Naum 1:4 - Ebaibul

⁴ Iŋenyakini Ekapolon anam, ido kitoon, itooni iŋes ŋaŋololin daadaŋ. Eokiyorete ŋinya ka ŋikito alomoru Karimel ka alo Basan, einiyarete ŋatur a Lebanon.

Naum 1:4 Iomraidhean Croise

Akisy. 8:1

Nai abu nyimuryak Akuj Noa ka ŋibaren ta ibore daadaŋ ŋini ayari ŋini aya ka iŋes nataker. Kitukut Akuj ekuwuam anakwap, kitidipaiya ŋakipi.

2 Sam. 22:16

Ekaku a ŋun, apotu ŋakadipaalae ŋuna ka anam totakanut, tolemarae ibore ŋini arapit akisyakinet ka akwap. Arae apaki ŋin ŋina ikilyakinia iyoŋ ŋimoe kon, okoe Ekapolon, arae apaki ŋin ŋina eŋenyakinia Akuj ŋimoe keŋ eŋoit.

Yob 38:11

otema neni keŋ, ‘Iyakaun iyoŋ nege bon nyidoli iwace, nepei ne bon emaikina akimorokok a ŋakipi kon kisalakis.’

Ŋikiru. 104:7

Ani ieyakini iyoŋ ŋakipi, apotu totyakas; apotu totyakas iirarete etoil kon ŋolo agiro.

Ŋikiru. 106:9

Abu Akuj kiyayak anam ŋina Areŋan, ido abu toono deu; abu Akuj kisitor Ŋisirael neni ecukul neni eonit deu, alopite a nolopei abu kisitor ikes naloŋisat.

Ŋikiru. 114:3

Abu anam ŋina Areŋan totyaik ikes ka abu aŋolol Yorodan tojoŋo alel;

Ŋikiru. 114:5

Kaanukiro, abunio anam totyaikinia ikes? Kaanukiro abunio Yorodan, tojoŋo alel?

Ŋikiru. 18:16

Abu Ekapolon bu alokidiama kwap ekekamu ayoŋ, abu ekeriu ayoŋ anakipi aŋuna eleleba neni acukul.

Ŋikiru. 74:15

Ibu iyoŋ toŋaana ŋiitan tolelyata ŋakipi alolelyan ka anayona, ibu iyoŋ kitoon jik ŋaŋololin ŋuna sek aleleata ŋakipi jik.

Isa. 33:9

Igworo akwap ka aruwor akoŋinait; eruma ŋileec Lebanon ka ainiyasi ŋikito keŋ; ekwaanikin Saron ka aloŋisat; araraar ŋakwii alokito a ŋulu a Basan ka Karimel.

Isa. 42:15

Amunaari ayoŋ ŋimoru ka ŋikamukumukui, esikwaanikini ayoŋ ŋaŋololin ka ŋiculeta, etooni ayoŋ ŋataparin.

Isa. 44:27

Ayoŋ alimokini nenicukul anakipi ebe, ‘Toon keu, etooni ayoŋ ŋaŋololin ŋuna eleleete neni kon;’

Isa. 51:10

Meere mono iyoŋ ibu kitoon anam ka kitoon ŋakipi ŋuna aya nenicukul nooi. Meere iyoŋ ibu kituruwo nenicukul a anam erot, ikotere ŋituŋa ŋulu ilakunit iyoŋ epedorete akiwuapakin a?

Esek. 30:12

Etooniyori ayoŋ ŋakitelesyo a ŋakipi kon, epotok Ijipit neni a ŋulu epote akirem iŋes; ayauni ayoŋ ŋituŋa ŋulugelae yaut ekasile nakwap a Ijipit, kituruwosi ibore daadaŋ ŋini eyai Ijipit ikoŋinait. Ayoŋ Ekapolon alimu ŋun.

Esek. 38:20

Emaranikinete apaki ŋina ayakaunor ayoŋ nen: Ŋikolya, ŋikeny, ŋityaŋ ŋulu ka ariet, ŋiboorei daadaŋ ŋulu alyatok alokwap ka ŋituŋa daadaŋ ŋulu anakwap. Eukokinio kwap ŋikamukumukui, eritakinio ŋakopee ka eritakin ŋarwatatain daadaŋ kwap.

Amos 1:2

Tema Amos, “Ipopolae Ekapolon alo Sion, egiro etoil keŋ alo Yerusalem; aoko ŋinya aneni edakasi ŋibaren. aoko alomoru Karimel.”

Amos 5:8

Ekapolon Akuj iŋes asubuni ŋikacer ŋuluuni ka ŋulu enyaritae ŋiremotom, iŋes ilocokini akuwar toruwor apaaran ka akuwar toruwor apaaran, iŋes iteleleiyari ŋakipi ananam neni eonit,

Mat. 8:26

Toboŋok Yesu ikes tema, “Nyo ikibulitor iyes ikona? Abe edit anupit kus!” Tonyou nai Yesu, kikilyak ekuwuam ka ŋakipi, kililiŋ akwap cek.

Yos. 3:16

totubos ŋakipi, towua aiwapei aneni alwanan, alotaun a ŋolo anyaritae Adam, a ŋolo ebakasi ka Saretan. Tosodo ŋakipi ŋuna aleleete lowae ŋolo ka anam a ŋina enyaritae ŋina Atwan, totubos. Todokasi nai ŋituŋa ekekwaye aŋolol Yorodan alowae a ŋolo iteosi ka Yeriko.