Naum 1:7 - Ebaibul

⁷ Ejok Ekapolon, eiununui iŋes ŋituŋa keŋ apaki ŋina eyakatar locan, eiununui iŋes ŋituŋa ŋulu eemete neni keŋ,

Naum 1:7 Iomraidhean Croise

1 Ŋakiro a ŋirwa 16:34

Tolakaros neni ke Ekapolon, anerae ejok iŋes; erae amina keŋ ŋina nyiryaŋiryaŋa ŋina a ŋikaru ka ŋikaru.

1 Ŋakiro a ŋirwa 5:20

Abu Akuj kiŋarak ikes akitijiore ŋituŋa ŋul, kimyek Akuj Ŋiagiri ka ŋulu ariitotor ereunio, anerae apotu ŋikajiok ŋulu adedeŋak ŋul kilipa neni ka Akuj alojie, ido abu Akuj inak ikes akiloun aŋuna ekinyomitotor ikes Akuj.

2 Ŋakiro a ŋirwa 13:18

Apotu ŋasigarya a Yudaya toreut Ŋisirael apaki ŋin, anerae ekinyomito ŋasigarya a Yudaya Ekapolon Akuj atapapaa kec.

2 Ŋakiro a ŋirwa 32:11

ŋina ikilimokinia iyes erwosit Esekia atemar ikiuni iyes Ekapolon Akuj kus, ikimodikinit iŋes iyes, ecamit iŋes akoro ka akure itoarak iyes nen.

2 Ŋakiro a ŋirwa 32:21

Abu nai Ekapolon kiyakiya emalaika ŋolo abu toar ŋasigarya ŋuna ajiok daadaŋ ka ekapolon kec ta ekarikon kec aneni eboiyoto ŋasigarya ka Asiriya. Apotu ŋun kitoboŋosi Senakerib nakwap keŋ pa elakara. Ani elomari Senakerib kai ka akuj keŋ, apotu ŋidwe keŋ ŋice ŋulusapa toara iŋes a nen a ekileŋ.

2 Ŋakiro a ŋirwa 32:8

Eyakar iŋes apedor ŋina a ituŋanan bon, nai iwon ikiyakar Ekapolon Akuj yok ŋina ikiŋarakini iwon, ŋina eji aŋuna yok alojiesyo yok a daadaŋ.” Abu nai atitinyu min lotuŋa a ŋakiro a ŋuna erworo Esekia erwosit a Yudaya.

Esir 3:11

Aeosi ikes eboŋonokin ipurosi ka elakara neni a Ekapolon ebasi, “Ejok Ekapolon, erae amina keŋ ŋina nyiryaŋiryaŋa ŋina a ŋikaru ka ŋikaru aneni a Ŋisirael.” Aboŋonokinete ŋituŋa ŋuluce a ecelet a ŋolo apolon, apaki ŋina epurotor ikes Ekapolon, anerae aponi todukokinae akisyakinet ŋina ka Akai ke Ekapolon.

Ŋikiru. 1:6

anerae idarit ka iyokit Ekapolon ŋulu iyookino, nai etwakiyarete ŋulu aronok.

Ŋikiru. 100:5

Ejok Ekapolon; nyesaluni amina keŋ ŋina nyiryaŋiryaŋa, erae akikinyoma keŋ ŋina a ŋanyameta a daadaŋ.

Ŋikiru. 20:1

Elipi atemar itoboŋok iyoŋ Ekapolon ŋakiro kon apaki ŋina iyakar locan; elipi ikiyok iyoŋ Akuj a Yakob.

Ŋikiru. 25:8

Ejok ka iyookino Ekapolon; aŋun, itatami iŋes ŋikasecak akiwuap ŋakiro keŋ.

Ŋikiru. 27:5

Akaiuni iŋes ayoŋ apaki ŋina a ŋican; ekedari iŋes ayoŋ anakibois a ŋina eyai iŋes ka ekesiboikini iŋes ayoŋ nakibois ŋina aiunor.

Ŋikiru. 37:39

Eiuni Ekapolon ŋulu iyookino ka iyoki ikes anapakio a ŋuna a ŋican.

Ŋikiru. 37:40

Iŋarakini Ekapolon ka elakununui ŋulu iyookino; elakununui ikes aneni a ŋulu aronok, ido eiununui ikes, anerae erae neni ke Ekapolon eloseneneete ikes aiunor.

Ŋikiru. 46:2

Aŋun, emam ibore ikitubuli iwon, tari daŋ kemaraniki akwap; kimasar ŋimoru nenicukul ananamyo;

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Ŋikiru. 59:16

Nai aeikini ayoŋ etojokit agogoŋu kon, aeikini ayoŋ a ŋinataparacu nooi etojokit amina kon ŋina nyiryaŋiryaŋa; anerae irae iyoŋ aduketait kaŋ ŋinajiet, neni kon aiunor ayoŋ anapakio a ŋuna a ŋican.

Ŋikiru. 71:3

Toruwor aneni kaŋ ataaba ŋina aiunor ayoŋ, toruwor aduketait ŋina ajio ŋina agogoŋon ŋina akaiuni ayoŋ, anerae irae iyoŋ ataaba kaŋ ŋina kiupala ka aduketait ŋina ajio ayoŋ.

Ŋikiru. 86:7

Akanyaraenene ayoŋ iyoŋ akoloŋit ŋina ayakar locan, anerae ikiboŋokini iyoŋ ayoŋ.

Ŋikiru. 9:10

Ikikinyomete iyoŋ Ekapolon ŋulu eyenete ekiro kon, anerae nyimyekini iyoŋ Ekapolon ikes ŋulu epote neni kon.

Ŋikiru. 91:15

Ani akanyaraete ikes ayoŋ, aboŋokini ayoŋ ikes; ikiruki ikes ka ayoŋ anapaki a ŋina eyakatar locan, aiuni ayoŋ ikes, ido etopoloo.

Ŋakit. 18:10

Eyai agogoŋu ŋina apolon nooi lokiro ŋolo a Ekapolon, ekerete ŋulu iyookino lokiro a Ekapolon, ido eiuna.

Isa. 25:4

anerae ibu iyoŋ toruwor neni eiunotor ŋikulyak, ekaiunan a ŋituŋa a ŋulu a eyakatar akiitanit alocan kec, neni emecete ŋituŋa apaki ŋina ka akiru ka neni iboikin ŋituŋa apaki ŋina emwania akoloŋ. Apaki ŋina aponiata ŋituŋa ŋulu aryenyaanak keretut lopite ŋolo iretar akiru ŋina ka akiporo,

Isa. 32:2

Eruwor neni kec eiunotor ŋituŋa ikwa akibois ŋina ipakarit ekuwuam, kori akibois ŋina ikimukori anakiru a ŋina alalan. Ikwaanikin ikes ka ŋayona ŋuna elelyata ŋakipi analoŋisat, ikwaanikin ka etolim a ataaba a ŋina apolon anakwap a ŋina ka akure.

Isa. 50:10

Ŋae alokidiŋ kus itopoloorit Ekapolon ka ŋini iwuapit ŋakiro a eketiyan keŋ? Ŋae elosi anakiryonut ka ŋini emamukar akica? Emaikina ŋin kikinyom ekiro ŋolo a Ekapolon ka toyarikinite neni ka Akuj keŋ?

Yer. 16:19

Okoe Ekapolon, agogoŋu kaŋ ka aduketait kaŋ ŋina ajio alotooma, neni aŋopya ayoŋ akoloŋit ŋina a ŋican. Epote neni kon ŋituŋa a ŋakwapin anakisaleta a akwap. Elimunete ebe, “Mam ibore aryamut atapapaa kosi, nai amodiyo bon, aryamut ikes ŋiboro ŋulucaryo ŋulu emam akiŋarakinet iryamunia.

Yer. 17:17

Nyiruwor eketukuryanan ayoŋ; irae iyoŋ neni aŋopya ayoŋ anapaki a ŋina a ŋican.

Yer. 24:5

“Ŋakiro ŋuna alimu ayoŋ Ekapolon Akuj a Ŋisirael ikes nu, ‘Lopite ŋolo eyakatar ŋaraito ŋuna ajokak, lopite ŋol iŋes eteo ayoŋ ŋituŋa a Yudaya ŋulu aponi torikoroe anakwap kec, ŋituŋa ŋulu abu ayoŋ erita anakibois a na nakwap a Ŋibabiloniyae.

Yer. 33:11

etoil ŋolo ka alelyanu ka ŋolo ka alakara, etoil a eteran ka etoil a ateran, ŋitoilon a ŋituŋa a ŋulu eosi eyaunete ŋainakineta ŋuna ka alakara Kai a Ekapolon ebasi, ‘Tolakaros neni ke Ekapolon a ŋolo a ŋajoresyo, anerae ejok iŋes, erae amina keŋ ŋina nyiryaŋiryaŋa ŋikaru ka ŋikaru!’ Enyakakini ayoŋ ŋarereŋisyo nakwap na lopite ŋolo sek ayakatar ekiŋaren.

Aum. 3:25

Erimaanikinit Ekapolon ŋituŋa daadaŋ ŋulu ikinyomito iŋes, erimaanikinit daadaŋ ŋulu iwarito iŋes.

Dan. 3:28

Tolimu nai Nebukadinesar tema, “Kipuroe Akuj a Sadirak, Mesak ka Abedinego, ŋina abu kiyaku emalaika keŋ alakun ŋiketiyak keŋ ŋulu apotu kikinyoma iŋes. Apotu ikes nyiwuapa ŋuna alimunit erwosit ka apotu tojala ŋawat kec, nyecamut akitiyanakin ka akilip neni ka akuj ka ace mati Akuj kec.

Dan. 6:23

Tolakar nai erwosit nooi, tolimok ŋituŋa atemar tolemunae Daniel anadui a ŋiŋatunyo. Aŋun aponi tolemunae Daniel anadui, mam nyeryamuna aneni keŋ tari iwadio daŋ ewanan, anerae abu iŋes kikinyom Akuj keŋ.

Yoel 3:16

Ipopolakini Ekapolon alomukura a ŋolo a Sion, egirokini etoil keŋ alo Yerusalem, ido emaranikinete nakuj ka akwap. Nai neni ke Ekapolon iŋes emecete ŋituŋa keŋ, neni keŋ eyakaun Ŋisirael pa iryaŋiryaŋasi.”

Sepan. 3:12

Nai emyekini ayoŋ aneni kus, ŋituŋa ŋulu itiditeuna ka ŋulu iyapara, ŋituŋa ŋulu iwarete aiuno aneni kaŋ a Ekapolon.

Mat. 27:43

Ikinyomit iŋes Akuj, toesikisi toiu Akuj iŋes tokona erae kemina iŋes, anerae ebala, ‘Arae ayoŋ Lokoku ka Akuj.’ ”

Mat. 7:23

Alimokini nai ayoŋ ikes otema, ‘Pa akayeni ayoŋ iyes. Toloto aneni kaŋ iyes ŋulu itiyaete aronis!’

Yoa. 10:14

Arae Ayoŋ ekeyokon ŋolo ajokan. Ayeni ayoŋ ŋamesekin kaŋ ka akayenete ikes ayoŋ,

Yoa. 10:27

Epupete ŋamesekin kaŋ ekaatoil, ayeni ayoŋ ikes ka ekewuapito ayoŋ.

Ŋirom. 11:22

Anakiro a ŋun ikiyenuni epite ŋolo erimaania Akuj ka epite ŋolo ededeŋia. Ededeŋ iŋes aneni a ŋulu adaut atwakiar, nai erimaana aneni kus--erae kirubakis iyes iyakasi narimaanut keŋ. Nai ani pa kirubakis, ikibilaryo iyes daŋ.

Ŋigal. 4:9

Nai ikwaŋina tokona iyenuniata iyes Akuj, kori ikiyenunia Akuj iyes, ikokinete iyes icamito aboŋor neni a ŋipyan a ŋulu ipukato topalag ka topapanito ai? Kaanukiro icamitotor iyes aruwor ŋipi kec nabo?

2 Tim. 2:19

Nai akisyakinet ŋina agogoŋon ŋina kebu Akuj todupaki, ewuoi nyiukonokin; kidiama keŋ igiritae ŋakiro nu, “Eyeni Ekapolon ŋulu erae ŋulu keŋ” ka “Ituŋanan daadaŋ ŋini ebala arae iŋes ŋini ke Ekapolon, itemokino toesik akitiya aronis.”