Mika 7:14 - Ebaibul

¹⁴ Ekapolon kiyok ŋituŋa kon, ŋulu ibu iyoŋ toseu aruwor ŋulu kon, tari daŋ kiboiyete make anamoni, eyakasi ikes nalup ŋuna ajokak, kimyek ikes toryamut ibore ŋini enyamete alo Basan ka alo Gilead, lopite ŋolopei koloŋ aryamununiata.

Mika 7:14 Iomraidhean Croise

Ŋikiru. 100:3

Toyenete atemar erae Akuj Ekapolon. Erae iŋes abu ikisub iwon, eraakae iwon ŋulu keŋ; ikirae iwon ŋituŋa keŋ, iŋes ikiyoki iwon.

Ŋikiru. 143:5

Atamunit ayoŋ ŋirwa ŋulu koloŋ sek; atamatamae ŋuna a ŋiticisyo kon a daadaŋ, atamatamae ayoŋ ŋuna ibu iyoŋ kitiya.

Ŋikiru. 28:9

Okoe Ekapolon, toiu ŋituŋa kon, kiterereŋ ŋituŋa kon; toruwor ekeyokon kec ka kiric ikes ŋikaru ka ŋikaru.

Ŋikiru. 95:7

Erae iŋes Akuj yok; ikirae iwon ŋituŋa keŋ ŋulu iyoki iŋes, ŋamesekin ŋuna itani iŋes. Okoe, kiirasi ŋakiro ŋuna irworo iŋes ebe,

Awos. 33:16

Ikokini nai ai ituŋanan idio eyenuni atemar ajokyar ayoŋ ka ŋituŋa kon aneni kon arae pa kerukor isua ka iyoŋ? Nyo eketegelaani ayoŋ ka ŋituŋa kon alotuŋa a daadaŋ a ŋulu iboiyete anakwap?”

Eete a Ŋie. 4:1

Okoe ibus iyoŋ nooi ŋinaminat kaŋ, okoe ibus iyoŋ nooi, ileerete ayaaye akitambara ŋakonyen kon ecope. Icurosi ŋitim anakou kon lopite ŋolo icurunotor ŋamee kwap alokamukumukui a ŋulu a Gilead,

Isa. 27:13

Akoloŋit ŋin, ekutakinio arupepe ŋina apolon nooi, ido epote ŋulu apotu tooliyosi nakwap ŋina ka Asiriya ka ŋulu aponi tomyaarae nakwap a Ijipit, epote ikes kilipa neni a Ekapolon alokidiama emukura ŋolo aseg alo Yerusalem.

Isa. 35:2

eturouni aloŋisat, tolelyan elakara, ido toeik. Einakinio iŋes akibuses a Lebanon, einakinio iŋes ailiil a Karimel ka Saron. Iŋolikinete ŋituŋa a Sion apolou a Ekapolon, iŋolikinete ikes ailiil a Akuj yok.

Isa. 37:24

Ijamuwa iyoŋ Ekapolon alorwor a ŋiketiyak kon, idau iyoŋ alimun ebe, ‘Aŋuna ayakar ayoŋ ŋaŋolei ŋuna alalak, adau ayoŋ akidok naitae a ŋimoru, adau ayoŋ akidol kidiama jik ŋimoru ŋulu a Lebanon, adau ayoŋ ayepakin kwap ŋikito keŋ ŋulu aoyak ŋulu a Cedar, ayepaki kwap ŋikito keŋ ŋulu ajokak nooi ŋulu a Sipres; adau ayoŋ akidol naitae keŋ ŋuna asilok, adol namoni keŋ ŋuna ajokak nooi.

Isa. 40:11

Ebuni iŋes akitan ŋituŋa keŋ lopite ŋolo itania ekeyokon ŋamesekin keŋ; edaki iŋes ŋikaalei ŋulucicik anakan keŋ, kiwuak ikes natorobu keŋ; ido tomea iyaparit atatoto a ŋikaalei a ŋul.

Isa. 49:10

Nyenyami ikes akoro, kori akure, nyeari ikes ekuwuam ŋolo amwanan, kori akoloŋ, anerae iteni ikes ŋolo abu kisyoni ikes, iteni ikes kitoryo neni eya ŋiitan a ŋakipi.

Isa. 65:10

Eruwor Saron neni edakasi ŋamesekin ka eruwor akadipaalat ka Acor neni euryaketa ŋisipanin a ŋaatuk, anerae apotu ŋituŋa kaŋ ekewara ayoŋ.

Yer. 49:31

“Tonyoutu, toloto kitijikis ŋituŋa a akwap a ŋina iboi emam ŋace, akwap ŋina emam ŋimoe imanito. Akwap ŋina emam ŋipukei, kori ŋasuwa ŋuna egolere ŋipukei a etaun, akwap ŋina iboi bon.

Aum. 1:7

Alorwa a ŋulu a ŋican ka akirimit, apotu ŋituŋa a Yerusalem totamut ŋiboro kec daadaŋ ŋulu apol egyelit ŋulu ayakatar ikes ekiŋaren. Ani eyakaun ŋituŋa a Yerusalem napedor a ŋimoe kec, abu todaun ituŋanan iŋarakini ikes. Apotu ŋimoe a Yerusalem kitekis Yerusalem, ido ekyenatar aŋuna ka akinyasuno keŋ.

Aum. 5:21

Kinyakunae isua neni kon okoe Ekapolon, ikotere isua ikiboŋuni neni kon. Inakinae isua ekiboiye ŋolo ajokan ŋolo ikwaan ka ŋolo paaran a ekiŋaren.

Esek. 36:11

Etalalauni ayoŋ ŋituŋa kus ka ŋibaren kus. Iyatakinosi ka epitunete. Ilalakunete iyes nooi akilo neni paaran sek ka etiyae ayoŋ neni ŋuna ajokak nooi iloito ŋuna ke ekiŋaren. Iyenunete nai iyes atemar arae ayoŋ Ekapolon.

Ŋilep. 27:32

Ani imarete iyes ŋaatuk, kori ŋamesekin kus, ibarasit ŋini ŋitomon daadaŋ ŋini imarakinio tomacarae emanit alokwap ebela ŋolo ke ekeyokon, eruwor ainakinet ŋina asegan neni ke Ekapolon.

Amos 9:11

Tema Amos, “Ebala Ekapolon, ‘Ebunit akoloŋit ŋina enyakakinia ayoŋ apukan neni a ŋiletok a Daudi, apukan ŋina abu tomunaar ikwa akai ŋina eritakin kwap. Etowoi ayoŋ nabo ŋarwatatain keŋ, adukokini ayoŋ akai ŋin nabo kikwaanikin ka ŋina koloŋ ayai alorwa a ŋulu a koloŋ,

Obad. 1:19

“Eruwor ŋimukura ŋulu ke Esau, ŋulu a ŋituŋa a ŋulu eya Negeb. Eruwor akwap a Ŋipilistin ŋina a ŋituŋa a Sepela, eruwor akwap ke Epuraim ka Samaria ŋina a Ŋisirael, eruwor Gilead akwap a Benjamin.

Mika 5:4

Apaki ŋina ebunio ekepukan ŋol, ipukae iŋes ŋituŋa keŋ ka apedor a ŋina a Ekapolon ka anapolou a ŋina ailiilon a ŋina ke ekiro ke Ekapolon Akuj keŋ. Iboikinosi ŋituŋa keŋ eiuna, anerae eyenunete ŋituŋa ka akwap a daadaŋ agogoŋu ŋina eyakar iŋes.

Sepan. 3:13

Mam aronis itiyaete iyes ŋipiya a Ŋisirael, nyirworete ikes alyokonu, kori nyelimunete ikes ŋakiro ŋuna nyiyookino, imujete ikes ido topero. Mam ituŋanan itubuli ikes.”

Sakar 10:10

Enyakuni ayoŋ ikes nakwap kec, enyakuni ayoŋ ikes alo Ijipit ka Asiriya, esiboik ikes nakwap kec. Esiboikini ayoŋ ikes Gilead ka Lebanon daŋ ilelebunosi ŋituŋa kaŋ nakwap kec daadaŋ.

Sakar 11:7

Aŋun, apotu ŋimucurus a ŋamesekin a ŋuna erae toŋolae okolimokis ayoŋ acok ŋamesekin kec, ido abu ayoŋ oruwor ekeyokon a ŋamesekin a ŋun. Abu ayoŋ olemu ŋibelae ŋiarei, onyara ekiro ke epei ebe, “Ajokis” ka ŋoloce ebe, “Akimorikina,” Abu ayoŋ eyok ŋamesekin ŋun.

Mal. 3:4

Ekaku nai, eyaunete ŋituŋa a Yudaya ka ŋulu a Yerusalem ŋainakineta ŋuna ecamit Ekapolon, lopite ŋolopei paaran sek ayaununiata.”

Ekim. 23:9

Ete ayoŋ ikes alokidiama ŋatabab ŋuna aoyak, ete ayoŋ ikes alokidiama ŋikamukumukui. Erae ŋituŋa ŋul ŋulu iboiyete ka akec etyakara ikes alotuŋa a ŋakwapin aŋunace!

Ekim. 32:1

Ayakatar ŋituŋa a ekabila a Ruben ka ŋituŋa a ekabila a Gad ŋaatuk ŋuna alalak nooi. Ani eanyunete ikes atemar ejokak ŋalup ŋuna ka akwap a Yaser ka Gilead aŋuna a ŋaatuk,

Ekim. 32:4

ŋakiboisyo ŋuna a akwap a ŋina adau Ekapolon akiloun aŋuna a Ŋisirael ejokak aŋuna a ŋaatuk, ido isua ŋiketiyak kon ikiyakar ŋaatuk.

Mat. 2:6

‘Iyoŋ Betelem akwap a Yuda, meere iyoŋ idit nooi alotaunio a ŋulu a Yuda. Anerae alotooma kon elomuni ekarikon ŋolo iyoki ŋituŋa kaŋ Ŋisirael.’ ”

Yoa. 17:16

Nyerae ikes ŋulu ka akwap, ikwaŋinapei nyaraakar ayoŋ daŋ ŋolo ka akwap.

Ŋikis. 33:28

Aŋun, iboiyete Ŋisirael eiuna, mam ŋican eryamunito ŋiletok a Yakob anakibois kec a ŋina eya ŋikinyom ka epiini anakwap a ŋina etepi akiru.