Neem. 10:29 - Ebaibul

²⁹ kimorikin ka ŋiyeneta kec ta ŋikapolok kec tocamut aryamun ŋicen erae pa kiwuap ŋikisila a Akuj ka kikoŋo akiwuap ŋikisila ŋulu ka Akuj, ŋulu ainakini Moses ŋolo arae eketiyan ka Akuj ikes ka akiwuap ejok ŋakiciketa daadaŋ ŋuna ke Ekapolon Akuj yok ka ŋikisila keŋ ka ŋakiro ŋuna etubunit iŋes.

Neem. 10:29 Iomraidhean Croise

2 Ŋirw. 10:31

Tari kikote neni daŋ, abu Yeu nyepedo akiwuap ŋikisila a Ekapolon Akuj a Isirael. Abu iŋes nyeki akitiya ŋasecisya ŋuna ekote ŋuna a Yeroboam a ŋolo arikokini Ŋisirael nasecit.

2 Ŋirw. 23:3

Towo erwosit Yosia alodiyete epir, kikoŋ alokiŋaren Ekapolon akiwuapit iŋes, akiricakinit ŋakiciketa keŋ, ŋakiro keŋ ka ŋikisila keŋ a etau keŋ a daadaŋ ta akitiya ŋuna daadaŋ igiritae lokitaabo ŋol. Tosodo ŋituŋa daadaŋ kiikis akiwuap Acamunet ŋin.

1 Ŋakiro a ŋirwa 9:2

Ŋituŋa lu ikes kepotu kisyaut aboŋun lotaunio ka loboro kec aneni arikoritae: Ŋisirael ŋice ŋulu pa arae ŋisacaradotin, ŋisacaradotin, ŋilepi ka ŋiketiyak Kai ka Akuj.

2 Ŋakiro a ŋirwa 34:31

Towo erwosit Yosia anakibois a ŋina sek iboiyonokin iŋes, kikoŋ alokiŋaren Ekapolon akiwuapit iŋes, akiricakinit ŋakiciketa keŋ, ŋakiro keŋ ka ŋikisila keŋ a etau keŋ a daadaŋ ta akitiya ŋuna daadaŋ igiritae lokitaabo ŋol.

2 Ŋakiro a ŋirwa 6:16

Aŋun nai, okoe Ekapolon, Akuj a Ŋisirael, kisiyook aŋuna a eketiyan kon a Daudi papa kaŋ, ŋuna ibu iyoŋ kiik iŋes ibala, ‘Mam nyikipiyori iyoŋ aryamun ituŋanan aneni kaŋ ŋini ilunyokin lokicoloŋ, kipuka ŋituŋa a Isirael; erae ca kerae ŋidwe kon ŋulusapa ŋulu ecoikinito daadaŋ ŋuna itiyaete, ŋulu iwuapito ŋakiro kaŋ lopite ŋolo ibunio iyoŋ kitiyaa.’

Neem. 13:25

Abu ayoŋ etoŋoiya ikes ka ecen, ido ebuŋa ikes ŋice orutono ŋitim kec, olimok ikes kikoŋo alokiro a Akuj otema, “Nyemaikina kipotonokis ŋidwe kus ŋulupesur kiita ŋidwe kec ŋulusapa, kori kiitununut ŋidwe kec ŋulupesur aŋuna a ŋidwe kus a ŋulusapa, kori aŋuna kus.

Neem. 7:46

Ŋiletok a ŋiketiyak ka Akai ka Akuj ikes ŋiletok a Sia, Asupa, Tabaos,

Neem. 8:2

Ikwapei alimunioto ŋituŋa, abu esacaradoti Esira yau ŋikisila kiŋaren atukot a ŋituŋa, kiŋaren ŋikilyok ka ŋaberu ta ŋituŋa daadaŋ ŋulu apedorito akiirar ka ayenun ŋakiro. Etiyakin ŋun akoloŋit ŋina esyaunan alolap a ŋolo a ŋikanikaarei.

Neem. 8:3

Abu Esira tosyom ekitaabo ŋolo a ŋikisila iteorit nalapatu ŋina ayai kiŋaren epuke ŋolo a Ŋakipi, tosyom iŋes ekitaabo ŋol ameun taparacu akitodol kidiŋ apaaran, tosyom alokiŋaren ŋikilyok, ŋaberu ka ŋituŋa daadaŋ ŋulu apedorito ayenun ŋakiro, apotu ŋituŋa daadaŋ topupokis ekililiŋat esyomyo ekitaabo ŋolo a ŋikisila.

Neem. 9:2

Tosodo Ŋisirael totyakaros aneni a ŋituŋa a ŋulugelae a daadaŋ, tolimosi ŋasecisya kec ka aronis atapapaa kec.

Neem. 9:38

Aŋuna a ŋakiro a ŋun a daadaŋ, ikicamuni isua ka igiryo acamunet, ido igiryo nakipucakinet ŋirorwa a ŋikepukak kosi, a ŋilepi ka a ŋisacaradotin.

Ŋikiru. 105:45

Abu Akuj kitiya ŋun, ikotere iwuapete Ŋisirael ŋakiro ŋuna etubunit Akuj ka ŋikisila keŋ. Kipuroe Ekapolon!

Ŋikiru. 119:106

Adau ayoŋ akikoŋ, ido etogogoŋ akikoŋet ŋin, atemar ewuapi ŋakiro ŋuna itubunit iyoŋ ŋun iyookino.

Ŋikiru. 8:1

Okoe Akuj, Ekapolon kosi, okoe eiliili nooi ekiro kon anakwap a daadaŋ! Edolit akipuro iyoŋ tari kidiama nakuj.

Ŋikiru. 8:9

Okoe Akuj, Ekapolon kosi, okoe eiliili nooi ekiro kon anakwap a daadaŋ!

Isa. 14:1

Nai isyoni nabo Ekapolon ŋiletok a Yakob ka eseuni nabo Ŋisirael, iwuakini ikes nabo nakwap kec, epote ŋituŋa ŋulugelae akiboi kaapei ka ŋiletok a Yakob.

Yer. 26:4

Tolimok ikes ebe, ‘Ŋakiro ŋuna irworo Ekapolon ikes nu: Ani pa kiirasi iyes ŋakiro kaŋ, pa kiwuapa ŋikisila kaŋ ŋulu akainak ayoŋ iyes,

Yer. 34:15

Ipotu iyes ŋikulepek alorwa a ŋidi a ŋulu alunyarosi tokiwa, kitiyata ŋuna ajokak alokiŋaren kaŋ anakisera alacakino neni a ŋiyeneta kus, ipotu iyes tocamunos alokiŋaren kaŋ alo Kai a ŋina enyaritae a ekiro kaŋ.

Esek. 36:27

Ewuakini ayoŋ etau kaŋ neni kus ka akainakini ayoŋ iyes kiwuapa ŋakiro ŋuna atubunit ayoŋ ka tocoikis nooi epite ŋolo iwuapitotor ŋikisila kaŋ.

Ŋilep. 20:26

Emaikina iyes irae ŋulu asegak aŋuna kaŋ, anerae arae ayoŋ Ekapolon, arae ayoŋ ŋolo aseg, ido akaseu ayoŋ iyes alotuŋa a ŋakwapin toruworos ŋituŋa kaŋ.

Mal. 4:4

“Totamutu mono iyes ŋakiro ŋuna abu Moses eketiyan kaŋ ikitatam iyes, Ŋikisila ka ŋitalyo ŋulu abu ayoŋ oinak iŋes alomoru a ŋolo enyaritae Oreb, aŋuna a Ŋisirael daadaŋ.

Ekim. 5:21

tolimok nai esacaradoti aberu ŋin kikoŋ ŋakiro nu ŋuna a ŋilam tema, ‘Agasi ikituruwo Ekapolon iyoŋ ŋina a ŋilam alotuŋa kon a daadaŋ ka togolokin aperyet kon ka tobuu akook kon.

Yoa. 1:17

Abu Akuj ikiinak iwon Ŋikisila kisitoru neni a Moses, nai ajokis keŋ ka ŋuna a kire, isitorunit neni a Yesu Kristo.

Yoa. 15:14

Irae iyes ŋikonei kaŋ, erae kitiyata ŋuna ekecikakini ayoŋ iyes.

Yoa. 7:19

Meere Moses ikiinit iyes Ŋikisila a? Nai emam alokidiŋ kus ipei daŋ ŋini iricit Ŋikisila ŋul. Kaanukiro iwaritotor iyes akiar ayoŋ?”

Ŋitic. 11:23

Ani edoluni iŋes ka iŋolikini epite ŋolo kebunio Akuj kiterereŋio ikes, tolakar iŋes. Kicikak ikes arubakin anupit Ekapolon a ŋitai kec a daadaŋ.

Ŋitic. 17:34

Nai apotu ŋikilyok ŋice toriwo ka iŋes, tonupa: alokidiŋ ŋul, ayai Dionisio ŋolo ka atukot a ŋina ka Areopago ka aberu ŋina anyaritae Damaris ta ŋice daŋ.

Ŋitic. 23:21

Nai nyipupok ŋakiro kec, anerae eyakasi ŋikilyok alokidiŋ kec ŋulu edeparit ekimar kec ŋatomoniomwon, ŋulu edapunete iŋes. Adaut ikes akikoŋ atemar nyikimuji kori nyikimasi akitodol ŋina earyata Paulo. Etenito tokona ikes akitiyakin ŋun ka idarito ŋuna iboŋokini iyoŋ.”

Ŋirom. 12:9

Kimyekisi amina torae ŋina emamukar ŋisoswae alotooma keŋ. Toŋero ŋuna aronok. Torubakisi iricito ŋuna ajokak.

Ŋikis. 33:4

Abu Ekapolon ikiinak iwon ŋikisila, abu iŋes kituruwo ŋituŋa a Yakob ŋulu keŋ.

Ŋikis. 5:1

Tonyarau Moses Ŋisirael daadaŋ, tosodi tolimok ikes tema, “Okoe Ŋisirael kiirasi ŋakiro ŋuna etubunitoe ka ŋikisila ŋulu akalimokini ayoŋ iyes nakoloŋit na, emaikina iyes toyenut ka kiwuapa ejok inakina.

Ŋikis. 5:32

Aŋun, emaikina iyes pa iŋayaŋayato, kitiya lopite ŋolo adaunia Ekapolon Akuj kus alimun, nyimyekis akitiya ŋuna iyookino alokiŋaren Ekapolon.