Naum 1:6 - Ebaibul

⁶ Ŋae epedori akidaŋidaŋ aŋoit keŋ? Ŋae epedori akidaŋidaŋ anyunyura ŋina ka adedeŋu keŋ? Ededeŋ anyunyura a Ekapolon ikwaan ka akim ŋina amwanan nooi, ebwaŋabwaŋaari iŋes ŋatabab ŋuna aburok.

Naum 1:6 Iomraidhean Croise

1 Ŋirw. 19:11

Tema nai Ekapolon neni ke Eliya, “Toloma kiŋa, towo alomoru alokiŋaren Ekapolon anerae eapi Ekapolon atubor a nen.” Apaki ŋin tokut ekuwuam ŋolo apolon, agogoŋ ekuse keŋ, acilicili ŋimukura ka atubutubui ŋamoru ekusi alokiŋaren Ekapolon, nai amam Ekapolon alokuwuam. Ekaku ke ekuwuam, toyakaun amaran ka akwap, nai amam Ekapolon anamaran ka akwap.

Yob 26:11

Emaranete ŋipirin ŋulu igaŋito kidiama akwap emaranete ikes iretuni Akuj.

Yob 40:11

Kisileereu aŋoit kon, kiŋolik ŋulu eturok daadaŋ, ido inak ikes kitiditeunos make alokiŋaren kon.

Yob 9:5

Eukonori Akuj ŋimoru emam ituŋanan elimokinitae atemar eukoryo, apaki ŋina eukorya ikes aŋuna ka anyunyura keŋ;

Ŋikiru. 130:3

Okoe Ekapolon, ani kirubak iyoŋ imari ŋasecisya kosi, ŋae eryamunio pa esecit?

Ŋikiru. 2:12

Toryediko, kijuuroto itopoloorito Akuj, ani pa kitiyata ŋun, eŋoi iŋes, ido imunyarosi iyes atipei; anerae etakanuni anyunyura keŋ atipei. Epol alakara a daadaŋ a ŋulu ikinyomito Akuj akiŋarakin ikes.

Ŋikiru. 76:7

Iyoŋ bon emaikina itokeri. Ŋae epedori akiwo alokiŋaren kon apaki ŋina iŋoitor iyoŋ?

Ŋikiru. 76:8

Ibu iyoŋ anakuj totub ŋakiro, abu tobul ŋituŋa daadaŋ, kililiŋa cek,

Ŋikiru. 90:11

Ŋae mono tokona eyeni apedor ŋina ka aŋoit kon? Anerae ededeŋ anyunyura kon ikwaan ka ekabule ŋolo ebuni aneni kon.

Isa. 10:16

Aŋun, ebuni Ekapolon ŋolo etiron, Ekapolon ŋolo a ŋajoresyo akiyakikin erogo neni a ŋikajiok keŋ a ŋulu atumak, anapolou keŋ, emwakunete ŋawat kec lopite ŋolo emwanunia ibore inokakinio akim.

Isa. 13:13

Aŋun, etamaranikini ayoŋ kidiama ka emaranikini akwap anakisyakinet keŋ aŋuna ka anyunyura a Ekapolon a ŋolo a ŋajoresyo itiyakin ŋun akoloŋit ŋina ka aŋoit keŋ a ŋina adedeŋan.

Isa. 27:4

mam anyunyura eyai neni kaŋ. Ani nai kelomu amoni ŋina a ŋikukwa alomanikor a ŋol, alosi ayoŋ nen akitijikin ikes, ecunya ikes daadaŋ a akim.

Isa. 33:14

Ebulit ŋikasecak alo Sion; ekamu amaran ŋulu nyenupito Akuj, ebasi ikes; “Ŋae alokidiŋ yok epedori akidaŋidaŋ akim ŋina amunyaran? Ŋae alokidiŋ yok epedori akidaŋidaŋ arira ŋina a ŋikaru ka ŋikaru?”

Isa. 66:15

Ebuni Ekapolon ecai ikwa a akim ka epote ŋagaari keŋ ŋuna iritae a ŋaŋolei ekerete ikwa ekuwuam ŋolo ipiripiri, ebuni iŋes anaŋoit keŋ enyunyura ka eyakaun akisicanet keŋ ikwaan ka arira.

Yer. 10:10

Nai erae Ekapolon Akuj ŋina a kire, erae iŋes Akuj ŋina eyari ka erwosit ŋolo a ŋikaru ka ŋikaru. Ani enyunyurikin iŋes, tomaranik akwap ka nyepedorete ŋituŋa a ŋakwapin akidaŋidaŋ aŋoit keŋ.

Yer. 21:12

Okoe ŋituŋa a ekal a Daudi; alimu Ekapolon ebe, ‘Kitiyata ŋuna iyookino a ŋinataparacu, toiutu ŋulu edemaritae ŋiboro kec, toiutu ikes anapedor a ŋulu isicanete ikes; ani pa kitiyata iyes ŋun, erirauni anyunyura kaŋ ikwa akim, ido ikinomiya, emam ituŋanan ŋini ituduŋe aŋoit kaŋ aŋuna a ŋiticisyo kus a ŋulu aronok.’ ”

Aum. 2:3

Anaŋoit keŋ a ŋina adedeŋan, alema Ekapolon ŋikagogoŋok daadaŋ anakwap a Isirael; awou akiŋarakin ikes epote ŋimoe. Amunya iŋes ŋituŋa a Yakob lopite ŋolo enyamuwarya akim ibore daadaŋ.

Aum. 2:4

Amunya Ekapolon ŋituŋa keŋ ŋulu sek ikinyomit, amunya Ekapolon ŋituŋa daadaŋ ŋulu sek ikiruunitor iwon alotuŋa a Sion; amunya Ekapolon ŋituŋa keŋ anaŋoit lopite ŋolo enyamuwarya akim ibore.

Aum. 4:11

Abu Ekapolon toŋo nooi, tonyunyur eryenyaana nooi; kinokak akim Sion ŋina abu tonyamuwa etaun tari neni isyakinitotor ŋaduketa.

Esek. 21:31

Abukuni ayoŋ neni kus anyunyura ka akakutakini ayoŋ iyes anyunyura ŋina amwanan pe. Ekepotokini ayoŋ iyes nakan a ŋiryenyaanotin a ŋulu eyenete nooi epite ŋolomunaaret.

Esek. 30:16

Ecunyari ayoŋ akwap a Ijipit; emini aryeba ŋina apolon nooi lotaun Pelusium; ebwaŋabwaŋakinio kwap ŋarwatatain a Sebes, eremete ŋimoe Mempis naparan.

Esek. 39:6

eyakuuni ayoŋ akim bu nakwap Magog ka neni a ŋituŋa a ŋulu iboiyete anakiboisyo a ŋuna emam awasya alodiyete anam; eyenunete ŋituŋa ŋul atemar arae ayoŋ Ekapolon.’

Esek. 7:8

Aapuu ayoŋ ayaun anyunyura kaŋ neni kus; iŋolikinete tokona iyes aŋoit kaŋ eyakaun neni kus. Akatubokini ayoŋ iyes lopite ŋolo itiyatotor iyes, ekesicani iyes aŋuna ka asiilyo kus a daadaŋ.

Naum 1:2

Erae Akuj Ekapolon ŋolo alilyan ka ŋolo enyaŋan. Inyaŋana Ekapolon ka epatana iŋes akiŋo. Isicani Ekapolon jik ŋulu eŋerito iŋes eŋoikini Ekapolon nooi ŋimoe keŋ.

Sepan. 2:2

tocununos eriŋa iyes nyiritara nariet ikwa ŋikabinin ŋulu ekutarit ekuwuam, eriŋa nyedoluno neni kus anyunyura ŋina aronon ŋina ke Ekapolon. eriŋa nyedoluno neni kus akoloŋit ŋina ka anyunyura ke Ekapolon.

Mal. 3:2

Nai ŋae epedori akidaŋidaŋ ŋakiro a Akoloŋit a ŋin a ŋina ka abunore keŋ? Ŋae epedori akiyar Akoloŋit ŋin ŋina etakanunia iŋes? Anerae ebuni iŋes ikoni akim ŋina ke ekitet, kori esabuni ŋolo ilotari ibore atipei.

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

Akis. 16:1

Abu nai eira etoil ŋolo apolon alo Kai ka Akuj irworo neni a ŋimalaikan a ŋulukanikaarei ebala, “Toloto, tobukosi nakwap anyunyura ŋina ka Akuj anabakulei a ŋunakanikaarei!”

Akis. 16:8

Abu emalaika ŋolo a ŋiomwon tobukok anyunyura ŋina ka Akuj anabakule keŋ nakoloŋ ka aponi tocamakinae akinom ŋituŋa ka amwanis keŋ a ŋina arirae.

Akis. 6:17

Anerae adolu Akoloŋit ŋina ka anyunyura kec, ŋae epedori akidaŋidaŋ?”