Naum 1:10 - Ebaibul

¹⁰ Iyes ŋikamerak, ikicunyaryo iyes lopite ŋolo icunyarere ŋikukwa ŋulu eenikina, kori ŋinya ŋulu aonok.

Naum 1:10 Iomraidhean Croise

2 Sam. 13:28

Kicik Abusalom ŋiketiyak keŋ tema, “Kiirasi! Ani emerakin Aminon nooi kedau akimat epiini, apaki ŋina akalimokinia ayoŋ iyes ebe, ‘Toara Aminon,’ emaikina iyes toara iŋes. Nyikuryaketa, meere mono ayoŋ abala iyes toara a?”

Ŋikiru. 118:12

Apotu kielun neni kaŋ ikwa ao, nai apotu todipakin atipei ikwa arira abu ayoŋ alokiro ke Ekapolon omunya ikes.

Ŋikiru. 68:2

Kirita ikes nariet lopite ŋolo ekutarya ekuwuam apuru nariet; kimyek ŋulu aronok todaunos alokiŋaren kon Akuj lopite ŋolo etalarya amanok anakim todaun.

Awos. 15:7

Ibu iyoŋ anapolou kon a ŋina ailiilon tobwaŋ ŋimoe kon; ibu iyoŋ anaŋoit kon tomurukudaa ikes ikwa ŋakasirim ŋuna etukitoe.

Awos. 5:12

Aŋun, apotu ŋituŋa kielakin Ijipit daadaŋ aŋerun ŋanya.

Isa. 27:4

mam anyunyura eyai neni kaŋ. Ani nai kelomu amoni ŋina a ŋikukwa alomanikor a ŋol, alosi ayoŋ nen akitijikin ikes, ecunya ikes daadaŋ a akim.

Isa. 47:14

“Topupokisi, ikwaan ikes ka ŋanya ŋuna eokito, enomiyari akim ikes; nyepedorete ikes alakun make anagogoŋu a ŋina ka arira. Meere ŋatotol a akim a ŋin ŋuna iwuaŋaror ituŋanan idio, meere akim ŋin ŋina epedori ituŋanan akiboikin diyete.”

Isa. 5:24

Aŋun, lopite ŋolo imyelarya arira eoot, lopite ŋolo iyuuwarya akim ŋinya tonomiya, ido tookiyosi ŋataagor kec ka tokuta ekuwuam ŋatur kec ikwa apuwa, anerae aŋero ikes ŋakiro a Ekapolon a ŋolo a ŋajoresyo ka ajamuwasi ŋakiro ŋuna ka Akuj a ŋina Asegan a ŋina a Isirael.

Isa. 56:12

Ebasi ikes, ‘Potu, potu olemutu epiini, omata ŋagwe ŋuna adwarak emwoko; ejokyar akwap moi taparacu daŋ ikwanapei ikona, ejokyar nabo akilo.’ ”

Isa. 9:18

arirae aronis a ŋituŋa a ŋul ekwaan ka akim ŋina enomi amoni a ŋikukwa. Arirae aronis kec esibit akim ŋina enomi amoni ŋina irijija, akim ŋina eremi kidiama kikok apuru keŋ edou.

Yer. 51:39

Ani imuete ikes ŋagwe, ainakini ayoŋ ikes ŋagwe etemerak ikes, tari ŋina elakarator, tosodi tojotooros ŋajo ŋuna a jik, nyekyenyut nabo.

Yer. 51:57

Etemerakini ayoŋ ŋikapolok a Babilon ka ŋikasikou keŋ, kaapei ka ŋikepukak keŋ ka ŋulu iwuapito ŋul anapukan ta ŋikajiok keŋ; ejotoorosi ikes ŋajo ŋuna nyekyenyuniata nabo jik ŋikaru ka ŋikaru.” Erwosit, ŋolo erae ekiro keŋ Ekapolon ŋolo a ŋajoresyo, iŋes alimu ŋakiro ŋun.

Mika 7:4

Ekwaanikin ŋulu ajokak aneni kec ka amoni ŋina erae ŋikukwa bon, arokyeta nooi ŋulu iyookino akilo neni eitana alokukwae. Adolu akoloŋit ŋina isicania Akuj ŋituŋa ŋul, lopite ŋolo alimokinitotor ŋikadwarak kec ikes. Adolu tokona neni kec akigurokin.

Naum 3:11

Ninepe, emerakin ŋituŋa kon daadaŋ, eemete ikes akiŋop iwarito aiuno alomoe kec.

Mal. 4:1

Ebala Ekapolon ŋolo Etiron ebe, “Kiirasi ebunit akoloŋit ŋina eriraa akim ikoni ŋina ke ekitet, akoloŋit ŋin icunyaryo daadaŋ ŋulu eturok ka ŋulu itiyaete aronis, mam ikes ipei daŋ ŋini idoŋi.

1 Sam. 25:36

Ani ebuni Abigail neni a Nabal, toryamu iŋes eyai kai eyakar ŋasuban ŋuna ekwaan ka ŋuna itemonokini erwosit. Alakara Nabal apaki ŋin, anerae amera iŋes nooi; aŋun, abu Abigail nyelimok iŋes ŋakiro ŋadi daŋ, akitodol taparacu iwalari.