Neem. 1:9 - Ebaibul

⁹ nai ani kiboŋut iyes neni kaŋ, ido kiwuapa ŋakiciket kaŋ kitiyata ikes, tari keyakasi ŋituŋa kus ŋulu aponi torikoroe nakwapin ŋuna alwanak, acununi ayoŋ ikes aina, enyaku ikes nakibois ŋina aseu ayoŋ atemar kilipere neni kaŋ.’

Neem. 1:9 Iomraidhean Croise

1 Ŋirw. 8:48

ani kekiwa ikes alotai kec a daadaŋ ka anakiyar kec a daadaŋ anakwap a ŋina a ŋimoe kec a ŋulu arikorete ikes erae ŋikikamara alojie, ido kilipa ikes neni kon iŋoliunito nakwap kec ŋina ibu iyoŋ inak atapapaa kec ka lotaun ŋolo idau iyoŋ aseun ta Akai ŋina adau ayoŋ akiduk aŋuna ka akilipya neni kon;

1 Ŋirw. 9:3

Tema Ekapolon neni a Solomon, “Adau ayoŋ akiirar akilip kon ka adyekitoi kon, ŋuna ibu iyoŋ kirwor alokiŋaren kaŋ; adau ayoŋ akitaleun Akai na ŋina idau iyoŋ akiduk ka eturubakini ayoŋ ekiro kaŋ eyai ne ŋikaru ka ŋikaru arubakini ayoŋ eŋoliunit ka amina ne jik.

1 Ŋakiro a ŋirwa 16:35

Tolimosi daŋ ebe, “Toiunae isua, okoe Akuj akaiunan kosi, tocunakinae ka toiunae isua alotuŋa a ŋakwapin, ikotere isua ikilakar aŋuna ke ekiro kon a ŋolo asegan, kitopolooroe akipuro iyoŋ.

Esir 6:12

Elipi Akuj ŋina adau aseun Yerusalem aruwor akibois ŋina ilipere iŋes, tolema anapukan erwosit daadaŋ ka ŋituŋa daadaŋ ŋulu ikatakinete akilocokin ŋakiro nu, kori ŋini inyasuni Akai ka Akuj na alo Yerusalem. Ayoŋ, Darius atub ŋakiro ŋun, emaikina kiwuapae emam apegakinet.”

Ŋikiru. 106:47

Toiunae isua, okoe Ekapolon Akuj kosi, tocununae isua anakwapin, ikotere isua ikilakar aŋuna ke ekiro kon a ŋolo asegan, kitopolooroe akipuro iyoŋ.

Ŋikiru. 107:3

emaikina tolimosi ŋulu acunu Ekapolon anakwapin ŋakiro ŋun, ŋulu acunun alo Kide, alo To, alo Kuju ka alo Kwap.

Ŋikiru. 147:2

Edukokini nabo Ekapolon Yerusalem; ecununi Ŋisirael ŋulu arikor nakwapin.

Isa. 11:12

Eyauni Ekapolon akitoodikinet aŋuna a ŋituŋa a ŋakwapin, ecunakini iŋes ŋituŋa a Isirael ŋulu ielara, ecunakini iŋes ŋituŋa a Yudaya ŋulu eelar; ecununi iŋes ikes alowaetin a ŋuluomwon a akwap a daadaŋ.

Isa. 27:12

Akoloŋit ŋin, ecununi Ekapolon ŋituŋa keŋ ameun anakitelosit a aŋolol Eupurate tari nayonae ŋina alokukoru a Ijipit, okoe Ŋisirael, ikicununio iyes a ŋipeipei.

Isa. 56:8

Alimu Ekapolon Akuj ŋina ecununi Ŋisirael ŋulu erikoritae nakwapin ebe, “Acununi ayoŋ ŋuluce daŋ neni eya ŋulu sek adaun acunun.”

Yer. 12:15

Ekaku kadau ayoŋ alemun ikes a nen, esyonikini nabo ayoŋ ikes ka enyaku ikes nabo nakwap ŋina abu ayoŋ oinak ikes toruwor ŋina kec, enyakuni ayoŋ ikes daadaŋ nakwap kec.

Yer. 3:14

Okoe ŋidwe ŋulu emam anupit, toboŋutu neni kaŋ, anerae arae ayoŋ Ekapolon kus. Akayaari ayoŋ iyes, ipei alotaun, ŋiarei alokal, okoya iyes lotaun Sion.

Yer. 31:10

Iyes ŋituŋa a ŋakwapin, kiirasi ŋakiro a Ekapolon, tolimosi ŋakiro ŋun anakwapin a ŋuna alodiyete anam, anakwapin a ŋuna alwanak. Temasi iyes, “Ecunakini nabo Ŋisirael ŋolo sek eelari ikes, iyoki ikes lopite ŋolo iyokiyo ekeyokon ŋamesekin keŋ.

Yer. 32:37

Topupokisi, alosi ayoŋ acunun ikes anakwapin a daadaŋ a ŋuna abu ayoŋ erita ikes anaŋoit ka ananyunyura ta analilit kaŋ a ŋina apolon. Enyakuni ayoŋ ikes nakibois na, ido esiboikini ayoŋ ikes emam ŋace.

Yer. 6:22

“Kiirasi, eponito ŋituŋa anakwap a ŋina alo Kuju, ecunasi ŋituŋa a ŋakiboisyo a ŋuna alwanak nooi anakwap.

Esek. 14:6

“Aŋun, tolimok Ŋisirael atemar ŋakiro ŋuna irworo Ekapolon Akuj ikes nu, ‘Tokiwa asecit kus, ido toboŋutu aneni aŋakujo kus ka kikoŋosi akitiya ŋuna ka asiilyo daadaŋ ŋuna itiyaete iyes.

Esek. 36:24

Akayauni ayoŋ iyes anakwapin ka akacununi ayoŋ iyes anakiboisyo a daadaŋ, okoyau iyes nakwap kus.

Ŋilep. 26:3

“‘Ani kiwuap iyes ŋakiro ŋuna atubunit ayoŋ, ido kirica ŋakiciketa kaŋ ka kirica ikes anakikinyoma,

Sakar 8:7

Aiuni ayoŋ ŋituŋa kaŋ anakwapin a ŋuna alo Kide ka ŋuna alo To.

Mat. 24:31

Iyakuuni iŋes ŋimalaikan keŋ apaki ŋina ekutakinere arupepe ŋina apolon, tocunakis ŋiseuna keŋ alowaetin ka akwap a daadaŋ, ameun anakisyakinet tari nasalunet.

Ŋikis. 12:21

Ani kelwana aneni kus akibois ŋina abu Ekapolon Akuj kus toseu toyakaun ekiro keŋ, ido toara iyes lopite ŋolo adaunia ayoŋ akicik iyes ibarasit anaatuk, kori anamesekin kus idio ŋini ikiinak Ekapolon iyes, ipedorete iyes akinyam iŋes alotooma ŋitaunio kus apaki daadaŋ ŋina icamitotor iyes.

Ŋikis. 12:5

Nai emaikina iyes kiwarut akibois ŋina eseuni Ekapolon Akuj kus anakiboisyo a ŋikabilae kus aruwor neni iboiyo iŋes ka neni ilipere enyaritae ekiro keŋ. Emaikina iyes toloseneneete nen,

Ŋikis. 30:1

“Ani kedaut ŋakiro ŋun daadaŋ akitiyakin neni kus, ŋakiro ŋun ikes ŋarereŋisyo ka ŋilam ŋulu akalimok ayoŋ iyes, ani kitamut iyes ikes anakwapin a daadaŋ a ŋuna ikiritari Ekapolon Akuj kus iyes,