Neem. 1:3 - Ebaibul

³ Okoboŋokis ikes ayoŋ temasi, “Ŋipiya ŋulu eya ama Yudaya, ŋulu aponi nyerikor, eyakasi locan ŋulu apolok ka loleec; aritaasi ŋimoe arwatata ŋina a Yerusalem ka amunaasi ŋipukei keŋ ka akim.”

Neem. 1:3 Iomraidhean Croise

1 Ŋirw. 9:7

ŋun nai alemarya ayoŋ Ŋisirael anakwap a ŋina adau ayoŋ ainakin ikes. Akai daŋ ŋina etaleu ayoŋ aŋuna ekiro kaŋ, alemari ayoŋ ojoŋo akitere; toruwor Isirael akwap ŋina nyeriŋa eyai toruwor ŋina edoŋ erae eemut bon, ŋina ekyenatar ŋituŋa a ŋakwapin a daadaŋ.

2 Ŋirw. 25:10

Tolimok ekapolokiniton ŋasigarya ŋuna eyokiyete erwosit a Babilon ŋajorei keŋ daadaŋ akituwor arwatata a Yerusalem daadaŋ.

2 Ŋakiro a ŋirwa 36:19

Apotu Ŋibabiloniyae kicunya Akai ka Akuj, toritakis arwatata a Yerusalem kwap ka kicunyasi ŋakais ŋuna ka apukan daadaŋ ka tomunaasi ŋiboro ŋulu apol egyelit daadaŋ alo Yerusalem.

Esir 2:1

Arae lu Ŋisirael ŋulu apotu toboŋut alo Babilon Yerusalem, nakwap a Yudaya; arae ikes ŋulu koloŋ kebu erwosit Nebukadinesar ŋolo a Babilon ya erae ŋirikon nakwap a Babilon abu ŋinituŋanan toboŋo lotaun keŋ.

Esir 5:8

Ikilipi toyenu erwosit atemar aponi isua tolotoi nakwap a Yudaya, Kai ŋina ka Akuj a ŋina etiron. Edukio Akai ŋin a ŋamoru a ŋuna icietae ka epetanakinio ŋabaoi narwatatain, itiyaete ŋituŋa etic ejok ka elosi etic kiŋaren emam akiryaŋiryaŋa.

Neem. 11:3

Erae lu ŋikarikok a ŋituŋa akwap a ŋin ŋulu eboiyete alo Yerusalem, nai eboiyete alotaunio a Yudaya Ŋisirael ŋuluce, ŋisacaradotin, ŋilepi ŋiketiyak a Akai ka Akuj ka ŋiletok a ŋiketiyak a Solomon ka analup ka alotaunio kec.

Neem. 2:13

Abu ayoŋ olot nakwaare, etor lopuke ŋolo enyaritae epuke ŋolo ka Akadipaalat, olunyar alolelya a ŋolo enyaritae Elelya ŋolo ke Etyaŋ a ŋolo adedeŋan tari lopuke ŋolo enyaritae epuke ŋolo a Aoret. Abu ayoŋ esyeme ŋarwatatain ŋuna keponi toritakinae kwap ka ŋipukei keŋ ŋulu keponi tomunaarae a akim.

Neem. 2:17

Abu nai ayoŋ olimok ŋituŋa otema, “Iteete iyes ŋican ŋulu ikiyakar iwon, epite ŋolo eyakar Yerusalem emunaara ka emunaaritae ŋipukei keŋ ka akim. Potu odukokisi nabo arwatata a Yerusalem, ikotere nyikijamuwar nabo iwon.”

Neem. 2:3

Olimok ayoŋ erwosit otema, “Elipi torubak erwosit eyari ŋikaru ka ŋikaru! Ikokini ereet kaŋ pa enyorididi, tomunaara etaun ŋolo erae akibois ŋina enukitae atapapaa kaŋ ka tomunaaritetei ŋipukei ka akim ai?”

Neem. 7:6

Arae lu Ŋisirael ŋulu apotu toboŋut alo Babilon Yerusalem, nakwap a Yudaya; arae ikes ŋulu koloŋ kebu erwosit Nebukadinesar ya erae ŋirikon nakwap a Babilon, abu ŋinituŋanan toboŋo lotaun keŋ.

Esta 1:1

Apotu ŋakiro nu kitiyakinos alorwa a ŋulu araakar Ausero. erwosit ŋolo epukat ŋakwapin amiat ka ŋatomoniarei ka ŋakanikaarei; akisyakin alo India tari Esiopia (Iŋes Kus).

Ŋikiru. 79:4

Ikiruwor isua ŋulu ikibolyatar ŋikidunyet kosi, ikiruwor isua ŋulu ikijamuwarito ka ŋulu ikikyenatar ŋikidunyet kosi.

Ŋakit. 25:28

Ituŋanan ŋini nyiyokiuno bon, ikwaan ka etaun ŋolo keukonor arwatata ŋina sek eiunit iŋes.

Isa. 43:28

Aŋun, abu ayoŋ ojamuwa ŋikapolok anakibois kaŋ a ŋina asegan ka abu epotok ŋiletok a Yakob namunyaro ka emyek ŋiletok a Isirael erae ŋulu ejamuwaritae.”

Isa. 5:5

Tokona, akalimokini ayoŋ iyes ŋuna alosi ayoŋ akitiya neni a emanikor kaŋ a ŋolo a ŋikito a epiini. Alemari ayoŋ ŋikito ŋulu ewuatere iŋes, ido tomunaarae iŋes, aritaari ayoŋ arwatata ŋina ewuatere iŋes, ido kipudaarae iŋes.

Yer. 24:9

Eturuwori ayoŋ ikes ŋulu inyasuna, ibore ŋini aronon alotuŋa a ŋakwapin a daadaŋ, ŋulu nyejokak, ŋulu irworore, ŋulu eŋoito ka ŋulu icenen anakiboisyo a daadaŋ a ŋuna eritari ayoŋ ikes,

Yer. 29:18

Ewuapakini ayoŋ ikes a ejie, a eron ka edeke, eturuwori ayoŋ ikes ŋulu nyejokak aneni a ŋituŋa a ŋakwapin a daadaŋ anakwap, eruworosi ikes ŋulu ilamitae, ŋulu nyejokak aneni a ŋulu iŋolikinete ikes, ŋulu ejamuwaritae,

Yer. 39:8

Apotu Ŋibabiloniyae kicunyasi akai a erwosit ka ŋakais a ŋituŋa, ido toritakis ŋarwatatain a Yerusalem.

Yer. 42:18

“Erae nu ŋakiro ŋuna alimu Ekapolon ŋolo a ŋajoresyo, Akuj a Ŋisirael ebe, ‘Lopite ŋolo abunio aŋoit kaŋ ka anyunyura kaŋ toyakaun neni a ŋituŋa a ŋulu eboiyete alo Yerusalem, ikwaŋinapei, ebuni anyunyura kaŋ neni kus daŋ apaki ŋina ilosyoto iyes Ijipit, iruworosi iyes ŋituŋa ŋulu icenere ŋuluce ka ŋulu inyasere ŋuluce, ikijamuwarete ŋituŋa iyes ka iyanyio ŋituŋa isitiyao ekiro kus. Nyiŋolikinete iyes akibois na nabo.’

Yer. 5:10

Eyakiyari ayoŋ ŋimoe kiteleteloosi ŋikito a epiini keŋ, nai nyiteletelosi daadaŋ. Alimokini ayoŋ ikes totubutuboosi ŋaten kec, anerae meere ŋaten ŋun ŋuna a Ekapolon.

Yer. 52:14

Apotu ŋasigarya a Ŋibabiloniyae daadaŋ ŋuna arukito kaapei ka ekapolokiniton a ŋasigarya a ŋuna eyokiyete erwosit kituwosi ŋarwatatain a Yerusalem daadaŋ.

Aum. 1:7

Alorwa a ŋulu a ŋican ka akirimit, apotu ŋituŋa a Yerusalem totamut ŋiboro kec daadaŋ ŋulu apol egyelit ŋulu ayakatar ikes ekiŋaren. Ani eyakaun ŋituŋa a Yerusalem napedor a ŋimoe kec, abu todaun ituŋanan iŋarakini ikes. Apotu ŋimoe a Yerusalem kitekis Yerusalem, ido ekyenatar aŋuna ka akinyasuno keŋ.

Aum. 2:9

Aritaar ŋipukei a arwatata emuleleiyasi ŋamoru, amunaiya ka abilibilaa Ekapolon ŋasuwa ŋuna sek ilorere ŋikekya. Arikor nakwapin erwosit a Yerusalem ka ŋikapolok ŋulu epukatotor iŋes. Adaun ŋikisila. Nyisileerekino Ekapolon ŋikadwarak ŋakiro keŋ anakirujaeta.

Aum. 3:61

“Okoe Ekapolon, iira iyoŋ ikes ekeyanyete ayoŋ, iyeni iyoŋ daadaŋ ŋuna eyeete ikes akitiya ekemanito ayoŋ.

Aum. 5:1

Okoe Ekapolon, totamu ŋakiro ŋuna etiyakinosi neni kosi, kiŋoliu neni kosi, ikotere kiŋolik epite ŋolo ikijamuwarere isua.

Ŋilep. 26:31

Eturuwori ayoŋ ŋitaunio kus ŋireŋoroto, eruwor ŋakiboisyo kus ŋuna sek ilipyata iyes ŋuna esilok, ido nyakabobokini nabo ayoŋ eure a ŋainakineta kus a ŋuna epeyo

Ŋilep. 26:33

Ekeelari ayoŋ iyes nakwapin, ido eturubakini ayoŋ ŋimoe ikiwuapito iyes. Idoŋi akwap kus erae ŋina asilon ka eruwor ŋitaunio kus ŋireŋoroto.