Neem. 12:26 - Ebaibul

²⁶ Etiyaete ŋul etic ŋol alorwa a ŋulu a Yoiakim a lokoku a Yesua, a ŋolo arae lokoku a Yosadak ka alorwa a ŋulu epukator Neemia ta alorwa a ŋulu a Esira esacaradoti a ŋolo arae eketataman a ŋikisila.

Neem. 12:26 Iomraidhean Croise

2 Ŋakiro a ŋirwa 9:26

Abu Solomon kipuka ŋirwosi ŋuluce daadaŋ ameun anaŋolol a ŋina enyaritae Eupurate tari nakwap a Ŋipilistin akitodol lokukoru a Ijipit.

Esir 7:11

Erae nu ŋakiro ŋuna egiritae nabaruwa ŋina ainakini erwosit Aritaseses neni ka esacaradoti Esira a ekegiran a ŋolo ayeni nooi ŋakiciketa ke Ekapolon ka ŋakiro ŋuna atubunit Ekapolon aŋuna a Ŋisirael,

Esir 7:6

Abu Esira kitipeiyo alo Babilon Yerusalem. Arae iŋes ekegiran ŋolo ayeni ejok ŋikisila a Moses ŋulu abu Ekapolon Akuj a Ŋisirael inak Moses. Abu erwosit inak Esira ibore daadaŋ ŋini eŋita iŋes, anerae eŋarakinit Ekapolon Akuj keŋ iŋes.

Neem. 8:1

Tocununos ŋituŋa daadaŋ nalapatu ŋina alokiŋaren epuke ŋolo a Ŋakipi. Tolimokis ikes Esira eketataman a ŋikisila ayaun ekitaabo ŋolo a ŋikisila a Moses, a ŋulu abu Ekapolon inak Ŋisirael.

Neem. 8:9

Apotu nai Neemia ŋolo arae ekepukan ka Esira ŋolo arae esacaradoti ka eketataman a ŋikisila ta ŋilepi ŋulu etatamete, tolimokis ŋituŋa temasi, “Erae akoloŋit na ŋina eseg aneni ke Ekapolon Akuj kus, nyiyaloloŋo, kori nyigworo.” Alimunete ikes ŋun, anerae apotu ŋituŋa daadaŋ kigworo apaki ŋina eiraryata ŋakiro ŋuna a ŋikisila.