Mika 7:16 - Ebaibul

¹⁶ Iŋolikinete ŋakwapin ŋakiro ŋuna itiya iyoŋ, ido kiruma ŋileec, tari sek daŋ kerae ŋakwapin ŋun ŋuna egogoŋ, ebunete ikes ŋakituka kec ka erapete ŋaki kec.

Mika 7:16 Iomraidhean Croise

Yob 21:5

Kiŋolikinae ayoŋ, nyikibuli mono iyes ikiŋolikinete ayoŋ, ido tobuna ŋakitukwa kus a?

Yob 40:4

“Kiira, arae ayoŋ ecaryoit koŋin, anukiro akaboŋokini ayoŋ iyoŋ? Abuni ayoŋ akituk kaŋ ka akan.

Ŋikiru. 126:2

Ikipotu isua olakaros, oeoto ŋieosyo ŋulu ka alelyanu. Apotu nai ŋituŋa a ŋakwapin a ŋunace temasi, “Etiya Ekapolon ŋakiro ŋuna apolok nooi aŋuna a ŋituŋa keŋ.”

Ŋakit. 30:32

Ani kidaunit iyoŋ akitiya ŋuna ka abaŋao, kidaunit akitopolooro bon, kori ani kidaunit ayere akitiya aronis, tobun a akan akituk kon, togeu atatamatam.

Isa. 26:11

Okoe Ekapolon, itenit iyoŋ akisican ikes, nai nyiteete ikes ŋun. Kimyek ikes kiŋolikis alelakinit kon ŋituŋa kon, ido kiruma ikes ŋileec. kimyek kitoŋopiya ikes aŋoit kon ŋina iŋoikinitor iyoŋ ŋimoe kon.

Isa. 52:15

aŋun, eumokinete ŋituŋa a ŋakwapin a ŋuna alalak, ililiŋete ŋirwosi aŋuna keŋ, anerae iŋolikinete ikes ŋakiro ŋuna pa alimokinitae ikes ka eyenunete ikes ŋakiro ŋuna pa eirarito.

Isa. 66:18

Ebala Ekapolon, “Ayeni ayoŋ ŋiticisyo ka ŋatameta kec, ido abuni ayoŋ acunakin ŋituŋa a ŋakwapin a daadaŋ ka a ŋaŋajepa a daadaŋ, epote ikes ka iŋolikinete apolou kaŋ.

Esek. 38:23

Alopite a ŋol, etoodikini ayoŋ ŋituŋa a ŋakwapin daadaŋ apolou kaŋ ka atemar apol ayoŋ nooi ka arae ayoŋ Akuj ŋina asegan. Eyenunete nai ikes atemar arae ayoŋ Ekapolon.”

Mika 3:7

Irumete ŋikadwarak ŋileec. Nyelakarosi ŋimurok, ituruworyo ikes daadaŋ ŋicaryo, anerae nyeboŋokini Akuj ŋakiro kec.

Mika 5:8

Alokidiŋ ŋakwapin eyakaun ŋipiya a Yakob, eyakaun ikes kidiŋ ŋituŋa ŋulu alalak, ededeŋiata ikwa eŋatuny alokidiŋ ŋityaŋ ŋulu ka amoni, ikwaanikin ka iŋatuny ŋini eyai kidiŋ esipan a ŋamesekin, ŋini ani eporokini amesek, iimakini kwap toryeta ka tonyilinyiliya, todaun ikaiunan amesek.

Agai 2:22

ido olema ŋikepukak a ŋapukasinei; eapi ayoŋ amunaar agogoŋu a ŋapukasinei a ŋakwapin, akimasar ŋagaari ka ŋikametok kec, imasarosi ŋaŋolei ka ŋikametok kec, eari ŋinituŋanan lokaato keŋ ka atum.”

Sakar 12:9

Apaki ŋin, amunyari ayoŋ akwap daadaŋ ŋina ikatakini akisiiryakin Yerusalem.

Ŋirom. 3:19

Ikiyeni nai iwon atemar ŋuna elimunito Ŋikisila, elimunito aŋuna a ŋulu ipukato Ŋikisila, ikotere isililiŋere ŋipegeta daadaŋ ka yaunae ŋituŋa daadaŋ, totubok Akuj ikes.

Akis. 11:18

Apotu ŋituŋa ŋulu nyenupito Akuj tonyunyura, anerae adolu apaki ŋina ka anyunyura kon, apaki ŋina etubokinere ŋikatwak. Adolu apaki ŋina eropere ŋiketiyak, ŋikadwarak ka ŋituŋa kon daadaŋ ŋulu ikikerito iyoŋ, ŋulu arwok ka ŋulu caryo kaapei. Adolu apaki ŋinamunyaret ŋulu enyasak akwap!”