Mika 7:18 - Ebaibul

¹⁸ Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Mika 7:18 Iomraidhean Croise

Akisy. 4:7

Ani mono kitiya iyoŋ ejok, nyikicamunio mono iyoŋ a? Nai ani pa kitiya iyoŋ ejok, erubakini asecit ikidapit iyoŋ a lopuke, ikiitanit iyoŋ; nai itemokino iyoŋ kilou asecit.”

1 Ŋirw. 8:23

Kilip tema, “Okoe Ekapolon, Akuj a Ŋisirael, mam Akuj ŋina ikwaan ka iyoŋ anakuj, kori anakwap, ŋina iricit Acamunet ka amina ŋina nyiryaŋiryaŋa aŋuna a ŋiketiyak kon a ŋulu erubakinito iwuapito erot kon a ŋitai kec a daadaŋ.

2 Ŋakiro a ŋirwa 30:9

Ani kiboŋut iyes neni ke Ekapolon, epedorete nai ŋulu erikorito ŋikaitotoi ka ŋidwe kus akisyon ikes kitoboŋut nakwap na, anerae ejok ka isyoniono Ekapolon Akuj kus, nyikimyekini iŋes iyes erae kiboŋut iyes neni keŋ”

2 Ŋakiro a ŋirwa 6:21

Kiira adyekitoi a eketiyan kon ka ŋina a ŋituŋa kon a Ŋisirael apaki ŋina ilipyata iŋoliunito nakibois na. Okoe kiirarae isua anakuj aneni iboiyo iyoŋ; topupok ido ikisyon.

Neem. 9:17

apotu ikes toŋero akiwuap ŋakiro kon, nyemitakis ŋaumonokineta ŋuna itiyat iyoŋ alokidiŋ kec, nai apotu ikes kitogogoŋo ŋakyes kec, kiitana aboŋor napitoonut kec alo Ijipit. Nai irae iyoŋ Akuj ŋina itenit akisyon, Akuj ŋina ejok ka isyoniono, ŋina nyeŋoi atipei ka ŋina elal amina, ŋina nyiryaŋiryaŋa, ido ibu iyoŋ nyiŋer ikes.

Ŋikiru. 103:13

Ikwapei erimaania papa aneni a ŋidwe keŋ; erimaana Ekapolon aneni a ŋulu itopoloorito iŋes,

Ŋikiru. 130:4

Nai ikisyoniyenene iyoŋ isua; ikotere ikitopoloori isua iyoŋ.

Ŋikiru. 35:10

A etau kaŋ a daadaŋ, atemari ayoŋ ebe, “Okoe Ekapolon, ŋae ikwaanatar iyoŋ? Iununui iyoŋ ŋulu epalag aneni a ŋulu egogoŋ akilo ikes, iununui iyoŋ ŋulu epalag aneni a ŋulu edemanarete ikes ŋiboro kec.”

Ŋikiru. 65:3

Ani apaki ŋina ikilopiyaryata isua ŋasecisya kosi, Isyoni iyoŋ ŋadyakanareta kosi.

Ŋikiru. 65:4

Erereŋ ŋulu iseuni iyoŋ, ido iyau diyete kon, ido kiboikinos nalapatui a Akai kon. Ikimwonikin isua aŋuna a ŋiboro a ŋulu ka ajokis a ŋulu ikiryamuni isua alo Kai kon, alo Kai kon a ŋina asegan.

Ŋikiru. 71:19

Okoe Akuj, edolit akiyookino kon kidiama nooi, itiya iyoŋ ŋiboro ŋulu apolok nooi. okoe Akuj, ŋae ikwaanatar iyoŋ?

Ŋikiru. 86:15

Nai iyoŋ, okoe Ekapolon, irae ŋolo esyonon ka Akuj ŋina arimaanan, ŋina nyiŋoi atipei, ŋina elal amina ŋina nyiryaŋiryaŋa ka akikinyoma.

Ŋikiru. 86:5

Irimaana ka isyoniono iyoŋ, okoe Ekapolon, elal amina kon ŋina nyiryaŋiryaŋa aŋuna a daadaŋ a ŋulu ilipete neni kon.

Ŋikiru. 89:6

anerae ŋae ice ŋini eyai kidiama, ŋini epedoryo akisikwaan ka iyoŋ Ekapolon? Ŋae ikwaan ke Ekapolon alosubuna a ŋulu eya nakuj?

Ŋikiru. 89:8

Okoe Ekapolon, Akuj ŋina a ŋajoresyo, ŋae eyakar apedor ikwa iyoŋ okoe Ekapolon? Irae iyoŋ Akuj ŋina ikinyoma ŋapakio daadaŋ.

Awos. 15:11

Okoe Ekapolon, ŋae ikwaan ka iyoŋ anakujo a ŋunace? Ŋae ikwaan ka iyoŋ, iyakar iyoŋ apolou ŋina ailiilon a asegis, iyakar iyoŋ apolou ŋina itiyaa ŋakujuwuanisya, ka ŋaumonokineta.

Awos. 34:9

tema, “Okoe Ekapolon, akadyekit ayoŋ iyoŋ, ani kajok ayoŋ aneni kon Ekapolon, apena orukosi ka isua; tari kerae ŋituŋa lu ŋulu egogoŋ ŋakyes, kisyoni aronis kosi ka asecit kosi, yaarae isua ikwapei ŋituŋa kon ke elope.”

Isa. 1:18

Irworo Ekapolon ebala, “Iyes ŋituŋa a Yudaya, potu tokona erworiutu ŋakiro, tari kereŋak ŋasecisya kus puu ikwa ŋaokot, ekwaŋunete ikwa ŋalepan; tari kereŋak ikes ikwa ausi ŋina areŋan-kipurat, ekwaŋunete ikwa ŋajul a amesek a ŋina akwaŋan.

Isa. 33:24

Mam ituŋanan ŋini iboi a nen ŋini etemari, “Adyaka ayoŋ,” isyoniyo ŋasecisya a ŋituŋa a ŋulu iboiyete a nen.

Isa. 38:17

Kire, arae aŋuna ka alakara kaŋ iŋes ayakar ayoŋ apodo ŋina apolon; nai ibu iyoŋ nyikimyek ayoŋ otwana oloma nakipany ŋina ka akinyasuno, anerae imana iyoŋ ŋasecisya kaŋ daadaŋ kau kon.

Isa. 40:18

Anibore nai isikwaanikineta iyes Akuj, kori anibore eyakatar ŋasima keŋ?

Isa. 40:25

Ebala Ekapolon ŋolo asegan ebe, “Ŋae nai tokona ikisikwaanikineta iyes ayoŋ? Kori ŋae ikiriyan ka ayoŋ?

Isa. 43:25

“Arae ayoŋ Akuj ŋina ikisyoni iyes ŋasecisya kus, aŋuna kaŋ a alope, ido nyatamuni ayoŋ ŋasecisya kus nabo.

Isa. 44:22

Alema ayoŋ ŋasecisya kus, lopite ŋolo eakarya edou, alema ayoŋ ŋasecisya kus, lopite ŋolo eŋopiyarya ekuno. Toboŋutu neni kaŋ, anerae akalaku ayoŋ iyes.

Isa. 55:7

emaikina ŋulu aronok kimyekis akitiya aronis ka emaikina ŋulu nyiyookino ŋatameta kec kimyekis akitam ŋuna nyiyookino; emaikina ikes toboŋut neni ke Ekapolon, ikotere Ekapolon isyoni ikes emaikina ikes toboŋut neni ka Akuj yok, anerae isyoni iŋes ikes nooi.

Isa. 57:10

Abu ikiup iyes irimito ŋirwa ŋulu alalak, nai nyelimuno iyes ebe, “Erae akirimit na akoŋinait.” Ipotu iyes toryamut ekibure kus iata nooi, ido abu nyikiup iyes akirimit.

Isa. 57:16

Nyarubakini ayoŋ esitakinit ŋituŋa, kori nyarubakini ayoŋ aŋoit a ŋinapaki; anerae ekadanakini ikes alokiŋaren kaŋ ekadanakini tari ŋituŋa ŋulu abu ayoŋ oinak ekieŋanu kaŋ.

Isa. 62:5

Ikwaŋina iisya esorokit apese, iyoŋ daŋ Yerusalem iruwor akibois a ŋituŋa a ŋulu ikidukunete iyoŋ ka ikwaŋina elelyania eteran aŋuna ka ateran, elelyani Akuj kon daŋ aŋuna kon.

Isa. 64:9

Okoe Ekapolon nyiŋo kareca jik ka nyirubak itamunit jik ŋasecisya kosi ŋikaru ka ŋikaru, Totamak tokona atemar ikirae isua daadaŋ ŋituŋa kon.

Isa. 65:19

Abuni ayoŋ alelyan alo Yerusalem ka alakar aŋuna a ŋituŋa kaŋ; nyiiraryo nabo akigworo alotooma keŋ, kori nyiiraryo nabo akigworo aŋuna a ŋican.

Yer. 3:12

Tolot kiserak ŋituŋa ŋulu alowae a ŋolo alo kuju ŋakiro nu atemar; toboŋutu, iyes ŋituŋa a Isirael ŋulu emam anupit, nyarubakini ayoŋ ekete iyes akaŋoikinit, anerae arae ayoŋ ŋolo esyonion, nyarubakini ayoŋ aŋoit ŋikaru ka ŋikaru.

Yer. 3:5

akaŋoikini mono iŋes ayoŋ ŋikaru ka ŋikaru ka erubakini mono iŋes eŋoit jik tari nasalunet a?’ Erae ŋol epite ŋolo irworotor iyes, nai idaut iyes akitiya aronis daadaŋ ŋina ipedorito akitiya.”

Yer. 31:20

Erae mono Epuraim lokoku kaŋ ŋolominat a? Erae mono iŋes ikoku ŋini alakara ayoŋ aŋuna keŋ a? Ŋapakio daadaŋ ŋuna eruworor ayoŋ neni kus eketoroniyarit, akatamunit ayoŋ iyes. Aŋun, iyakasi iyes lotau kaŋ, kire jik, ekesyoni ayoŋ iyes.

Yer. 31:34

Nyerubakinete nabo ikes itatamasi make, kori elimonokinete ŋuluce ebe, ‘Toyenete Ekapolon,’ anerae akayenunete ikes daadaŋ ayoŋ, ameun alotuŋa a ŋulucaryo tari ŋulu itopolooritae, anerae esyoni ayoŋ ŋasecisya kec, nyatamu nabo ŋasecisya kec jik.”

Yer. 32:41

Alelyani ayoŋ aŋuna ka akitiya ajokis neni kec ka etogogoŋi ayoŋ ikes anakwap a na anakikinyoma, etiyae ayoŋ ŋun a etau kaŋ a daadaŋ ka a akiyar kaŋ a daadaŋ.

Yer. 33:8

Etaleuni ayoŋ ikes anasecit a daadaŋ a ŋina esecito ikes neni kaŋ, esyoni ayoŋ ikes aŋuna ka asecit kec a daadaŋ a ŋina aponiata okoŋeryoto ayoŋ.

Yer. 38:8

aŋun, abu Ebed-Melek tonyou alokai a erwosit, tolot erwor ka erwosit. Tolimok iŋes erwosit tema,

Yer. 50:20

Alimu Ekapolon atemar alorwa a ŋul ka anapaki a ŋin, iwaryo asecit aneni a Ŋisirael, ido nyeryamunio, iwaryo asecit alotuŋa a Yudaya, ido nyeryamunio, anerae isyoni iyoŋ ŋipiya a ŋituŋa a ŋulu abu ayoŋ emyek nyeara.

Yer. 9:24

nai emaikina ŋulu iturosi kituros a ŋakiro a nu atemar eyenete ikes ka akayenete ikes ayoŋ atemar arae ayoŋ Ekapolon, etiyae ayoŋ ka amina a ŋina nyiryaŋiryaŋa, a akiyookino ka atubi ŋakiro anakwap anakiyookino, anerae eketalakarito ayoŋ ŋipitesyo ŋul.

Esek. 18:23

Alimu Ekapolon Akuj ŋakiro nu atemar, alakara mono ayoŋ aŋuna ka atwanare a ituŋanan a ŋini itiyae aronis a? Mam, emaikina ayoŋ eŋolik iŋes ekii asecit keŋ, toyar.

Esek. 33:11

Tolimok Ŋisirael atemar, ebala Ekapolon Akuj ebe, Ikwapei ayarya ayoŋ, nyalakara ayoŋ etwani ituŋanan toriŋa eyai naronis, nai emaikina ŋini eyai naronis toŋer akiwuapit ŋuna aronok, ido toyar. Toŋero, toŋero akiwuapit ŋuna aronok! Okoe Ŋisirael, kaanukiro icamitotor iyes atwakare?

Esek. 33:16

Nyetamunio tari apei anasecisya a ŋuna itiyato ikes kimarakinae erae ŋina imanitere ikes; anerae etiyata ikes ŋuna ecamito ŋikisila ka ŋuna iyookino, eyarete ikes kire jik.

Dan. 9:9

“Neni kon Ekapolon Akuj kosi eyai akiŋarakino ka akisyonio, anerae adaun isua akiŋer iyoŋ,

Osea 14:2

Okoe Ŋisirael, toboŋutu neni ke Ekapolon, a ŋakiro kus aŋuna ka akiki tolimokisi Ekapolon ebe, “Tolema ekaile ŋolo ka asecit daadaŋ, tocamu ŋinibore ejok daadaŋ, ido ikiinakini isua iyoŋ ŋainakineta ŋuna ikiikinio iyoŋ.

Osea 14:5

Ikikwaanikin ayoŋ ka ŋakopi aneni a Isirael, eturokini iŋes ikwa aturot ŋina ka amatata, edupakin ikes nakwap ikwa ŋataagor a ŋikito a amoni Lebanon,

Yoel 2:32

Nai ituŋanan daadaŋ ŋini enyarit ekiro ŋolo ke Ekapolon, eiunio; anerae eyakaun lomukura Sion ka Yerusalem ŋulu esiyete anakiro a ŋun, ikwapei alimunio Ekapolon, ido ŋice alokidiŋ ŋulu ideun, eruworosi ŋulu erae Ekapolon enyarae.”

Amos 1:11

Alimu Ekapolon ŋakiro nu ebe, “Aŋuna arubakiniata ŋituŋa ke Edom itiyaete ŋasecisya ŋuna alalak nooi, nyaesikini ayoŋ akisican ikes, anerae apotu ikes kirita ŋikaitotoi kec a ŋileŋia, apotu ikes toŋero jik akisyon ŋikaitotoi kec, apotu ikes torubakis jik eŋoikinito ŋikaitotoi kec, apotu ikes nyejoŋoto jik aŋoikinit ŋikaitotoi kec.

Amos 7:8

Tema Ekapolon neni kaŋ, “Amos nyo ite iyoŋ?” Oboŋok ayoŋ otema, “Ete ayoŋ akipimet.” Tema nai Ekapolon neni kaŋ, “Alosi ayoŋ etoodik Ŋisirael atemar nyipimara ejok ŋakiro ŋuna itiyaete ikes, nyesyoni nabo ayoŋ ikes jik.

Amos 8:2

Ekeŋit ayoŋ Ekapolon tema, “Amos, nyo ite iyoŋ?” Oboŋok ayoŋ otema, “Ete ayoŋ ebukit ŋolo eya ŋaraito ŋuna akonok.” Tema nai Ekapolon neni kaŋ, “Adolu apaki ŋina esidyon aŋuna a ŋituŋa kaŋ a Ŋisirael, nyesyoni ayoŋ ikes nabo jik.

Yona 4:2

Kilip Yona neni ka Akuj tema, “Okoe Ekapolon, meere mono ŋakiro nu alimunit ayoŋ eriŋa ayai nakwap kaŋ a? Meere mono ikes apotu eketodokis ayoŋ Tarisis ekiŋaren a? Anerae ayeni ayoŋ atemar irae iyoŋ Akuj ŋina ka ajokis, ŋina esyonon, ŋina nyiŋoi atipei, ŋina epol arimao ka ŋina epatana akimyekin akisican.

Mika 2:12

“Okoe iyes ŋituŋa a Yakob, kire jik, akacunakini ayoŋ iyes daadaŋ iwapei, acunakini ayoŋ ŋipiya a Ŋisirael; acunakini ayoŋ ikes kaapei ikwa iudere ŋamesekin nanok, acununi ayoŋ ikes ikwa ecunere esipan a ŋamesekin anadakar; ilelebun ŋituŋa nakibois kus nooi.

Mika 4:7

Eteyari ayoŋ ŋikaŋwalak ŋulupiya, eturuwori ayoŋ ŋulu aponi yae erae ŋirikon ŋituŋa ŋulu egogoŋ. Ayoŋ Ekapolon epukae ikes alokamukumukut Sion, akisyakin anakoloŋit a ŋin tari ŋikaru ka ŋikaru.

Mika 5:3

Aŋun, imyekini Ekapolon ŋituŋa keŋ mono a lomoe kec, akitodol ŋina idounio aberu ŋina emaikina kidou lokoku keŋ, ŋolo erae ekepukan. Apaki nai ŋin iŋes eboŋunioto ŋikaitotoi keŋ ŋuluce kimorikin ka Ŋisirael.

Mika 7:14

Ekapolon kiyok ŋituŋa kon, ŋulu ibu iyoŋ toseu aruwor ŋulu kon, tari daŋ kiboiyete make anamoni, eyakasi ikes nalup ŋuna ajokak, kimyek ikes toryamut ibore ŋini enyamete alo Basan ka alo Gilead, lopite ŋolopei koloŋ aryamununiata.

Sepan. 3:17

Irukito iyes ke Ekapolon Akuj kus, ekajion ŋolo ikiinanakini akiloun. Elakar iŋes nooi aŋuna kus, ikituruwori iŋes iyes ŋikitet anamina keŋ;

Ekim. 23:21

Mam aronis eŋolik Akuj itiyaete ŋituŋa a Yakob, mam akisyanu eŋolik Akuj itiyaete ŋituŋa a Isirael. Erukito ikes ka Ekapolon Akuj kec, elimorito ikes atemar arae Akuj erwosit kec.

Luk. 15:32

Nai itemokino iwon olakaros; anerae lokaato kon lo, atwanit, nai tokona ayaru; aolit, nai tokona atakanu!’ ”

Luk. 24:47

Itemokino kitatamae akiki ka akisyon ŋasecisya lobukui daadaŋ alokiro keŋ, akisyakin alo Yerusalem.

Ŋirom. 11:4

Aniboŋokinet abu Akuj tolimok Eliya? Abu toboŋok tema, “Adau ayoŋ akisidoŋ ŋikilyok ŋalipyo ŋakanikaarei aŋuna kaŋ ŋulu nyeryediko kilipa neni ka akuj a ŋina koŋinait, a ŋina enyaritae Baal.”

Ŋikis. 33:26

Okoe Ŋisirael, mam ice ikwaan ka Akuj kus, Akuj ŋina ebunit alokidiama aiun iyes, eyai iŋes anailiil keŋ lodouwon.

Yak. 2:13

Anerae emam akisyon anatubokino a ŋina a ituŋanan a ŋini nyisyoniyenene ŋituŋa ŋuluce, nai ŋulu isyoniyete ŋuluce, nyikerito ikes atubokino.

Ŋikat. 10:16

Aŋun, apotu Ŋisirael kimasanasi aneni aya ikes ŋitorubei a ŋakujo a ŋunagelae, kilipa neni ke Ekapolon, ido abu Ekapolon tojoŋo akidaŋidaŋ akitere Ŋisirael eryamunito ŋican.