Neem. 2:18 - Ebaibul

¹⁸ Abu ayoŋ olimok ŋituŋa atemar, abu Akuj kaŋ ekeŋarak ayoŋ, olimok daŋ ikes ŋakiro ŋuna abu erwosit okolimok ayoŋ. Temasi nai ikes, “Ogeikisi akiduk!” Aŋun, apotu ikes tocamunos akitiya kaapei akitojokun etaun kec.

Neem. 2:18 Iomraidhean Croise

2 Sam. 2:7

Aŋun, totitinyoto ka todedeŋiata, anerae atwana Saul ekapolon kus, ido adaut ŋituŋa a Yudaya aseun ayoŋ aruwor erwosit kec.”

1 Ŋakiro a ŋirwa 11:10

Arae ŋulu imarunitae a ne ŋikarikok ka ajore a Daudi ŋulu arwok, apotu ikes kaapei ka Ŋisirael daadaŋ kitogogoŋo apukan, kiyatakis neni epukat Daudi kiryam akwap ŋin daadaŋ, lopite ŋolo eikinitor Ekapolon Ŋisirael.

1 Ŋakiro a ŋirwa 19:13

Togogoŋior ka totitinyor eŋarakisi ŋituŋa yok, oiutu ŋitaunio ŋulu ka Akuj yok, elipa Ekapolon kitiya ŋuna ejokak aneni keŋ.”

2 Ŋakiro a ŋirwa 32:5

Abu nai Esekia kisitiya ŋituŋa ka agogoŋu. Kitemonokis neni amunaara anarwatata daadaŋ, todukonokis narwatata ŋaduketa ŋuna aoyak ka todukokis arwatata ace kiŋa ŋinaŋorot sek, kititioto nabo akititis ŋina ayai lotaun a Daudi. Abu daŋ Esekia kitiyau ŋakwaaras ka ŋaupala ŋuna alalak nooi.

Esir 6:22

Apotu ikes kinumunuma ka alelyanu ŋasuban ŋuna a ŋamugati a ŋuna emam ŋakinyalet, kinumunuma ikes ŋasuban ŋun ŋirwa ŋikanikaarei, anerae abu Ekapolon inak ikes alelyanu ka abu kilocok etau a erwosit ka Asiriya tominak ikes ka abu erwosit ŋol kiŋarak Ŋisirael alotic a ŋolo ka akiduk Akai ka Akuj a Isirael.

Neem. 2:8

ka akainakin ayoŋ abaruwa oya neni ka Asap a ekedaran amoni ke erwosit ŋina a ŋikito, tolimokinae iŋes ainakin ayoŋ ŋabaoi, ikotere etiyaunia ŋakito ŋuna a ŋipukei a ŋulu ka aduketait a ŋinajiet a ŋina iteere Akai ka Akuj ka adukokinia arwatata ŋina ke etaun ta akai ŋina alosi ayoŋ akiboiyo.” Abu erwosit okoinak ayoŋ ŋuna eŋita, anerae ikirukit ayoŋ ka Akuj kaŋ ŋina ajokan.

Ŋiep. 6:10

Ŋuna isidiyete, togogoŋioto anakimorina kus ka Ekapolon alotooma acamun iŋes ikitogogoŋ iyes ka agogoŋu keŋ a ŋina apolon.

Ŋipil. 2:13

anerae Akuj iŋes itiyae alotooma kus, ikotere ikitacamu ka ikitepedo iyes akiwuap ŋakiro ŋuna ajokak ŋuna ecamit iŋes.

1 Sam. 23:16

Abu Yonasan lokoku a Saul tolot lotaun ŋolo anyaritae Ores neni a Daudi akisimukekin Daudi toryamu atitinyu aneni ka Akuj.