Naum 1:12 - Ebaibul

¹² Tema Ekapolon neni a ŋituŋa keŋ, “Tari kegogoŋ ŋituŋa ka Asiriya ka kelalak daŋ, emunyaryo ikes jik todaunos. Tari kekesicanit ayoŋ iyes ŋituŋa kaŋ, nyekesicani nabo.

Naum 1:12 Iomraidhean Croise

2 Ŋirw. 19:35

Akoloŋit ŋin nakwaare, abu emalaika ŋolo ke Ekapolon tolot neni eboiyoto ŋasigarya ka Asiriya, toar ŋasigarya ŋalipyo amiat ka ŋatomonikanikauni ka ŋikan. Ani taparacu iwalari akwap, torukaut ŋituŋa ŋalyelin make.

2 Ŋirw. 19:37

Akoloŋit apei eriŋa iŋes ilipi alokai a ŋina ka Akuj keŋ a ŋina anyaritae Nisirok apotu ŋidwe keŋ ŋulusapa Adiramalek ka Sareser kitelo iŋes a ekileŋ toara, ido tosiwa ikes nakwap ŋina anyaritae Ararat. Abu lokoku keŋ ŋolo anyaritae Esaradon kilunyokin lokicoloŋ keŋ kipuka Asiriya.

Awos. 12:12

anerae akoloŋit ŋin nakwaare, etori ayoŋ nakwap a Ijipit daadaŋ, oar ŋikiyae daadaŋ alo Ijipit, ŋulu a ŋituŋa ka ŋulu a ŋibaren. Esicani ayoŋ ŋakujo a Ijipit daadaŋ. Arae ayoŋ Ekapolon.

Isa. 10:16

Aŋun, ebuni Ekapolon ŋolo etiron, Ekapolon ŋolo a ŋajoresyo akiyakikin erogo neni a ŋikajiok keŋ a ŋulu atumak, anapolou keŋ, emwakunete ŋawat kec lopite ŋolo emwanunia ibore inokakinio akim.

Isa. 17:14

Ani edoli eboŋ bu ekabule atipei, nai ani iwalari akwap, toŋopiyasi ikes. Erae ŋun ŋakiro ŋuna itiyakinosi neni a ŋulu enyasut akwap kosi ka erae ŋuna eryamunete ŋulu aŋatasi ŋiboro kosi.

Isa. 30:19

Kire jik, okoe ŋituŋa a Sion, ŋituŋa ŋulu iboiyete alo Yerusalem, nyigworete iyes nabo jik. Itiyae iŋes ajokis neni kus apaki ŋina iirarya akigworo kus, ani iirari iŋes akigworo kus, ikiboŋokini iŋes iyes.

Isa. 31:8

Emunyaryo ŋituŋa ka Asiriya alojie nai meere ŋituŋa itiyakinete ŋun; earyo ikes a ekileŋ, nai meere a ŋolo a ituŋanan, emunyari ekileŋ ikes, eemete ikes alokileŋ ka itiŋakinio ŋisorok kec akitiya ŋiticisyo.

Isa. 37:36

Akoloŋit ŋin nakwaare abu emalaika ke Ekapolon tolot neni aya ŋasigarya ka Asiriya toar ŋasigarya ŋalipyo amiat ka ŋatomonikanikauni ka ŋikan, ani taparacu iwalari akwap, toryamunae ikes daadaŋ erae ŋalyalin bon ayakasi nen.

Isa. 51:22

Alimu Ekapolon kus ŋolo etiron, Akuj kus ŋina eji aŋuna ka aiun ŋituŋa keŋ ebe, “Kiirasi, alema ayoŋ aneni kus ŋican ŋulu ikisiteriterete iyes, nyekesicani nabo ayoŋ iyes ananyunyura kaŋ.

Isa. 7:20

“Akoloŋit ŋin, ipaŋgauni Ekapolon erwosit ŋolo ka Asiriya alokekwaye aŋolol Eupurate tobany ŋakyes kus, ŋitim ŋulu a ŋakejen kus ka ŋipeneka kus.

Isa. 8:8

Egiraarete ikes akwap a Yudaya daadaŋ lopite ŋolo egiraarya akalele akwap toburusiya ibore daadaŋ.” Ikirukit isua ka Akuj, imukito ŋabebenuk keŋ akwap kosi.

Dan. 11:10

“Ekaku, ecunakinete ŋidwe a erwosit a ŋolo alo Kuju ŋulusapa ŋasigarya ŋuna alalak nooi toloto esibit akalele ka mam ibore iretakini ikes, ejiyorosi ikes jik tari naduketait ŋinajiet.

Yoel 2:19

Abu Ekapolon toboŋok ŋituŋa keŋ tema, “Ekeyakikini ayoŋ iyes ŋikinyom, epiini ka akimyet, ido imwokete iyes; nyeketuruwori nabo ayoŋ iyes ŋulu ikijamuwarito ŋakwapin.

Naum 1:15

Kiirasi iyes ŋituŋa a Yudaya, adolu alokidiama ŋimoru ekiyakia ŋolo eyaunit ŋakiro ŋuna ajokak, iserae iŋes ŋuna ke ekisil. Iyes ŋituŋa a Yudaya, kinumunuma ŋasuban kus, kisiyookisi ŋakikoŋieta kus, anerae nyikiremete nabo iyes ŋimoe kus, adaun amunyar ikes jik.”

Akis. 7:16

Emam nabo jik nyenyami ikes akoro kori akure; nyenomi ikes akoloŋ kori acemwanis.