Neem. 2:10 - Ebaibul

¹⁰ Ani iirarete Sanibalat ŋolo erae Eoranait ka Tobia ŋolo arae ekapolon a Ŋiamoni ŋakiro ŋun apotu ikes nyelakaros aŋuna ayenuniata atemar ebunit ituŋanan ice ayaun ajokis neni a Ŋisirael.

Neem. 2:10 Iomraidhean Croise

Neem. 13:1

Akoloŋit ŋin, aponi tosyomae ŋakiro alokitaabo a Moses epupete ŋituŋa, ido aponi toryamunae igiritae atemar mam ituŋanan ŋini alo Amon, kori alo Moab ŋini emaikina toloma natukot ŋina a ŋituŋa ka Akuj,

Neem. 13:28

Ayai epei a ŋidwe a ŋulusapa a ŋulu a Yeoiada alokoku ka Eliasib a esacaradoti a ŋolo Apolon nooi, ŋolo arae lokamuran a Sanibalat a ŋolo alo Oron, abu ayoŋ erita iŋes aneni kaŋ.

Neem. 13:4

Ani eriŋa nyetyakara ŋituŋa ŋulugelae, abu esacaradoti Eliasib, ŋolo aseunitae akiyok ŋagulei ŋuna ka Akai ka Akuj yok, ŋolo arae eyenet a Tobia

Neem. 2:19

Nai, ani iirarete Sanibalat ŋolo arae Eoranait ka Tobia ŋolo arae ekapolon a Ŋiamoni ka Gesem ŋolo abunit alo Arabia ŋakiro ŋun, apotu ikes itojamuwasi ka itokyanatar isua ebasi, “Anukiro nu ŋuna itiyaete iyes? Iŋero iyes erwosit a?”

Neem. 4:7

Nai ani iirarete Sanibalat, Tobia ka Ŋimarabui ta Ŋiamoni ka ŋituŋa ka Asod atemar elosi kiŋaren etic ŋolo ka akiduk nabo arwatata a Yerusalem ka aapuu agolokin neni amunaara daadaŋ anarwatata, apotu ikes toŋoa nooi,

Neem. 6:1

Apaki ŋina alimokinere Sanibalat, Tobia ka Gesem ŋolo arae emarabut ta neni a ŋimoe a Ŋiburaniyae a daadaŋ atemar adukok ayoŋ arwatata ka atemar adaun akitemokin neni aorori anarwatata daadaŋ (tari daŋ ŋina ariŋaakar ayoŋ apaki ŋin nyiwuakina ŋikekya lopukei),

Neem. 6:16

Tosodi ani iirarete ŋimoe kosi daadaŋ atemar erikakin isua akiduk arwatata, apotu ŋituŋa a ŋakwapin daadaŋ ŋulu eboiyete alodiyete kosi tokuryaketa, tojoŋoto akituro, anerae apotu ikes toyenut atemar erikakin etic ŋol aŋuna ka akiŋarakinet ka Akuj.

Esta 10:3

Arae Moridekai Eyudayat ŋolo ewuapit erwosit Ausero anapolou. Iŋes apol aneni a Ŋiyudayan, ayenen iŋes nooi aneni a ŋiyeneta keŋ a ŋulu alalak, anerae abu iŋes kitiya ŋuna ajokak aŋuna a ŋituŋa keŋ ka abu kirwor ŋuna kiuryaret akiyar a ŋiletok keŋ daadaŋ.

Ŋikiru. 112:10

Ani iŋolikinete ŋulu aronok ŋun, toŋoa; toryenyaakyata imanito ŋulu iyookino, ido torotokis; emam ibore ipei daŋ iyookino anacamit a ŋulu aronok.

Ŋakit. 27:4

Eryenyana anyunyara, ikimunyari aŋoit, nai ŋae epedori awoikin arakao?

Ŋakit. 30:22

Eketiyan ŋolo eruwor erwosit, ibaŋaanot ŋini eyakar akimuj ŋina alalan,

Ekal. 10:7

Eŋolik ayoŋ ŋipi edokito ŋaŋolei, ido tolosete ŋikapolok a ŋakejen esibit ŋipi.

Isa. 15:5

Iyaloloŋi etau kaŋ a ŋuna a Moab, aema ŋikadokinok keŋ Soar ka aema Egilas-Selisiya. Etipeiyosi ikes alorot a ŋolo elosi Luis, itipeete ikes igworosi; elosete ikes alorot a ŋolo Oronaim igworosi aŋuna ka akinyasuno.

Yer. 41:10

Toriko nai Isimael ŋituŋa ŋuluce daadaŋ ŋulu aya Misipa, ŋidwe a erwosit ŋulupesur ka ŋituŋa daadaŋ ŋulu edoŋito Misipa ŋulu kebu Nebusaradan ekapolokiniton a ŋasigarya a Babilon kicikak neni a Gedalia alokoku a Aikam. Abu Isimael toriko ŋituŋa ŋul daadaŋ erae ŋirikon totuboror nakwap a Ŋiamoni.

Yer. 48:34

“Iyes ŋituŋa a Esibon ka ŋulu ka Eleale, kiworoutu todol akigworo kus Yaas, todolo ŋitoilon kus alo Soar tari Oranaim ka Egilas-Selisiya, anerae aono tari ecowa ŋolo a Nimirim.

Yer. 48:5

Itipeete ikes anadokaret Luis igworosi nooi, epupyo ikes igworosi apaki ŋina etiyaunotor Oranaim, igworosi ikes epipilikinito ŋakiro ŋuna ka akinyasuno.

Ŋitic. 4:2

Aŋoito ikes, anerae etatamete ka eseraete Ŋikiyakia ŋuluarei ŋul ŋakiro ŋuna ka ayarun alokatwak aŋuna abaakatar ayaru Yesu.

Ŋitic. 5:24

Ani iirarete ekapolokiniton ŋiketeok ŋulu ka Akai ka Akuj ka ŋisacaradotin ŋulu apolok ŋakiro nu, totaaŋaŋa ikes nooi temasi, “Anu ta etakanunete aŋuna a ŋakiro a nu?”