Naum 2:12 - Ebaibul

¹² Aar eŋatuny ŋityaŋ ŋulu itemokino aŋuna a ŋitak keŋ, aar daŋ etyaŋ ece aŋuna a ŋaŋatunyo a ŋuna erukito ka iŋes; elelebik naduyon keŋ akiriŋ a ŋityaŋ a ŋulu aari iŋes, elelebik neni iboiyo iŋes akiriŋ ŋina enyilinyilitae.

Naum 2:12 Iomraidhean Croise

2 Sam. 17:8

Torubak Usai irworo tema, “Iyeni robo ca iyoŋ atemar ejioko papa kon ka ŋikilyok ŋulu erukitotor. Ededeŋ ikes ikote aŋatuny anariet ŋina edemaritae ŋitak keŋ. Nabo daŋ, eyeni papa kon ejie nooi; nyeperi iŋes neni epereneneete ŋasigarya keŋ.

Ŋikiru. 17:12

Ikwaan ikes ke eŋatuny ŋolo etenit aryetar ibore ŋini ikamuni, ikwaan ikes ke eŋatuny ŋolosorokit ŋolo edapunit ibore anamoni.

Yer. 51:34

“Ikimunya isua erwosit Nebukadinesar ŋolo a Babilon, ikiar iŋes isua, eturuwo iŋes etaun kosi ŋolo emam ŋituŋa. Ikiliko iŋes isua lopite ŋolo ilikorya emorotot ibore. Aŋata iŋes ŋiboro kosi ŋulu ajokak daadaŋ, emasa nariet ŋulu nyecamit.

Naum 2:11

Ai tokona eyai Ninepe, etaun ŋolo sek agogoŋ esibit neni iboiyoto ŋiŋatunyo esibit adui a ŋitak a ŋiŋatunyo, adui ŋina eboiyoto ikes tomam ŋini isicani

Naum 2:13

Ebala Ekapolon ŋolo a ŋajoresyo neni kon Ninepe, “Akaremokino ayoŋ iyoŋ, ido ecunyakini ayoŋ ŋagaari kon ŋuna iritae a ŋaŋolei topuruut, earyo alojie ŋasigarya kon, alemari ayoŋ ŋiboro daadaŋ ŋulu ibu iyoŋ tolema aneni a ŋulucetuŋa ka nyiiraryo nabo ŋitoilon a ŋikiyakia kon.”

Ekim. 23:24

Kiŋolik ŋituŋa ŋulu anyout esibit aŋatuny anyout esibito eŋatuny ŋolo adedeŋan, ŋolo nyeperi akitodol ŋina enyamia etyaŋ ŋolo ikamunit ka ŋina emasya ŋaokot a ŋityaŋ a ŋulu adau iŋes akiar.”