Neem. 13:25 - Ebaibul

²⁵ Abu ayoŋ etoŋoiya ikes ka ecen, ido ebuŋa ikes ŋice orutono ŋitim kec, olimok ikes kikoŋo alokiro a Akuj otema, “Nyemaikina kipotonokis ŋidwe kus ŋulupesur kiita ŋidwe kec ŋulusapa, kori kiitununut ŋidwe kec ŋulupesur aŋuna a ŋidwe kus a ŋulusapa, kori aŋuna kus.

Neem. 13:25 Iomraidhean Croise

2 Ŋirw. 2:24

Toboboŋ iŋes kitek ikes, tosodi kilamakin elimit ekiro ke Ekapolon. Tolomut anamoni ŋityaŋ ŋuluberu ŋiarei ŋulu adedeŋak; toara ŋityaŋ ŋul ŋidyain ŋul daadaŋ ŋatomoniomwon ka ŋiarei.

Esir 10:5

Abu nai Esira tonyou kisikoŋ ŋikarikok a ŋisacaradotin ka ŋilepi ta Ŋisirael daadaŋ akitiya ŋun lopite ŋolo alimunere. Apotu ikes kikoŋo.

Esir 7:26

Ŋituŋa daadaŋ ŋulu nyiwuapete ŋikisila ŋulu ka Akuj kon ka ŋikisila ŋulu ke erwosit, emaikina totubokinae ikes alokisila kerae atwanare, kori alemar alotuŋa, kori ademar ŋiboro kec, kori togolokinoe kai.”

Neem. 13:11

Aŋun abu ayoŋ eŋenyak ŋikepukak a ŋituŋa eŋit otema, “Kaanukiro emyekinere Akai ka Akuj?” Abu nai ayoŋ ocunak ikes, ewuanak ikes loticisyo kec.

Neem. 13:17

Abu nai ayoŋ eŋenyak ŋikapolokinitok ŋituŋa eŋit otema, “Anukiro nu ŋuna aronok ŋuna itiyaete iyes nu, ŋuna ijamuwaryata iyes akoloŋit ŋina a Sabato?

Neem. 13:24

ido erworosi atutubet apei a ŋidwe kec aŋajep ŋina ka Asidod pa erworosi aŋajep ŋina a ŋituŋa a Yudaya, nai erworosi ŋaŋajepa a ŋituŋa a ŋulu egelegelya.

Neem. 5:13

Abu daŋ ayoŋ elakilakaa abilet a elou kaŋ otema, “Elipi ayoŋ kilakilakaa Akuj ŋinituŋanan alokai keŋ ka alotic keŋ ŋini nyiwuapi akiikinet na. Elipi kilakilakaarae iŋes lopite ŋol, kimyekinae ikes emam ibore eyakatar.” Tolimu atukot daadaŋ tema, “Amen”, ido kipuro Ekapolon. Apotu ŋituŋa kitiyata lopite ŋolo eikinitotor.

Neem. 5:6

Abu ayoŋ oŋo nooi eirari akigworo kec ka akiŋuruŋura ŋin.

Ŋikiru. 119:53

Ani eŋolikini ayoŋ ŋulu aronok ŋulu eŋerito ŋikisila kon, aŋoyenene ayoŋ nooi.

Ŋikiru. 15:4

Ikes ŋulu nyejamuwarito ŋulu aronok, ikes ŋulu itopoloorito ŋulu itopoloorito Akuj; ikes ŋulu tari kewani erubakinito iwuapito ŋuna adaut ikes akikoŋ.

Awos. 34:16

Ani kicamunosi ka ikes, ipedorete iyes akiitakin ŋidwe kus ŋulusapa ŋidwe kec ŋulupesur, tosodo ŋidwe kec ŋulupesur ŋulu ilipete ŋakujo kec, kituruwosi ŋidwe kus ŋulusapa ŋulu ilipete ŋakujo a ŋaberu kec.

Ŋakit. 28:4

Ŋituŋa ŋulu eŋerito akiwuap ŋikisila, elakara aŋuna a ŋituŋa a ŋulu aronok, nai ŋituŋa ŋulu iwuapito ŋikisila, eremokino ŋituŋa ŋulu aronok.

Isa. 50:6

Abu ayoŋ oinak akau kaŋ neni a ŋulu ekebuŋaete ayoŋ ka ŋikelyo kaŋ neni a ŋulu arusete epenek kaŋ; nyiwua ayoŋ ereet kaŋ aneni a ŋulu ekeyenyete ka ekemwaanakinete ayoŋ.

Ŋikis. 6:13

Kitopoloorito Ekapolon Akuj kus, kitiyanakinete iŋes ka kikoŋo a ekiro keŋ bon.

Ŋikis. 7:3

Nyiitanakinosi ka ikes; nyiinanakis ŋidwe kus ŋulupesur toruworos ŋaberu a ŋidwe kec a ŋulusapa, kori nyiitanakis ŋidwe kus ŋulusapa ŋidwe kec ŋulupesur,

Yos. 23:12

Ani kiŋero iyes Ekapolon toruko ka ŋipiya ŋulu a ŋituŋa a ŋakwapin, ŋipiya ŋulu idoŋito nakiboisyo ŋuna iboiyoto iyes ka ani kiitakinosi iyes ka ikes,