Mika 7:9 - Ebaibul

⁹ Aŋuna aseca ayoŋ aneni ke Ekapolon, edaŋidaŋi ayoŋ anyunyura ke Ekapolon, akitodol ŋina akacamakinia iŋes ayoŋ, ido totub ŋakiro kaŋ. Akalemuni iŋes ayoŋ anakiryonut tooma nakica; eŋolikini ayoŋ iŋes akaiuni.

Mika 7:9 Iomraidhean Croise

2 Sam. 24:17

Ani iŋolikini Daudi emalaika ŋolo aari ŋituŋa, tema neni a emalaika, “Ayoŋ bon asecit ka ayoŋ bon adau akitiya aronis ŋina apolon nooi; nai ŋituŋa lu ŋulu ikote ŋamesekin, nyo itiyato ikes? Ekemaimai ayoŋ iyoŋ, kisicanae ayoŋ ka ŋituŋa a ekal a papa kaŋ.”

Yob 23:10

Nai eyeni iŋes neni alosi ayoŋ, ani kekekatak iŋes ayoŋ, eryamuni iŋes atemar aliuna ayoŋ ikwa egolid ŋolo eliitae;

Yob 35:14

Etya nai ai Yob epite ŋolo nyiirarya Akuj ŋakiro kon erae kirworo iyoŋ ebe, ‘Nyete ayoŋ Akuj, eyakasi ŋakiro kaŋ kiŋaren keŋ ka edarit ayoŋ iŋes eketuruwo ayoŋ ŋolo eyookino.’

Ŋikiru. 119:154

Toiunae ayoŋ ka tolakunae ayoŋ; inakinae ayoŋ akiyar alotooma akiikinet kon.

Ŋikiru. 37:6

Isileereuni iŋes akiyookino kus, kileereu ikwa akica, isileereuni iŋes akiyookino ŋina itubioto ŋakiro kileereu ikwa akica ŋina akidiŋ apaaran.

Ŋikiru. 43:1

Okoe Akuj, kituruworoe ayoŋ ŋolo eyookino, toiunae ayoŋ alotuŋa a ŋulu nyikinupito iyoŋ; toiunae ayoŋ alotuŋa a ŋulu alyokonok ka ŋulu aronok.

Ŋikiru. 7:6

Okoe Ekapolon, kitoodiu kare ca aŋoit kon; kitoodiu aŋoit kon aŋuna ka aryenyeo a ŋimoe kaŋ. Okoe Akuj kaŋ, bua kiŋarakinae ayoŋ, totub ŋakiro anakiyookino lopite ŋolo icamitor iyoŋ.

Ŋikiru. 94:15

Eyakaun nabo akitub ŋakiro anakiyookino aŋuna a ŋulu iyookino, ido iwuapete daadaŋ ŋulu iyookino alotai kec akiyookino ŋin.

Isa. 42:16

Ariki ayoŋ ŋimudukanotin, etoryo ikes lorot ŋolo nyeyenete, omekinia ŋirotin ŋulu sek nyemekinito, eteni ayoŋ ikes. Elocokini ayoŋ akiryonut alokiŋaren kec toruwor akica, elelyaari ayoŋ ŋakiboisyo ŋuna sek esagam. Ŋakiro ŋun ikes etiyakini ayoŋ, ido nyemyekini ayoŋ akitiya ŋun.

Isa. 42:7

ikotere itekyenyunete ŋakonyen a ŋulu emudukaka, ikotere ilakunete ŋienan ŋulu iboiyete anakiryonut.

Isa. 46:13

Etaapu ayoŋ alakuno neni kus, nyeriŋa elwana, ido nyedidi aiun kaŋ iyes; ewuakini ayoŋ aiuno Sion aŋuna a Ŋisirael a ŋituŋa kaŋ.”

Isa. 51:22

Alimu Ekapolon kus ŋolo etiron, Akuj kus ŋina eji aŋuna ka aiun ŋituŋa keŋ ebe, “Kiirasi, alema ayoŋ aneni kus ŋican ŋulu ikisiteriterete iyes, nyekesicani nabo ayoŋ iyes ananyunyura kaŋ.

Isa. 56:1

Alimu Ekapolon ŋakiro nu, “Torubakisi irae ŋulu iyookino ka kitiyaete ŋuna iyookino, anerae aapuu ayoŋ aiun iyes, ido itoodiunio alotooma apaki ŋina eapi ŋuna ka alakun ayoŋ iyes.

Yer. 10:19

Kikalout ŋituŋa a Yerusalem temasi, “Ikiwani isua nooi, nyeŋaleunete ŋajemei kosi. Atamyo sek isua atemar kori epedoryo akidaŋidaŋ.”

Yer. 14:7

Tari kitoodiunito ŋiticisyo kosi ŋulu aronok ŋuna ikisicanitere isua, kisyoni isua okoe Ekapolon, aŋuna a ekiro kon, anerae ikipotu isua oŋero akiwuap ŋuna alalak ŋuna ikilimokinitae, ido ikisec isua aneni kon.

Yer. 51:10

Adau Ekapolon akisyon iwon; potu olimosi alo Sion ŋiticisyo ŋulu etiya Ekapolon Akuj yok.

Aum. 1:18

Ebasi ŋituŋa a Yerusalem, “Erae Ekapolon ŋolo iyookino, nai isua aŋeri ŋakiro keŋ. Topupokisi mono iyes ŋituŋa daadaŋ; kiŋolikisi ŋican ŋulu ikiryamunit isua. Arikor nakwapin ŋisorok ka ŋasorok kosi.

Ŋilep. 26:41

ido abu ayoŋ daŋ oŋer ikes eela nakwapin a ŋimoe kec; ani nai kitiditeuna ikes tokona alotai kec; kekiito ŋasecisya kec,

Mal. 3:18

Iŋolikinete nai iyes nabo atyaketait ŋina eyai kidiŋ ŋulu iyookino ka ŋulu nyiyookino, kidiŋ ŋulu itiyanakinete Akuj ka ŋulu nyitiyanakinete.”

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

2 Tim. 4:8

Ekedaritere ayoŋ ebokot ŋolo ka akiyookino ŋolo erae ainakinet ŋina ka akiloun, ŋolo akainakini ayoŋ Ekapolon ŋolo erae ekatubon ŋolo iyookino Akoloŋit ŋina ka atubokino--meere neni kaŋ bon, nai neni a daadaŋ a ŋulu iitanito atakanun keŋ.

Akis. 18:20

Nakuj, tolakari! Ŋituŋa ŋulu ka Akuj ka ŋikiyakia ta ŋikadwarak, tolakaros! Anerae adau Akuj atubokin iŋes aŋuna abu iŋes kitiya neni kus!

1 Sam. 24:15

Ekapolon etyakuni ŋun, ido totubu ŋini esecit alokidiŋ yok. Ekapolon iŋes eanyuni ŋun, towo aŋuna kaŋ, okoiu ayoŋ nyikiar iyoŋ ayoŋ.”

1 Sam. 25:39

Ani iirari Daudi atemar atwana Nabal, tema, “Toyai arereŋu neni a Ekapolon a ŋolo atub ŋakiro ŋuna ekeyenya ayoŋ Nabal, ido ekeretak Ekapolon ayoŋ eketiyan keŋ nyetiya ŋuna aronok. Enyakak Ekapolon aronis ŋina etiyat Nabal nenipei a Nabal ke elope.” Kiyakiya nai Daudi ŋituŋa neni ka Abigail alimokin iŋes atemar ecamit Daudi iŋes toruwor aberu keŋ.

1 Sam. 26:10

Tema Daudi, “Ekoŋi ayoŋ alokiro a Ekapolon a ŋolo eyari atemar, eari Ekapolon iŋes, kori edoli akoloŋit ŋina etwania iŋes; kori elosi iŋes apeikoloŋit lojie toarae a nen.

1 Sam. 3:18

Aŋun, abu Samuel tolimok Eli ŋakiro daadaŋ, mam ŋuna abu iŋes kimunon Eli. Tema nai Eli, “Erae iŋes Ekapolon, kimyek iŋes kitiya ŋuna ejokak aneni keŋ.”