Neem. 13:15 - Ebaibul

¹⁵ Alorwa a ŋul, abu ayoŋ eŋolik alo Yudaya ŋituŋa ecuyete epiini akoloŋit ŋina a Sabato, eyaununeete Yerusalem ŋaeneta a ŋikinyom ka idokonokinete losigirya kec ayaununeete daŋ ikes Yerusalem akoloŋit ŋina a Sabato epiini, ŋaraito a epiini, ŋaboboryo ka ŋiboro ca daadaŋ. Abu ayoŋ olimok ikes nyegyelanasi akimuj akoloŋit ŋin.

Neem. 13:15 Iomraidhean Croise

2 Ŋakiro a ŋirwa 24:19

Abu Ekapolon kiyakianak ikes ŋikadwarak akinyakun ikes neni a Ekapolon; apotu ŋikadwarak tolimonokis ikes ŋakiro ŋuna asecito ikes, nai apotu nyiirasi.

Neem. 10:31

tosodi ani keyaut ŋituŋa a ŋakwapin ŋiboro ŋulu egyelanaryo, kori ŋikinyom ŋidi agyelanar akoloŋit ŋina a Sabato, nyegyelio isua ŋiboro ŋul akoloŋit ŋina a Sabato, kori akoloŋit adio ŋina asegan, nyitaunio isua ŋinyomen ŋidi ekaru ŋolo a ŋikanikaarei ka etacio isua ŋamicae daadaŋ ekaru ŋol.

Neem. 10:32

Ikicamu daŋ isua atacenen a ŋolokaru atutubet apei alotooma ŋiuni a ecekel aŋuna ke etic a ŋolo ka Akai ka Akuj

Neem. 13:16

Ŋituŋa a Tiro daŋ ŋulu eboiyete alotaun ayaununeete ŋikolya ka ŋiboro ŋulu egyelanaryo daadaŋ, ido togyelanakis akoloŋit ŋina a Sabato neni a ŋituŋa a Yudaya alo Yerusalem.

Neem. 13:21

Nai abu ayoŋ olimok ikes otema, “Kaanukiro iperyoto iyes diyete kiŋa arwatata nakwaare? Ani kitiyata iyes ŋun nabo ekekamari ayoŋ iyes.” Aŋun, ameun akoloŋit ŋin, nyepona nabo ŋimucurus akoloŋit ŋina a Sabato.

Neem. 9:29

Ibu iyoŋ tolimok ikes akimyekin akitiya ŋuna aronok, ikotere toboŋut ikes akiwuap ŋikisila kon, nai apotu ikes kiturokinos toŋero ŋakiciketa kon, toŋero akiwuap ŋuna itubunit iyoŋ ŋuna ani kiwuap ituŋanan eyari. Apotu ikes kisyaaketa, kitogogoŋo ŋakyes kec towout jik akiwuap ŋakiro kon.

Yob 39:12

Iyakar iyoŋ anupit ŋina ka atemar eboŋuni emoŋ ŋol neni kon ka iriuni ŋikinyom kon nalos a?

Ŋikiru. 50:7

“Topupokisi, okoe ŋituŋa kaŋ, ido erworikini ayoŋ. Okoe Ŋisirael, alimuni ayoŋ ŋakiro ŋuna eketoroniyaritor iyes. Arae ayoŋ Akuj, Akuj kus.

Awos. 31:12

Tema Ekapolon neni a Moses,

Awos. 31:16

Aŋun, emaikina Ŋisirael totamunito akoloŋit ŋina a Sabato ananyameta kec a daadaŋ ikwapei Acamunet kaŋ ka ikes ŋina erae etal ŋolo a ŋikaru ka ŋikaru.

Awos. 34:21

“Kitiyata ŋiticisyo kus ŋirwa ŋikanikapei, nai ani edoli ŋirwa ŋikanikaarei, emaikina kieŋut. Kitiyata ŋun tari ŋirwa ŋulu itaere ka ŋulu elemere daŋ.

Awos. 35:2

“Emaikina iyes kitiyata ŋiticisyo kus alotooma ŋirwa ŋikanikapei, akoloŋit ŋina a ŋakanikaarei, kituruwosi akoloŋit ŋin ŋina asegan, akoloŋit ŋina a Sabato ŋina ka akieŋun aŋuna ke Ekapolon. Ituŋanan daadaŋ ŋini itiyae etic edio akoloŋit ŋin, emaikina toarae.

Ŋakit. 28:4

Ŋituŋa ŋulu eŋerito akiwuap ŋikisila, elakara aŋuna a ŋituŋa a ŋulu aronok, nai ŋituŋa ŋulu iwuapito ŋikisila, eremokino ŋituŋa ŋulu aronok.

Isa. 58:13

Ani pa kibila iyes akiciket ŋina ka akiricakinit akoloŋit ŋina a Sabato, pa kiwuap iyes ŋuna icamito iyes ŋikulepek alotooma akoloŋit kaŋ ŋina asegan, ani kinyarata iyes Sabato akoloŋit ŋina ka alakara, ani kinyarata iyes akoloŋit ŋina asegan ŋina a Ekapolon akoloŋit ŋina itopolooritae; ani kitopoloosi iyes iŋes anaesikin akitiya ŋuna icamito iyes ŋikulepek, kori anaesikin akitiya ŋuna ikitalakarito iyes, kori akiwarit akitiya ŋuna kus a ŋikulepek,

Yer. 17:24

“Nai ani kiirasi iyes ŋakiro kaŋ, nyiwokut idiobore kitorunioto lopukei a etaun a lo akoloŋit ŋina a Sabato, nai kitopoloosi akoloŋit ŋina a Sabato erae akoloŋit ŋina asegan, ido nyitiyata etic edio akoloŋit ŋin,

Yer. 17:27

Nai pa kipupokis iyes ŋakiro kaŋ, pa kitopoloosi akoloŋit ŋina a Sabato erae akoloŋit ŋina asegan ka pa kiwoko ibore idio akoloŋit ŋina a Sabato tolomuniata lopukei a Yerusalem, ecunyakini ayoŋ akim alopukei a Yerusalem, enomiyari akim ŋin ŋakais ŋuna ka apukan ŋuna eya Yerusalem ka nyituduŋeo akim ŋin.”

Yer. 42:19

Okoe ŋipiya a ŋituŋa a Yudaya, ikilimok iyes Ekapolon atemar nyilot Ijipit. Toyenete atemar akalimok ayoŋ iyes ŋakiro ŋun nakoloŋit na,

Esek. 20:13

Nai apotu Ŋisirael analoŋisat toŋero akiwuap ŋakiro kaŋ; apotu nyiwuapa ŋakiro ŋuna abala ayoŋ ikes kiwuapa, apotu toŋero ŋikisila kaŋ ŋulu iteyarete ituŋanan erae kiwuap. Apotu ikes tojamuwasi nooi akoloŋit ŋina a Sabato “Aŋun, abu ayoŋ otamak atemar emaikina ayoŋ onyunyurikin ikes omunya analoŋisat.

Amos 8:5

ibasi iyes “Ori kareca edaunotor ŋasuban elap lo, ikotere ogyelanasi ŋikinyom? Ori edaunor akoloŋit ŋina a Sabato, ikotere ogyelanasi ŋaganoi? Itiditeunio iwon akipimet, ikotere oryamutu ŋicekelya ŋulu elalak, ido omodyanakisi ŋituŋa a ŋakipimeta a ŋuna nyiyookino,

Mika 6:3

Ŋikaatuŋa, anukiro etiya ayoŋ neni kus? Alipite eketeryamunia ayoŋ iyes ŋican? Toboŋokinoe ayoŋ.

Ŋitic. 2:40

Kiteyenik Petero ikes ŋakiro ŋuna alalak, kisimukek tema, “Toiunos anakisicanio a ŋina eryamunete ŋituŋa ŋulu aronok ŋulu ka anyamet a na!”

Ŋitic. 20:21

Abu ayoŋ eteyenik Ŋiyudayan ka Ŋigirik daŋ atemar etemokino ikes tokiwa ŋasecisya kec alokiŋaren Akuj ka tonupa Ekapolon yok Yesu Kristo.

Ŋigal. 5:3

Aboŋokini nabo alimun atemar ituŋanan daadaŋ ŋini acamu akileŋeryo, itemokino kiwuap daŋ Ŋikisila daadaŋ.

Ŋiep. 4:17

Akalimokini tokona ayoŋ iyes alokiro ke Ekapolon atemar: tojoŋoto akiboi alopite a ŋolo a ŋituŋa a ŋulu nyeyenete Akuj, ŋulu erae ŋatameta kec ŋakoŋinae,

Ŋikis. 8:19

Ani kikimuryak iyes Ekapolon Akuj kus, ido kiwuapa ŋakujo ŋace ka kitiyanakis ikes ka kilipa neni kec, akalimokini ayoŋ iyes nakoloŋit na atemar, kire jik imunyarosi iyes!

1 Ŋites. 4:6

Anakiro a ŋun nai, nyitemokino idiotuŋanan itiyae ŋuna aronok neni a lokaato keŋ alotooma Ekapolon, kori amodikin iŋes a ediopite. Adaun isua alimokin iyes ŋun ka agogoŋu eriŋa apaki, ikiteyenikin daŋ atemar ebuni Ekapolon akisican ŋulu itiyaete ŋun.