Neem. 12:27 - Ebaibul

²⁷ Akoloŋit ŋina etaleunere arwatata ŋina a Yerusalem, aponi kiwarunae ŋilepi anakiboisyo kec, yaunae Yerusalem aŋuna ka akinumunum ŋasuban ŋuna italeunere arwatata analelyanu ka analakara eoi eramio ŋitworoi, ŋaduŋui ka ŋagitae.

Neem. 12:27 Iomraidhean Croise

2 Sam. 6:12

Keponi nai tolimokinae Daudi ebe, “Eterereŋ Ekapolon Obededom ka ŋituŋa a ekal keŋ ta ibore keŋ daadaŋ, aŋuna ka Asaduku a ŋina ka Acamunet.” Aŋun, abu Daudi tolot yau Asaduku ŋina ka Acamunet alokai ka Obededom, yau lotaun a Daudi ka alelyanu.

1 Ŋirw. 8:63

Inak Solomon ŋamuronisya nu ŋuna ke ekisil neni a Ekapolon: Ŋimoŋin ŋalipyo ŋatomoniarei ka ŋiarei ka ŋamesekin ŋalipyo amiat ka ŋatomoniarei. Aŋun, apotu erwosit ka ŋituŋa a Isirael daadaŋ kitaleikis Akai neni ke Ekapolon.

1 Ŋakiro a ŋirwa 13:8

kidoŋaete Daudi ka Ŋisirael daadaŋ a agogoŋu kec a daadaŋ alokiŋaren Akuj, toeos eramete ŋagitae, ŋaduŋgui, ŋiburin ka ŋitworoi ta ŋarupepe.

1 Ŋakiro a ŋirwa 15:12

Tema neni kec, “Iyes iraakasi ŋikarikok a ŋituŋa ke ekal a Lepi, emaikina iyes ka ŋilepi ŋuluce kitaleunos, ido toloto yaut Asaduku ke Ekapolon a ŋolo erae Akuj a Isirael, nakibois ŋina adau ayoŋ akitemokin aŋuna keŋ.

1 Ŋakiro a ŋirwa 15:16

Tolimok daŋ Daudi ŋikarikok a ŋilepi toseut ŋikaitotoi kec aruwor ŋikaeok, toeoto ŋieosyo ŋulu ka alelyanu isitiyaete ŋiboro ŋulu eramyo, ikwapei ŋagitae, ŋaduŋgui ka ŋitworoi.

1 Ŋakiro a ŋirwa 15:28

Aŋun apotu Ŋisirael daadaŋ yaut Asaduku ŋina ka Acamunet ke Ekapolon, ecelasi, tokusete ŋabureryaŋa a ŋimesekin, ŋarupepe, toramete ŋitworoi ka tobolyas ŋagitae ka ŋaduŋgui.

1 Ŋakiro a ŋirwa 15:4

Tonyarau iŋes ŋiletok ka Aron kaapei ka ŋilepi aloletok a ŋituŋa a lu:

1 Ŋakiro a ŋirwa 16:42

Arae etic ke Eman ka Yedusun iŋes akikut ŋarupepe, akiram ŋitworoi ka akiram ŋiboro ŋulu eeore ŋieosyo ŋulu ipurore Akuj. Ainakinitae ŋidwe a Yedusun ŋulusapa akitere ŋipukei.

1 Ŋakiro a ŋirwa 16:5

Ŋilepi ŋul ikes lu: Asap iŋes arae ekarikon kec, totupak Sakariya, bu Yeiel, Semiramos, Yeiel, Matisia, Eliab, Benaia, Obededom ka Yeiel. Arae etic a ŋul akiram ŋaduŋgui ka ŋagitae; arae etic ka Asap akiram ŋitworoi.

1 Ŋakiro a ŋirwa 23:5

emaikina ŋalipyo ŋaomwon toruwor ŋikedarak ŋipukei ka emaikina ŋalipyo ŋaomwon toruwor ŋulu ipurosi Ekapolon eramete ŋiboro ŋulu eeore, ŋulu adau ayoŋ akitiyaun aŋuna ka akipuryo Ekapolon.”

1 Ŋakiro a ŋirwa 26:31

Aneni a Ŋieburoni Yeria iŋes arae ekapolon. (Ani edoli ekaru ŋolo a ŋatomoniomwon erae Daudi erwosit, aponi kiwarae ŋakiro ŋuna sek egiritae nakigireta a ŋanyameta ka a ŋikalya, ido aponi toryamunae Ŋieburoni ŋulu apedorito etic alo Yaser anakwap a Gilead.)

2 Ŋakiro a ŋirwa 29:25

Abu erwosit Esekia kiwuak ŋilepi Kai ke Ekapolon eyakatar ŋitworoi, ŋaduŋgui ka ŋagitae lopite ŋolo alimunitotor Daudi ka Gad ŋolo arae eketeyenikinan ŋolo ke erwosit ta Nasan ekadwaran, anerae abunit akiciket ŋin aneni ke Ekapolon, alotooma erwor a ŋikadwarak.

2 Ŋakiro a ŋirwa 29:30

Tolimokis erwosit Esekia ka ŋikapolok ŋilepi kipuro Ekapolon a ŋikirukisyo a Daudi ka a ŋulu ka Asap a eketeyenikinan. Toeo ŋilepi ka alelyanu, ido toryediko, kijuuroto kilipa.

2 Ŋakiro a ŋirwa 5:13

Toeikis kaapei ejok nooi ŋulu akusete ŋarupepe ka ŋikaeok ŋuluce ipurosi ka elakara neni ke Ekapolon. Ani ikeunete ikes eete eosi a ŋarupepe, a ŋitworoi ka ŋiboro ŋice ŋulu eore, apotu kipuro Ekapolon ebasi: “Ejok Ekapolon, anerae erubakinit amina keŋ ŋina nyiryaŋiryaŋa eyai ŋikaru ka ŋikaru.” Aneni pei, toburusiya adis Akai ke Ekapolon,

2 Ŋakiro a ŋirwa 7:6

Towua ŋisacaradotin anakiboisyo kec; towua ŋilepi daŋ etiŋito ŋiboro ŋulu eeore neni ke Ekapolon, ŋiboro ŋulu sek kebu erwosit Daudi kitiyau aŋuna ka akipuror Ekapolon ka ŋulu esitiyae iŋes apaki ŋina elakaror neni ke Ekapolon ebala, “Anerae erubakinit amina keŋ eyai ŋikaru ka ŋikaru.” Ebakito ŋisacaradotin ka ŋilepi, tokusete ŋisacaradotin ŋarupepe, ido awuasi Ŋisirael ŋuluce daadaŋ.

Esir 6:16

Apotu Ŋisirael, ŋisacaradotin ka ŋilepi ta ŋituŋa ŋuluce ŋulu aboŋunete anakwap a ŋina arikoritae ikes, kinumunuma ka alakara ŋasuban ŋuna etaleunere Akai ka Akuj.

Neem. 11:20

Eboiyete Ŋisirael ŋuluce daadaŋ, ŋisacaradotin ka ŋilepi alotaunio a daadaŋ a ŋulu a Yudaya anakiboisyo a ŋuna sek aponi tokorakinae ikes.

Neem. 12:43

Apotu ikes inakis akoloŋit ŋin ŋamuronisya ŋuna alalak alelyanu, anerae abu Akuj inak ikes alelyanu ŋina apolon, apotu ŋaberu ka ŋidwe daŋ tolelyana. Apedori ituŋanan akiirar aneni alwanan ecelet ŋolo ka alyelyanu a ŋituŋa a Yerusalem.

Neem. 8:17

Todukut ŋituŋa daadaŋ ŋulu aboŋunete anakwap a ŋina arikoritae ŋisakaitei, kiboiyoto alotooma kec, anerae ameun alorwa a Yesua a lokoku a Nun akitodol akoloŋit ŋin nyiboiyo Ŋisirael alosakaitei. Apotu ŋituŋa tolelyana nooi.

Ŋikiru. 149:3

Emaikina ikes kipuro ekiro ke Ekapolon idoŋaete, toekisi neni ke Ekapolon iramete ŋiburin ka ŋagitae;

Ŋikiru. 30:1

Okoe Ekapolon, ekepuri ayoŋ iyoŋ, anerae ikiu iyoŋ ayoŋ, ido ibu iyoŋ nyimyek ŋimoe kaŋ akakyenatar ayoŋ.

Ŋikis. 16:11

Tolelyana alokiŋaren Ekapolon Akuj kus, iyes kaapei ka ŋidwe kus ŋulusapa ka ŋulupesur, ŋipi ka ŋapi kus, ŋilepi ŋulu iboiyete alotaunio kus ta ŋigelaanotin, ŋikokyok ka ŋapuseru ka ŋituŋa ŋulu iboiyete kaapei ka iyes. Kitiyata ŋun anakibois a ŋina eseuni Ekapolon Akuj kus kilipere enyaritae ekiro keŋ.

Ŋikis. 20:5

Irworikinete nai ŋikapolokinitok ŋajiorei tolimokis ŋasigarya temasi, “Eyai mono ne ituŋanan adukoki akai ŋina kitete ŋina eriŋa nyitaleuno a? Ani keyai ituŋanan ŋin ne, emaikina toboŋo kai keŋ, acepaki etwani iŋes alojie, ido kitaleu ituŋanan ice akai keŋ.

Ŋipil. 4:4

Tolelyanete jwi jwi anakimorikina kus ka Ekapolon. Alimuni ayoŋ nabo atemar: tolelyanete!

Akis. 5:8

Ani kedau iŋes alemar ekitaabo, apotu ŋisubuna ŋuluomwon ka ŋikatukok ŋulutomoniarei ka ŋiomwon toramakinos kwap kiŋaren Imesek. Ayakar ŋolosubuna ka ŋolokatukon aduŋgu ka abakule ŋina etiyaunitae a egolid, kileleba eminae ŋolo ke ekinyate ŋolo erae ŋakilipasinei ŋuna a ŋituŋa a ŋulu ka Akuj.