ŋadikiro, emaikina ayoŋ ekalou, emaikina ayoŋ ocelu abala, “Aryanyeo ka akinyasuno!” Aruwor akirot a Ekapolon aneni kaŋ ibore ŋini ekeyanyere ayoŋ ka ŋini akajamuwaritere apaaran jwii.

Yer. 41:10

Toriko nai Isimael ŋituŋa ŋuluce daadaŋ ŋulu aya Misipa, ŋidwe a erwosit ŋulupesur ka ŋituŋa daadaŋ ŋulu edoŋito Misipa ŋulu kebu Nebusaradan ekapolokiniton a ŋasigarya a Babilon kicikak neni a Gedalia alokoku a Aikam. Abu Isimael toriko ŋituŋa ŋul daadaŋ erae ŋirikon totuboror nakwap a Ŋiamoni.

Mat. 9:24

Tolimok Yesu ŋituŋa tema, “Toloto, anerae nyetwanit apese, nai ejotoe.” Tokyenatar ŋituŋa iŋes.

Mar. 5:40

Tojamuwasi ikes daadaŋ ŋakiro a Yesu. Kitoloma nai Yesu ikes daadaŋ kiŋa, mati papa ka toto a ikoku, ta ŋulu sek arukitotor iŋes. Tolomasi neni aperyo ikoku.

Luk. 23:2

Togeut ikes akisitakin iŋes a nen ebasi, “Ikiryamuni isua ekile lo icocoi ŋituŋa ŋulu ka akwap kosi ka ikiteŋerit isua akibuk ocur neni ke ekepukan a Roma, ebala nabo arae iŋes Kristo--erwosit.”

Yoa. 19:12

Ani iirari Pilato ŋakiro ŋun, kiwar epite ŋolo lacakinet Yesu; nai apotu Ŋiyudayan tocelut nabo temasi, “Ani kilacak iyoŋ iŋes, nyirae iyoŋ ekone ke ekepukan a Roma. Ŋinituŋanan ebala arae iŋes erwosit, erae emoit ŋolo ke epepukan a Roma.”

Ŋitic. 24:5

Aponi isua toryamunae etuŋanan lo erae ŋolo aronon nooi, ŋolo ageununui aruruma alokidiŋ Ŋiyudayan daadaŋ ŋulu ka akwap a daadaŋ ka erae iŋes elope ekarikon ŋolo ka atukot a ŋina ebookoi ebe Ŋinasarin.

Ŋibur. 11:36

Aponi ŋice tojamuwarae ka kibuŋae, torocae a ŋiriko, yaarae mabus.