Neem. 12:43 - Ebaibul

⁴³ Apotu ikes inakis akoloŋit ŋin ŋamuronisya ŋuna alalak alelyanu, anerae abu Akuj inak ikes alelyanu ŋina apolon, apotu ŋaberu ka ŋidwe daŋ tolelyana. Apedori ituŋanan akiirar aneni alwanan ecelet ŋolo ka alyelyanu a ŋituŋa a Yerusalem.

Neem. 12:43 Iomraidhean Croise

2 Ŋakiro a ŋirwa 20:13

Apaki ŋin, awuasi ŋikilyok ŋulu a Yudaya daadaŋ ka ŋaberu kec ta ŋidwe kec alokiŋaren Ekapolon.

2 Ŋakiro a ŋirwa 20:27

Abu nai Yeosapat ŋolo apolokinit ŋasigarya ŋuna a Yudaya ka ŋuna a Yerusalem kinyaka ŋasigarya Yerusalem elelyanete, anerae abu Ekapolon inak ikes alelyan aŋuna elouniata ŋimoe kec.

2 Ŋakiro a ŋirwa 7:10

Ani edoli ŋirwa ke elap ŋatomoniarei ka ŋiuni, elap ŋolo a ŋikanikaarei, kimyek Solomon ŋituŋa toloto lorerya kec elelyanete ka elakara alotai kec aŋuna ajokak aŋuna etiya Ekapolon neni a Daudi ka neni a Solomon ta neni a Ŋisirael a ŋituŋa keŋ.

Esir 3:13

Aŋun, pa apedorit ituŋanan akityak ecelet ŋolo ka alakara alocelet a ŋituŋa a ŋulu egworosi, anerae acelasi ŋituŋa nooi, apedoritae akiirar tari aneni alwanan.

Neem. 12:27

Akoloŋit ŋina etaleunere arwatata ŋina a Yerusalem, aponi kiwarunae ŋilepi anakiboisyo kec, yaunae Yerusalem aŋuna ka akinumunum ŋasuban ŋuna italeunere arwatata analelyanu ka analakara eoi eramio ŋitworoi, ŋaduŋui ka ŋagitae.

Neem. 12:42

aya daŋ nen ŋisacaradotin lu: Maaseia, Semaia, Eleasar, Usi, Yeoanan, Maliciya, Elam ka Ezer, ido aeosi ŋikaeok epolokinit Yesiraia ikes.

Yob 34:29

Ani kerubaki Akuj ililiŋi, ŋae epedori akitoroniyar Akuj? Ani kiwua iŋes ereet keŋ, ŋae epedori akiŋolikin iŋes?

Ŋikiru. 27:6

Aŋun, elouni ayoŋ ŋimoe kaŋ ŋulu ekerikaunito ayoŋ. Anaeo a ŋina ka alelyanu, aai ayoŋ ŋamuronisya Kai ke Ekapolon, aeikini ka epuri ayoŋ Ekapolon.

Ŋikiru. 28:7

Ekapolon iŋes agogoŋu kaŋ ka aupal kaŋ; neni keŋ iŋes ekinyomit ayoŋ a etau kaŋ a daadaŋ; aŋun, ekeŋarakinit ayoŋ Ekapolon, ido elelyani etau kaŋ, tosodi a eete kaŋ, alakar ayoŋ neni keŋ.

Ŋikiru. 9:2

Alakar ayoŋ olelyan aŋuna kon; aeikini ayoŋ ŋieosyo ŋulu ka akipuro neni ke Ekapolon a ŋolo alokidiama nooi.

Ŋikiru. 92:4

anerae ikitalakarit iyoŋ ayoŋ a ŋiticisyo kon, okoe Ekapolon; aeo ayoŋ alelyani aŋuna a ŋiticisyo a ŋulu itiya iyoŋ.

Isa. 61:3

ainakin neni a ŋulu iyaloloŋete alo Sion ebokot ŋolo ka alelyanu akilo akipurupura ekuron, akimyet ŋina ka alakara akilo akigworo, ainakin ikes ŋilowi ŋulu ipurore Akuj akilo ŋitai ŋulu iyalaara. Enyarao ikes ŋikuyono ŋulu ka akiyookino, ŋidupakina ŋulu a Ekapolon aŋuna ka akitoodiun apolou a Ekapolon.

Yer. 31:13

Elelyanete nai ŋasorok alodoŋa elakarosi ŋisorok ka ŋikasikou, elocokini ayoŋ akiyaloloŋ kec toruwor alelyanu, esirworiuni ayoŋ ŋitai kec, oinak ikes alakara akilo akiyaloloŋ.

Yer. 33:11

etoil ŋolo ka alelyanu ka ŋolo ka alakara, etoil a eteran ka etoil a ateran, ŋitoilon a ŋituŋa a ŋulu eosi eyaunete ŋainakineta ŋuna ka alakara Kai a Ekapolon ebasi, ‘Tolakaros neni ke Ekapolon a ŋolo a ŋajoresyo, anerae ejok iŋes, erae amina keŋ ŋina nyiryaŋiryaŋa ŋikaru ka ŋikaru!’ Enyakakini ayoŋ ŋarereŋisyo nakwap na lopite ŋolo sek ayakatar ekiŋaren.

Ekim. 10:10

Tari alorwa a ŋulu ka alelyanu kus ka alorwa a ŋulu itiyaata iyes ŋasuban kus ŋuna etubunitoe ka anakisyakinet a elap, emaikina iyes tokutakis ŋarupepe apaki ŋina iauniata iyes ŋainakineta kus ŋuna epeyo ka ŋamuronisya ŋuna ke ekisil, eruwor ŋarupepe akiteyenikinet nabo Ekapolon ŋakiro kus. Arae ayoŋ Ekapolon Akuj kus.”

Mat. 21:15

Nai toŋoa ŋisacaradotin ŋulu apolok ka ŋiketatamak a Ŋikisila, iŋolikinete ŋakiro ŋuna ka aumokin ŋuna etiyae Yesu; ka daŋ ŋakiro ŋuna acalatar ŋidwe alo Kai ka Akuj ebasi, “Osanna Lokoku a Daudi!”

Mat. 21:9

Tocalut ŋasepico a ŋituŋa ŋuna ayakasi kiŋaren Yesu ka ŋulu ewuapito iŋes ebasi, “Osanna Lokoku a Daudi! Erereŋ ŋolo ebunit alokiro ke Ekapolon! Osanna toyai kidiama nooi!”

Yoa. 16:22

Ikote nenipei ŋakiro aneni kus: iyaloloŋete iyes tokona, nai akaanyuni ayoŋ iyes nabo, ido tolelyana ŋitai kus. Emam idiotuŋanan elemari alelyan ŋin aneni kus.

Ŋiep. 5:19

Ani irworosi iyes make, kisimukekinos a Ŋieosyo a Daudi, a ŋieosyo a ŋulu ipurore Yesu ta ŋieosyo ŋulu ke Etau; toeikisi ipurosi Ekapolon alotai kus.

Yak. 5:13

Eyai alokidiŋ kus ŋini eyakar ŋatyokisyo a? Itemokino iŋes kilip Akuj. Eyai ŋini elakara a? Itemokino iŋes toeik, kipur Akuj.

1 Sam. 4:5

Ani edolunere Asaduku ŋina ka Acamunet a Ekapolon neni eboiyoto Ŋisirael, tocelut Ŋisirael daadaŋ nooi, kituruturokin akwap.