Naum 2:9 - Ebaibul

⁹ “Toŋatasi egolid! toŋatasi esilipa! Ileleba ebari lotaun, eyai ŋinibore daadaŋ ŋini epol egyelit!”

Naum 2:9 Iomraidhean Croise

2 Ŋakiro a ŋirwa 36:10

Ani edoli ŋirwa ŋulu ka akicereet ekaru ŋol, abu erwosit Nebukadinesar kiyakiya ŋituŋa aomere Yeoiakin ka aponi yaarae iŋes Babilon kaapei ka ŋiboro ŋulu epol egyelit, ŋulu ayakasi Kai ke Ekapolon. Kilunyok Nebukadinesar Sedekia lokaato a Yeoiakin lokicoloŋ toruwor erwosit a Yudaya ka Yerusalem.

Isa. 33:1

Ekaŋ iyoŋ ekenyasan, iyoŋ ŋolo emam ituŋanan abu ikimunya iyoŋ ŋolo emam ituŋanan abu itoluk! Ani ijoŋoe iyoŋ akinyas, ikinyasunio iyoŋ; ido ani ijoŋoe iyoŋ araakau ŋolo alukinon, ikilukinio iyoŋ.

Isa. 33:4

Aponi tocunakinae ŋiboro ŋulu aŋataritae lopite ŋolo ecunakinor emaase, apotu ŋituŋa toŋatasi ŋiboro ŋul todaun lopite ŋolo irikarya emaase ibore.

Yer. 25:34

Iyes ŋikepukak, kiwololoto ka tocelutu igworosi, kibelibelokinos lokuron, iyes ŋikepukak a ŋituŋa, anerae adolut ŋirwa ŋulu ikiarere iyes ka ŋirwa ŋulu ikielarere iyes, ido ikielar lopite ŋolo ielaror amot ŋina ajokan.

Yer. 46:5

Kaanukiro eteo ayoŋ ikes ebulit? Aema ikes, aboŋosi ebulit, eloun ŋikajiok kec, ido ikirikasi ekerete, iŋoliununeete kaku, eyai ekabule lowaetin kec daadaŋ.

Yer. 51:56

anerae apotu ŋikenyasak Babilon, ekamar ŋikajiok a Babilon, abilibilaar ŋakawo a ŋikaleŋeleŋe kec, anerae erae Ekapolon Akuj ŋina enyaŋan inyaŋari iŋes ŋakiro a ŋimoe keŋ lotyae ŋolo itiyatotor ikes.

Esek. 26:12

Eŋatarete ŋituŋa ebari kon, elemarete ŋiboro kon ŋulu iŋadat iyoŋ, ebwaŋabwaŋakinete kwap narwatatain kon, tomunaasi ŋakais kon ŋun ŋuna ebusak. Imasakinete nakipi ŋamoru kon, ŋabaoi kon ka ŋalup kon.

Dan. 11:8

Tari ŋakujo kec kaapei ka ŋitorubei a ŋakujo ka ŋiboro kec ŋulu ajokak ŋulu itiyaunitae a esilipa ka egolid, iwokori iŋes nakwap a Ijipit ikwapei ŋiboro ŋulu eŋatunitae alojie. Eai nai iŋes ŋikaru ŋulu alalak nyitijikino erwosit ŋolo alo Kuju.

Naum 3:17

Ikote ŋikapolok akwap kon emaase, ikote ŋikarikok a ŋakwapin kon ŋabeerei ŋuna ani elilim akwap kinaminamakin narwatatain, nai ani elomuni akoloŋ toporosi, toloto neni emam ituŋanan eyeni.

Akis. 18:12

Emam ŋini egyeli egolid kec, esilipa, ŋamoru ŋuna ajokak ka ŋakamilimili, ŋilowi kec ŋulu amilimilak, ŋulu kipura-areŋak, ŋuludelet ka ŋulu areŋak; ŋabaoi ŋuna egelegelya, ŋuna akukunyok, ŋiboro ŋulu egelegelya, ŋulu itiyaunitae a ŋikyal a ŋitome, ŋiboro ŋulu itiyaunitae a ŋabaoi a ŋuna epol egyelit, ŋulu itiyaunitae a eburonis, ŋasuwa ka ŋamoru ŋuna iceo ŋiboro;

Akis. 18:16

temasi, “Oitakoi! Kerokyata ŋakiro ŋuna atakanut lotaun ŋolo apolon nooi lo! Anapenene sek iŋes ŋilowi ŋulu amilimilak, ŋulu kipura-areŋak ka ŋulu areŋak, kisibusite akuwan keŋ a ninapen a ŋulu etiyaunitae a egolid, a ŋamoru a ŋuna epol egyelit ka ŋakamilimili!”