Naum 1:2 - Ebaibul

² Erae Akuj Ekapolon ŋolo alilyan ka ŋolo enyaŋan. Inyaŋana Ekapolon ka epatana iŋes akiŋo. Isicani Ekapolon jik ŋulu eŋerito iŋes eŋoikini Ekapolon nooi ŋimoe keŋ.

Naum 1:2 Iomraidhean Croise

Yob 20:23

Iakuuni Akuj neni kec ŋiman ŋulu ka anyunyura keŋ, ido tobuku neni kec ŋakisicaneta ŋuna adedeŋak.

Ŋikiru. 94:1

Okoe Ekapolon, iyoŋ Akuj ŋina enyaŋan, iyoŋ Akuj ŋina enyaŋan; kisileereu aŋoit kon.

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Awos. 34:14

(anerae nyemaikina iyes kilipa neni ka akuj a ace, Ekapolon ŋolo erae ekiro keŋ ‘Alilyan’ iŋes erae Akuj ŋina elilyana).

Awos. 34:7

ayakar ayoŋ amina kaŋ ŋina nyiryaŋiryaŋa aŋuna a ŋanyameta a ŋalipyo, esyoniyenene aronis, akisyaanu ka asecit, nyemyeanakini ayoŋ akisican ŋulu edyakarito; esicaneene ayoŋ aŋuna ka asecit a ŋikauruunak ŋidwe kaapei ka ŋidwe kec ta ŋipapae kec tari nanyemet kec ŋina a ŋauni ka ŋina a ŋaomwon.”

Isa. 42:13

Elosi Ekapolon ajiore iŋarenit ikwa ekajion, isimukekini iŋes alelakinit keŋ ejie ikwa ekajion; eceluni iŋes, eceluni iŋes nooi, itoodiun iŋes erae ŋolo etiron eremokino ŋimoe keŋ.

Isa. 51:17

Okoe ŋituŋa a Yerusalem, tonyoutu, tonyoutu! Iyes ŋulu adau Ekapolon akisican anaŋoit keŋ, iyes ŋulu idaut alomar nooi locan ŋulu einakinete ituŋanan akiteritero.

Isa. 51:20

Eyalaar ŋidwe kus, eperete anakisaleta a ŋirotin a daadaŋ a ŋulu ke etaun ikamunitae ikes lopite ŋolo ikamunitor auno elob. Eŋoikinit Ekapolon ikes, eŋenyak Akuj kus ikes.

Isa. 66:15

Ebuni Ekapolon ecai ikwa a akim ka epote ŋagaari keŋ ŋuna iritae a ŋaŋolei ekerete ikwa ekuwuam ŋolo ipiripiri, ebuni iŋes anaŋoit keŋ enyunyura ka eyakaun akisicanet keŋ ikwaan ka arira.

Yer. 25:15

Abu Ekapolon Akuj a Ŋisirael okolimok ayoŋ tema, “Tolema anakan kaŋ ekopo lo ŋolo ileleba epiini ŋolo ka anyunyura kaŋ, inak ŋituŋa a ŋakwapin a daadaŋ a ŋuna ekeyakiyari ayoŋ iyoŋ neni kec tomata epiini ŋol.

Yer. 28:8

Apotu ŋikadwarak daadaŋ ŋulu aya ekiŋaren eriŋa iyoŋ ka ayoŋ alorwa a ŋulu a koloŋ todwara ŋuna ke ejie, eron ka edeke aŋuna a ŋakwapin ka aŋuna a ŋapukasinei a ŋuna agogoŋok.

Yer. 3:5

akaŋoikini mono iŋes ayoŋ ŋikaru ka ŋikaru ka erubakini mono iŋes eŋoit jik tari nasalunet a?’ Erae ŋol epite ŋolo irworotor iyes, nai idaut iyes akitiya aronis daadaŋ ŋina ipedorito akitiya.”

Yer. 36:7

Acepaki edoli adyekitoi kec neni ke Ekapolon ka imyekinete ikes akiwuapit ŋuna aronok, anerae epol nooi aŋoit ke Ekapolon ka anyunyura keŋ ŋina alimu iŋes eremokino ŋul.”

Yer. 4:4

Okoe ŋituŋa a Yudaya ka ŋulu iboiyete alo Yerusalem, kiricakisi acamunet kus ka ayoŋ Ekapolon kus, kitaleutu ŋawat kus aŋuna kaŋ. Ani pa kitiyata iyes ŋun, ebuni anyunyura kaŋ neni kus erirae ikwa akim, enomiyari ibore daadaŋ ka emam ituŋanan ituduŋe iŋes, itiyakinosi ŋun aŋuna ka aronis a ŋina itiyaete iyes.”

Yer. 50:15

Tocelutu neni keŋ alowaetin a daadaŋ ibasi, ‘Nyeriŋa iŋes ecamit ejie, aritakin ŋaduketa a Babilon ŋuna aoyak kwap, aritakin ŋarwatatain keŋ kwap, erae ŋun akinyaŋar ŋina ke Ekapolon. Kitiyata neni keŋ lopite ŋolo etiyator iŋes.

Aum. 4:11

Abu Ekapolon toŋo nooi, tonyunyur eryenyaana nooi; kinokak akim Sion ŋina abu tonyamuwa etaun tari neni isyakinitotor ŋaduketa.

Esek. 36:6

Aŋun, todwar ŋakiro ŋuna ka akwap a Isirael, tolimok ŋituŋa ŋulu eyakasi lomoru, lokamukumukui ka nayona ŋuna eya ŋakipi ta ŋulu eyakasi nakadipaalae atemar alimu Ekapolon Akuj ŋakiro nu ebe, ‘Erworo ayoŋ ananyunyura kaŋ a ŋina alilitor aŋuna iryamuniata iyes ŋican ŋulu ikiyanyata ŋituŋa a ŋakwapin.’

Esek. 38:18

Akoloŋit ŋin ŋina ebunio Gog akirem akwap a Isirael, emini anyunyura neni kaŋ nooi.

Esek. 38:19

Analilit ka anaŋoit a ŋina anyunyurar ayoŋ, alimu ayoŋ atemar akoloŋit ŋina ebunio Gog akirem akwap a Isirael, eyakaun amaran ŋina apolon nooi neni a Ŋisirael.

Esek. 39:25

“Aŋun, alimu Ekapolon Akuj atemar, enyakuni tokona ayoŋ ŋapiya a Yakob anakwapin a ŋuna aponi torikoroe, esyoni ayoŋ Ŋisirael daadaŋ ka euryari ayoŋ ekiro kaŋ ŋolo asegan nyituruwor ekoŋinait.

Esek. 5:13

“Apaki nai ŋin edaunor aŋoikinit kaŋ ikes ka iŋes editeunia anyunyura kaŋ aneni kec, iŋes ayenunia ayoŋ atemar etiyakin ŋuna acamit ayoŋ akitiyakin. Ekaku ketoodik ayoŋ ikes alilit kaŋ, eyenunete ikes atemar ayoŋ Ekapolon abu erworor ŋakiro ŋun alelakinit.

Esek. 6:12

Eari edeke ikes ŋulu iboiyete aneni alwanan ka emunyaryo a ekileŋ ikes ŋulu iboiyete anepei a ne, ido ŋulu idoŋete ŋulu imyekinio nyear ekileŋ, kori edeke, eari akoro. Epite ŋol iŋes iŋolikiniata ikes anyunyura kaŋ aŋuna kec.

Esek. 8:18

Aŋun, anyunyurikin ayoŋ ikes, nyacamuni ayoŋ akiŋolikin ikes, mam tari nyesyoni ayoŋ ikes; tari kigworo ikes neni kaŋ opupi ayoŋ ikes iworoete nooi, nyapupokini ayoŋ ŋakiro kec.”

Yoel 2:18

Abu nai Ekapolon kitoodiu amina keŋ neni a ŋituŋa keŋ, ido abu kisyoni ŋituŋa keŋ.

Ŋilep. 26:28

arubakini akoŋoikinit iyes nooi alotooma anyunyura kaŋ, ayoŋ alope ekesicani iyes, ekesicani iyes nooi ŋakisicanet ŋace ŋakanikaarei aŋuna a ŋasecisya kus.

Mika 5:15

Anaŋoit kaŋ a ŋina apolon nooi, esicani ayoŋ ŋakwapin daadaŋ ŋuna awout akiwuap ayoŋ.”

Mika 7:18

Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Sakar 1:14

Tema nai emalaika ŋolo ikirworo ka ayoŋ neni kaŋ, “Kisera ŋakiro nu, ‘Amina ayoŋ nooi Yerusalem ka Sion,

Sakar 8:2

“Acamit ayoŋ ŋinapei akiŋarakin Yerusalem aŋuna epoloo nooi amina kaŋ aŋuna a ŋituŋa keŋ, amina ŋina akainaki ayoŋ aŋoikin ŋimoe keŋ.

Ekim. 25:11

“Alema Pineas lokoku ka Eleasar a ŋolo erae lokoku ka Aron a esacaradoti aŋoit kaŋ neni a Ŋisirael, aŋuna ainakina keŋ neni kaŋ alokiŋaren Ŋisirael, aŋun abu ayoŋ analilit kaŋ nyamunya Ŋisirael.

Ŋirom. 12:19

Ŋikaakonei, nyinyaŋanarete jik, nai kimyekisi anyunyura ŋina ka Akuj kitiya ŋun. Anerae ebasi Ŋakigireta ebe, “Ebala Ekapolon, ‘Erae akinyaŋanar ŋina kaŋ; ayoŋ elope enyaŋari.’ ”

Ŋirom. 13:4

Anerae erae iŋes eketiyan ŋolo ka Akuj, ŋolo itiyae etic keŋ aŋuna ka akiŋarakin iyoŋ. Nai ani kitiya iyoŋ ŋuna aronok, itemokino tokuryaniar aneni keŋ, anerae eyakar iŋes apedor ŋinakisicanet iyoŋ. Erae iŋes eketiyan ŋolo ka Akuj ŋolo eyauni akisicanet ŋina ka anyunyura a ŋina ka Akuj neni a ŋulu itiyaete ŋuna aronok.

Ŋikis. 4:24

anerae ikwaan Ekapolon Akuj kus ka akim ŋina ikimunyari, erae Akuj ŋina elilyana.

Ŋikis. 7:10

ka erae iŋes. Akuj ŋina inyaŋari ŋuna a ŋulu eŋerete iŋes anakisican ikes. Nyedidi iŋes akinyaŋar ŋakiro a ŋulu eŋerete iŋes.

Ŋibur. 10:30

Anerae ikiyeni iwon atemar abu Akuj tema, “Erae akinyaŋanar ŋina kaŋ; ayoŋ elope enyaŋari” ka nabo abala, “Etubokini Ekapolon ŋituŋa keŋ.”

Yos. 24:19

Nai abu Yosua tolimok ŋituŋa tema, “Nyipedorete iyes akitiyanakin Ekapolon. Erae iŋes Akuj ŋina Asegan; erae iŋes Akuj ŋina alilyan. Nyisyoni iŋes ŋasecisya aŋuna ka aŋerit kus iŋes.

2 Pet. 2:9

Etakani nai atemar eyeni Ekapolon epite ŋolo iunet ŋulu eyarete, epite ŋolo ecamit Akuj anakikatanakineta kec ka eyeni epite ŋolo esikinet ŋikasecak akitodol Akoloŋit ŋina ka atubokino; kisicanae.