Naum 2:5 - Ebaibul

⁵ Abu Akuj tonyara ŋikapolokinitok ŋajorei keŋ, kibusonokinos ŋul epote neni keŋ. Tomaryaaros ŋikajiok narwatata ŋina ewuat etaun, towaut etaun irimokinito kidiŋ.

Naum 2:5 Iomraidhean Croise

Isa. 21:5

Esubanakinete ŋituŋa ŋimesae epetanakinete ŋakitambarae ŋuna enyamuna lomesae, imujete ka emasete. Iyes ŋikapolokinitok a ŋajoresyo tonyoutu, kiosa ka akimyet ŋaupala kus!

Isa. 5:27

Mam ikes ipei daŋ ŋini eupi, mam ipei daŋ ŋini igukini, mam ŋini ilurakin, kori ejotoor, mam ŋini ilajilajakini elou keŋ anacir, mam ŋini eŋeda arukan ŋina a ŋamuk keŋ.

Yer. 46:12

Eirasi ŋituŋa a ŋakwapin ŋuna a ŋileec kus ka ealakin akigworo kus akwap daadaŋ; anerae aarasi ŋikajiok make atwaka daadaŋ kaapei.”

Yer. 50:29

“Tonyarautu ŋulu isitiyaete ŋakawo a ŋikaleŋeleŋe ka ŋikaleŋeleŋe potu akitijiore Babilon. Kirikautu iŋes, nyimyekis ituŋanan ipei daŋ tosi. Totacakisi ikes ikwapei etiyatotor ikes, kitiyata neni kec ŋunapei apotu ikes kitiyata, anerae apotu ikes toŋero Ekapolon ŋolo asegan ŋolo a Isirael.

Naum 2:6

Apotu ŋipukei ŋulu ayakasi diyete ŋaŋololin toŋaaros, abu ekabule min neni a ŋituŋa a ŋulu aya kai ŋina ka apukan.

Naum 3:18

Okoe erwosit ka Asiriya, amunyar ŋikapolok ŋulu sek ipukatotor iyoŋ, atwaka ŋikarikok a ŋituŋa kon kire. Ealar ŋituŋa kon lomoru, mam ituŋanan ecununi ikes aina.

Naum 3:3

Emotuno neni kon ŋikametok ŋaŋolei, imilyasi ŋileŋia ka epariparete ŋakwaaras! Etukosi alotooma kon ŋawat a ŋituŋa a ŋulu etwakito, etukosi alotooma kon ŋawat ŋuna nyimarun, ibusonokinete ŋawat ŋun ŋituŋa.

Abak. 1:8

Epiraka nooi ŋaŋolei kec akilo ŋirisae, ededeŋ nooi akilo neni ededeŋiata ŋipeei ŋisaae ŋulu ka ataboŋ, icurosi ŋaŋolei kec ipudaete akwap nooi. Eponeneete ŋikametok ŋaŋolei kec anakwapin a ŋuna alwanak. Iuwaunun ikwa egole ecamit akinyam ibore.