Naum 1:14 - Ebaibul

¹⁴ Alimu Ekapolon nu aŋuna kus a ŋituŋa keŋ ebe, “Imamukaunotor iyes ŋiletok ŋulu itorubakinete ŋirorwa kus. Amunaari ayoŋ ŋitorubei a ŋakujo kus ŋulu eyakasi nakais a ŋakujo kus. Asubakini ayoŋ neni ikinukio iyes, anerae mam ajokis eyai neni kus.

Naum 1:14 Iomraidhean Croise

2 Ŋirw. 19:37

Akoloŋit apei eriŋa iŋes ilipi alokai a ŋina ka Akuj keŋ a ŋina anyaritae Nisirok apotu ŋidwe keŋ ŋulusapa Adiramalek ka Sareser kitelo iŋes a ekileŋ toara, ido tosiwa ikes nakwap ŋina anyaritae Ararat. Abu lokoku keŋ ŋolo anyaritae Esaradon kilunyokin lokicoloŋ keŋ kipuka Asiriya.

2 Ŋakiro a ŋirwa 32:21

Abu nai Ekapolon kiyakiya emalaika ŋolo abu toar ŋasigarya ŋuna ajiok daadaŋ ka ekapolon kec ta ekarikon kec aneni eboiyoto ŋasigarya ka Asiriya. Apotu ŋun kitoboŋosi Senakerib nakwap keŋ pa elakara. Ani elomari Senakerib kai ka akuj keŋ, apotu ŋidwe keŋ ŋice ŋulusapa toara iŋes a nen a ekileŋ.

Yob 18:17

Nyeriŋa nabo etamunitae ikes anakwap, nyeriŋa elimitoe ŋirorwa kec alorotin a etaun.

Ŋikiru. 109:13

Emaikina ŋiletok keŋ todaunos jik kikisarae ekiro keŋ ananyamet a ŋina ebunit.

Ŋikiru. 71:3

Toruwor aneni kaŋ ataaba ŋina aiunor ayoŋ, toruwor aduketait ŋina ajio ŋina agogoŋon ŋina akaiuni ayoŋ, anerae irae iyoŋ ataaba kaŋ ŋina kiupala ka aduketait ŋina ajio ayoŋ.

Awos. 12:12

anerae akoloŋit ŋin nakwaare, etori ayoŋ nakwap a Ijipit daadaŋ, oar ŋikiyae daadaŋ alo Ijipit, ŋulu a ŋituŋa ka ŋulu a ŋibaren. Esicani ayoŋ ŋakujo a Ijipit daadaŋ. Arae ayoŋ Ekapolon.

Ŋakit. 10:7

Atamunit ŋituŋa ŋulu iyookino, erae arereŋu, nai epuripuryaar ŋirorwa a ŋulu aronok.

Isa. 19:1

Ŋakiro ŋuna adwarit Ekapolon aŋuna a Ijipit ikes nu: “Kiirasi, ebunit Ekapolon eyai kidiama edou ŋolo apiranan, ebunit iŋes Ijipit; emaranikinete ŋakujo a Ijipit alokiŋaren keŋ ka iyalaar ŋitai a ŋituŋa a Ijipit.

Isa. 33:13

Iyes ŋulu iboiyete aneni alwanan, kiirasi ŋakiro ŋuna adau ayoŋ akitiya ka iyes ŋulu iyapiyete toyenutu agogoŋ kaŋ.

Yer. 50:2

“Tolimosi anakwapin a daadaŋ ka kiserata, kikyaasi abendera ka kiserata, nyimunono ŋakiro nu, temasi iyes, ‘Ekamar Babilon, esirumi Bel ŋileec, akadaki Merodak. Esirumi ŋitorubei a ŋakujo kec ŋileec, akadaki ŋakujo kec.’

Dan. 11:21

Ilunyokin lorot keŋ ekile ŋolo ejamuwaritae ŋolo nyeinakinitae apedor ŋinakipukaet, ikamari iŋes apukan pa eyenio, ido toruwor ekepukan anakitojoka.

Dan. 5:27

TEKEL iŋes atemar, adaun akipim iyoŋ anakipimeta ka ikiryamun atemar nyipedorit akipuka.

Ŋilep. 26:30

Amunaari ayoŋ neni ilipyata iyes alokidiama ŋimukur, amunaari ŋamuroeta ŋuna icunyata iyes ekinyate, atukokini ayoŋ ŋawat kus kidiama ŋitorubei a ŋakujo kus. Akaŋeri ayoŋ iyes.

Mika 5:13

Amunaari ayoŋ ŋakujo kus ka ŋipirin ŋulu a ŋitalyo kus; nyirubakinete nabo iyes ilipete neni a ŋiboorei a ŋulu itiyaunito iyes.

Mika 5:14

Alemari ayoŋ anakwap kus ŋitorubei a akuj a ŋina enyaritae Asera, amunaari ayoŋ ŋitaunio kus.

Abak. 2:10

Adaut ŋiticisyo kus ayaun ŋileec lokalya kus aŋuna tokona imunyaryata iyes ŋakwapin ŋuna alalak; idaut iyes ayaun ŋican nawat kus.

1 Sam. 3:13

Adau ayoŋ alimokin iŋes atemar esicani ayoŋ ekal keŋ ŋikaru ka ŋikaru aŋuna ka asecit a ŋina ayeni tari iŋes; apotu ŋidwe keŋ ŋulusapa yaut ŋilam nawat kec anakiyany Akuj, ido abu iŋes nyiretak ikes akitiya ŋun.