Naum 3:10 - Ebaibul

¹⁰ Kikote neni daŋ, aponi torikoroe ŋituŋa a Tebes nakwapin, kituruworoe ikes ŋipi. toaranakinae ŋidwe kec nakiryamiryamet a ŋirotin, torikonoroe ŋikapolok a ŋituŋa keŋ eenitae a ŋiriko, kilamilama ŋikarikorok kec totedoreta ŋini eai edyo a ŋikapolok a ŋul.

Naum 3:10 Iomraidhean Croise

2 Ŋirw. 8:12

Kiŋit Asael iŋes tema, “Kaanukiro igworor iyoŋ Ekapolon?” Toboŋok Elisa iŋes tema, “Egworo ayoŋ anerae ayeni aronis ŋina ilosi iyoŋ akitiyakin Ŋisirael: Icunyakini iyoŋ ŋitaunio kec, iari ka atum ŋisorok kec, iryedanari ŋiŋwea kec, tosodi topuununu ŋidwe anakokyes a ŋaberu a ŋuna epotiyete.”

Yob 6:27

Ipedorete iyes tari akilamilam aŋuna ka atedor ŋini eŋatari ikoki, ipedorete tari akirworiun egyelit ŋolo igyelareta ekone.

Ŋikiru. 137:8

Okoe ŋituŋa a Babilon! Iyes ŋikenyasak! Elakar ŋituŋa ŋulu inyaŋarete ŋakiro kus ŋuna ipotu iyes kitiya neni kosi.

Ŋikiru. 137:9

Elakar ŋituŋa ŋulu ikamarete ŋiŋwea kus kidesanakis natabab.

Ŋikiru. 149:8

toeneta ŋirwosi a ŋakwapin a ŋiriko, toeneta ŋikepukak a ŋakwapin a ŋasuwa

Isa. 13:16

Enyilinyilaaryo ŋidwe kec ŋulu enakete iteete ikes, eŋataryo ŋiboro anakais kec ka ereikinio ŋaberu kec akiryamakin ka ŋikilyok ŋulu nyerae ŋulu kec.

Isa. 13:6

Kiwololoto, anerae aapuu akoloŋit ke Ekapolon, ebuni akoloŋit ŋin erae akoloŋit ŋina emunyarya Ekapolon akwap.

Isa. 19:4

Epotokini ayoŋ Ŋijipitian napedor a ituŋanan ŋini agogoŋon ka akou, ipukae ikes erwosit ŋolo adedeŋan.” Ekapolon ŋolo a ŋajoresyo iŋes alimu ŋakiro ŋun.

Isa. 20:4

ebuni erwosit ka Asiriya arikor Ŋijipitian erae ŋienan ka ŋituŋa ka Esiopia erae ŋirikon, erikoryo ŋituŋa ŋul ŋisorok kaapei ka ŋikasikou, erikoryo ikes daadaŋ elerete ka emam ŋamuk enapito, totakanete ŋikaosios, itoodiunito ŋileec aŋuna a ŋituŋa a Ijipit.

Aum. 2:19

Tonyoutu, kigworonokisi Ekapolon akuwar kia, toboŋonokisi akigworonokin Ekapolon nakwaare, tolimokisi Ekapolon ŋakiro daadaŋ ŋuna eya lotai kus, kilipa neni keŋ ikyaarito ŋakan aŋuna a ŋidwe kus a ŋulu iridete alorotin a daadaŋ aŋuna ka akoro.

Aum. 4:1

Ekwaanikin tokona ŋituŋa kosi ka egolid ŋolo aaŋoryan. Ekwaanikin ŋituŋa kosi ielara ka ŋamoru ŋuna ka Akai ka Akuj ŋuna tokona ielakina lorotin ŋulu ke etaun.

Esek. 29:7

Ani ikitiŋete Ŋisirael iyes a ŋakan, ipotu iyes tobilibila ŋakan kec, kicumucuma ŋiseketa kec daadaŋ; ani egwaŋunosi ikes neni kus, ipotu iyes tobilibila ikes, kiŋwala ŋakejen keŋ nyepedosi alosit.

Osea 13:16

Isicanio ŋituŋa a Samaria aŋuna ka asecit kec anerae aŋero ikes Akuj kec, earyo ikes a ekileŋ, enyilinyiliyaryo ŋawat a ŋidwe kec ka epunonoryo ŋakookyes a ŋaberu kec a ŋuna epotiyete.

Yoel 3:3

Apotu ikes kilamilama aŋuna a ŋituŋa kaŋ ayenunia ŋini eyai ŋirikon alojie. Apotu ikes togyelasi ŋidyain atacia ŋamalaae ka togyelasi ŋapesur atacia epiini ŋolo amasete ikes.

Amos 1:13

Alimu Ekapolon ŋakiro nu ebe, “Aŋuna arubakiniata Ŋiamoni itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes apaki ŋina enyasyata akwap kec topunonosi ŋakookyes a ŋaberu a ŋuna apotiyete alo Gilead, aŋuna ka akiyatakin akwap kec.

Obad. 1:11

“Akoloŋit ŋina ekamaryata ŋituŋa ŋulugelae ŋajorei a Yakob erae ŋirikon, ibu iyoŋ nyiŋarak ikes, akoloŋit ŋina alomaryata ŋituŋa ŋulugelae lotaun kilamilama aŋuna ka aŋatar Yerusalem, ibu iyoŋ nyiŋarak ikes. Aŋun, ibu iyoŋ daŋ kikwaanikin ka ŋimoe ŋul apaki ŋin.