Mika 7:3 - Ebaibul

³ Ayenikis ŋakan kec nooi akitiya aronis; iŋitasi ŋikapolok ka ŋikatubok ŋakiro ŋakaluŋuluŋui, ereanakinete ŋulu eyakatar apedor ŋuluce akitiya ŋuna ecamito ikes; aŋun, aoliyosi ikes daadaŋ anakiyookino.

Mika 7:3 Iomraidhean Croise

Ŋakit. 16:30

Ituŋanan ŋini edii ŋakonyen eye akitiya ŋuna aronok, ituŋanan ŋini emokiyanari ŋipon a akituk keŋ ecamit aronis kitiyakin.

Ŋakit. 17:23

Ecamununui ituŋanan ŋini aronon akaluŋuluŋut anakimunono, ikotere edaun epite ŋolo itiyaere ŋakiro iyookino.

Isa. 1:23

Aruworosi ŋikapolok kon ŋikaŋerok, ido aruwor ŋirukitos a ŋikokolak. Emina ŋinituŋanan akaluŋuluŋut ka iwarito aryamun ŋainakineta. Nyeikinito ikes ŋikokyok ka nyetamunito ikes akitub ŋakiro a ŋapuseru aloikiikoe.

Isa. 26:21

Ebuni Ekapolon anakibois keŋ, akisican aŋuna a ŋasecisya kec ŋituŋa ŋulu iboiyete anakwap. Isileereuni akwap ŋituŋa daadaŋ ŋulu aponi toarae; nyiwuai nabo akwap ŋituŋa ŋulu aponi toarae.

Isa. 3:5

Iteryamun ŋituŋa make ŋican, imanakin ŋituŋa make, imanakin ŋikidunyet make, eremokin ŋisorok ŋikasikou ka nyitopoloorete ŋituŋa ŋulucaryo ŋikapolok kec.

Isa. 32:7

Ŋakiro ŋuna itiyaete ŋasyanisya, erae ŋuna aronok; eyeete akitiya ŋakiro ŋuna aronok ka irworosi alyokonu amunyarya ŋikulyak, tari kiyookino ŋakiro ŋuna edyakanarotor ŋituŋa ŋulu eyakatar akiitanit.

Isa. 5:23

iyes ŋulu imyekinete ekasecan aŋuna a akaluŋuluŋut ka nyitubokis eriyan ŋini iyookino ŋakiro keŋ.

Yer. 3:5

akaŋoikini mono iŋes ayoŋ ŋikaru ka ŋikaru ka erubakini mono iŋes eŋoit jik tari nasalunet a?’ Erae ŋol epite ŋolo irworotor iyes, nai idaut iyes akitiya aronis daadaŋ ŋina ipedorito akitiya.”

Yer. 4:22

Irworo Ekapolon ebala, “Ebaŋaaka ŋituŋa kaŋ, nyakayenete ayoŋ, erae ikes ŋidwe ŋulu ebaŋaaka, emam ŋakiro eyenete. Eyenete ikes akitiya aronis, nai nyeyenete akitiya ajokis.”

Yer. 8:10

Aŋun, ainakini ayoŋ ŋaberu kec neni a ŋituŋa a ŋice ka ainakini ŋimanikorin kec neni a ŋulu ilounete ikes alojie, anerae itiyaete ŋituŋa daadaŋ ŋuna nyiyookino, ŋulu apolok ka ŋulucaryo, ameun alokadwarak tari losacaradotin itiyaete daadaŋ ŋuna ka alyokonu.

Esek. 22:12

Eyakasi tooma kon ŋikilyok ŋulu ecamununuyete ŋakaluŋuluŋui aŋuna ka aarya ŋuluce; ijaanarete ikes ŋisiliŋa, ido kiyatakis ŋice neni a ŋulu idenikinitoe sek ituŋanan kec pei Esiraelit, ido abarakis ikes namodyanakin ŋikidunyet kec. Nyeriŋa ikes akamisito ayoŋ.

Esek. 22:27

Ekwaanikin ŋikarikok a akwap kec ka ŋipeei ŋulu enyamete etyaŋ; earete ŋituŋa ka amunyasi ŋituŋa aŋuna ka aryamun ibore ŋinidemuna ŋinice.

Esek. 22:6

“‘Adaut ŋikarikok a Isirael daadaŋ ŋulu iboiyete alo Yerusalem akikinyom agogoŋu kec a ŋikulepek aarya ŋituŋa ŋuluce.

Esek. 34:21

anerae ipotu iyes kijukasi ŋuna asenyak a ŋikorei ka a ŋiseketa ka ipotu iyes kigumugumoosi a ŋamomwar kus ŋuna apalag alobaren daadaŋ, akitodol ŋina ielaryata iyes ikes neni alwanan anamesekin a ŋunace.

Esek. 9:9

Abu Akuj okoboŋok ayoŋ tema, “Epol nooi asecit ŋina itiyato ŋituŋa a Isirael ka ŋulu a Yudaya, elal nooi akiar ŋituŋa anakwapin kec ka elal nooi akitiya ŋuna nyiyookino alo Yerusalem, anerae ebasi ikes, ‘Nyeriŋa Ekapolon emitakinit akwap yok, nyeriŋa Ekapolon ite ŋuna ikitiyae iwon.’

Osea 4:18

Ani kedaut ikes akimat tomerakin, erubakinete itiyaete ŋuna ka amalao, eminasi ŋikarikok kec ŋakiro ŋuna a ŋileec.

Osea 7:3

Italakanarete ikes erwosit a ŋakiro aŋuna aronok aŋuna itiyaete ikes ka italakanarete ikes ŋikapolok kec a amodiyo kec.

Amos 5:12

Kire, ayeni ayoŋ alalau a ŋasecisya kus ka epite ŋolo iseceneneata iyes a ŋinapaki; isicanete iyes ŋituŋa ŋulu iyookino, ijaanarete ŋakaluŋuluŋui, nyetubonokinio iyes ŋikulyak anakiyookino aloikiikoi kus.

Mika 2:8

Abu Ekapolon toboŋok ŋikadwarak ŋulu alyokonok tema, “Itijiete iyes ŋituŋa kaŋ esibit ŋimoe, ilacete ŋikaasoi aneni a ŋituŋa a ŋulu emam ŋakiro eyakasi, aneni a ŋikalotok a ŋulu nyetamete ŋakiro ŋuna ke ejie.

Mika 3:11

Etubete ŋikepukak a Yerusalem ŋakiro aŋuna a ŋakaluŋuluŋui, itatamete ŋisacaradotin keŋ ŋikisila aŋuna ke etacit, edwarete ŋikadwarak keŋ ŋakiro aŋuna a ŋisiliŋa; torae bo neni ke Ekapolon eyarikinito ebasi, “Kire jik, ikirukit iwon ke Ekapolon, emam awana ebuni neni yok.”

Mika 3:2

nai iremokino iyes ajokis, ido kitojokito aronis, iryetasi iyes ŋawat a ŋituŋa kaŋ, imyekis ikes erae ŋakoyo bon.

Mat. 26:15

kiŋit ikes tema, “Nyo ikiinakinete iyes ayoŋ, erae kepotu ayoŋ iŋes neni kus?” Tocamut ikes akitac iŋes a ŋisilipae a ŋatomoniuni.

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.