Naum 2:13 - Ebaibul

¹³ Ebala Ekapolon ŋolo a ŋajoresyo neni kon Ninepe, “Akaremokino ayoŋ iyoŋ, ido ecunyakini ayoŋ ŋagaari kon ŋuna iritae a ŋaŋolei topuruut, earyo alojie ŋasigarya kon, alemari ayoŋ ŋiboro daadaŋ ŋulu ibu iyoŋ tolema aneni a ŋulucetuŋa ka nyiiraryo nabo ŋitoilon a ŋikiyakia kon.”

Naum 2:13 Iomraidhean Croise

2 Ŋirw. 18:17

Kiyakiya erwosit ŋolo ka Asiriya neni ke Esekia a ŋolo ayai Yerusalem ŋikapolok ŋulu a ŋasigarya keŋ ŋiuni, ŋolo apolokinit daadaŋ ka ŋolo ewuapit ŋol ta ŋolo apol alojie. Arukito ikes ka ŋasigarya ŋuna alalak nooi ŋuna arukorete ka ikes alotaun Lakis. Potu ikes tari Yerusalem, towua anadoketa aŋuna ka abwal a ŋina ayai neni amukur, lorukude ŋolo alosi neni adonyere ŋilowi.

2 Ŋirw. 18:19

Abu ekapolokiniton ejie a ŋasigarya ka Asiriya tolimok ikes alimokin Esekia erwosit ŋakiro nu: “Ebala erwosit ŋolo arwon ŋolo ka Asiriya, tolimo ibore ŋini ituror iyoŋ.

2 Ŋirw. 19:23

Ibu iyoŋ kiyaku ŋituŋa akituro alokiŋaren Ekapolon. Ibala iyoŋ, ‘Aŋuna ayakar ŋagaari ŋuna alalak adau akidok ŋimoru ŋulu aoyak ŋulu a Lebanon. Ibala iyoŋ adau ayoŋ akiyep ŋikito a Cedar ŋulu aoyak, ka ŋikito a Sipres ŋulu ajokak nooi. Ibala ebe adau alomar nooi namon a Lebanon, adol tari lokito ŋulu ka amoni a ŋin ŋulu ajokak nooi.

2 Ŋirw. 19:9

Apaki ŋin abu Senakerib ŋolo arae erwosit ka Asiriya kiira atemar ebunit Ekusait ŋolo enyaraitae Tiraka ŋolo arae erwosit a Ijipit akitijiore iŋes. Aŋun, abu nabo iŋes kiyakiya ŋituŋa neni ke Esekia a ŋolo ayai Yudaya,

2 Ŋakiro a ŋirwa 32:19

Apotu ikes kirworo ŋakiro a Akuj a Yerusalem esibit irworosi ŋakiro a ŋakujo a ŋituŋa a ŋakwapin a ŋunace, a ŋakujo a ŋuna erae ituŋanan itiyaunit.

Ŋikiru. 46:9

Itasalununui iŋes ŋijiesyo anakwap; ebilibili ŋakausinei a ŋikaleŋeleŋe, kimasana ŋakwaaras, ido kicuny ŋaupala.

Yer. 21:13

“Kiirasi, akaremokino ayoŋ iyes, okoe iyes ŋituŋa ŋulu iboiyete alokidiama akadipaalat, okoe iyes ŋituŋa ŋulu iboiyete alokamukumukut a ŋolo elalak ŋamoru. Iyes ŋulu irworosi ibasi, ‘Ŋae epedori akitijikin iwon, kori ŋae epedori alomun nakais kosi ŋuna eŋopitere?’

Yer. 46:14

“Tolimo ŋakiro nu alo Ijipit, kiserau ikes alo Migidol, kiserau ikes alo Mempis ka alo Tapanes ebe, ‘Tolemutu ŋaŋolei kus, ido totena, anerae emunyaryo a ekileŋ ŋikidunyet kus.’

Yer. 50:31

“Okoe iyes ŋituŋa a Babilon ŋulu iturosi, akaremokino ayoŋ iyes, anerae adolu akoloŋit kus, adolu apaki ŋina alosyo ayoŋ akisican iyes.

Yer. 51:25

Okoe iyes ŋituŋa a Babilon, ikwaan iyes ka emoru ŋolo ikimunyari, emoru ŋolo emunyari akwap daadaŋ. Eopeuni ayoŋ akan kaŋ ekemanit iyes, ekeriu iyes anaŋici a ŋatabab, ekesikwaanik ka emoru ŋolo anomiya akim.

Esek. 13:8

“Aŋun, ŋakiro ŋuna irworo Ekapolon Akuj ikes nu, ‘Aŋuna irworyata iyes alyokonu ka itiyaata ŋakitoodyanakineta ŋuna ka amodiyo, ekeman ayoŋ iyes.’

Esek. 21:3

tolimok akwap a Isirael atemar alimu Ekapolon ŋakiro nu ebe, ‘Ekemanit ayoŋ iyes, alemuni ayoŋ ekileŋ kaŋ anakuraro, oarya alokidiŋ kus ŋulu iyookino ka ŋulu aronok.

Esek. 26:3

Aŋun, alimu tokona Ekapolon Akuj ebe, ‘Okoe Tiro! Ekemanit ayoŋ iyoŋ, ekesimani ayoŋ iyoŋ ŋituŋa a ŋakwapin a ŋuna alalak, ebukunosi ikes neni kon lopite ŋolo ebukotor ŋikaguragurae a ŋakipi ananam.

Esek. 28:22

Tolimok ikes atemar, alimu Ekapolon Akuj ŋakiro nu, ‘Okoe ŋituŋa a Sidon, ekemanit ayoŋ iyes, eketopoloorete ayoŋ ŋituŋa kon. Eyenunete ikes atemar arae ayoŋ Ekapolon, eyenunete ikes ŋun apaki ŋina esicania ayoŋ ikes, etoodiun ayoŋ neni kec arae ŋolo asegan alotooma Sidon.

Esek. 29:10

adau ayoŋ akiman Parao a ŋakiro a ŋun, adau ayoŋ akiman ŋakitelesyo a ŋakipi kon, eturuwori ayoŋ akwap a Ijipit akoŋinait ŋina ekyenare, ŋina asilon ameun alo Migidol tari Siyene tomyaa tari lokukor keŋ ka Esiopia.

Esek. 29:3

Tolimok iŋes atemar, alimu Ekapolon Akuj ŋakiro nu ebe, ‘Ekemanit ayoŋ iyoŋ Parao erwosit ŋolo a Ijipit, iyoŋ epiu ŋolo iletete anakipi a ŋuna a ŋakitelesyo,’ ibala iyoŋ, ‘Aŋolol kaŋ Nile, erae ŋina kaŋ a elope; ayoŋ abu etiyau iŋes aŋuna kaŋ.’

Esek. 35:3

tolimok atemar, alimu Ekapolon Akuj ŋakiro nu ebe, ‘Ekemanit ayoŋ iyoŋ, iyoŋ emoru Seir, eopeuni ayoŋ akan kaŋ neni kon ekemanit, eketuruwo iyoŋ akwap ŋina asilon ka akoŋinait.

Esek. 38:3

ibala, alimu Ekapolon Akuj ŋakiro nu ebe, ‘Okoe Gog, ekemanit ayoŋ iyoŋ, iyoŋ ekepukan ŋolo ipolokinit Mesek ka Tubal.

Esek. 39:1

Abu Ekapolon Akuj kirwor neni kaŋ tema, “Lokoku a ituŋanan, todwar itoroniyarit Gog, tolimok iŋes atemar alimu Ekapolon Akuj ebe, ‘Okoe Gog, ekemanit ayoŋ iyoŋ, iyoŋ ekepukan ŋolo ipolokinit Mesek ka Tubal.

Esek. 5:8

ayoŋ Ekapolon Akuj erworo neni kec tokona atemar ekemani ayoŋ iyes. Ekesicani ayoŋ iyes iteete ŋituŋa a ŋakwapin a ŋunace.

Naum 2:12

Aar eŋatuny ŋityaŋ ŋulu itemokino aŋuna a ŋitak keŋ, aar daŋ etyaŋ ece aŋuna a ŋaŋatunyo a ŋuna erukito ka iŋes; elelebik naduyon keŋ akiriŋ a ŋityaŋ a ŋulu aari iŋes, elelebik neni iboiyo iŋes akiriŋ ŋina enyilinyilitae.

Naum 3:1

Ekaŋ iyoŋ etaun ŋolo ileleba ŋikalyokonok ka ŋikaarak! Etaun ŋolo ileleba ŋiboro ŋulu emaikina toŋatarae!

Naum 3:12

Ikote ŋaduketa kon ŋunajiet ŋiboboryo ŋulu isyakinete akira, ŋulu iloilookinio torarakin ŋaraito nakituk a ŋinibore enyami.

Naum 3:15

Ikinomiyari iyes akim a nen, ikimunyaryo iyes a ekileŋ. Ikirikaryo iyes ikwa irikarya emaase ŋikinyom, tari kipitunito iyes ikwa emaase, kori kilalak iyes ikwa ŋabeerei,

Naum 3:5

ebala Ekapolon ŋolo a ŋajoresyo ebe, “Akaremokino ayoŋ iyoŋ Ninepe, alacari ayoŋ ŋilowi kon, ido tolerok iyoŋ, emyekini ayoŋ ŋituŋa a ŋakwapin ikiŋolikis iyoŋ ileri, iŋolikinete ŋapukasinei ŋileec kon.

Yos. 11:6

Tolimok nai Ekapolon Yosua tema, “Nyikibul aŋuna kec, anerae moi taparacu ŋisaae lu peilu, epotokini ayoŋ ikes neni a Ŋisirael tomunyarae. Tosodi nai iyoŋ totubutubu ŋamori ŋuna a ŋakejen a ŋaŋolei, ido kicunyak ŋagaari kec.”

Yos. 11:9

Kitiyak Yosua neni kec lopite ŋolo alimokinitor Ekapolon iŋes. Totubutubu ŋamori ŋuna a ŋakejen a ŋaŋolei kec, kicunyak ŋagaari kec.