Mika 6:8 - Ebaibul

⁸ Iyoŋ ituŋanan, adau Ekapolon alimokin iyoŋ ŋuna ajokak; ŋuna ecamit Ekapolon aneni kon ikes nu: Akitiya ŋuna iyookino ka amina arimakinit ŋuluce ta alosit itiditeuna bon anakimorikina ka Akuj yok.

Mika 6:8 Iomraidhean Croise

Akisy. 18:19

Nyemunoni, anerae adau ayoŋ aseun iŋes ikotere iciki ŋidwe keŋ ka ŋituŋa a ekal keŋ ŋulu iwuapete iŋes, kiwuapa erot ŋolo ke Ekapolon anakitiya ŋuna iyookino ka ŋuna ecamakinitae; ikotere nai isiyookini Ekapolon ŋuna adau akiikin Aburaam.”

Akisy. 5:22

Kiboi Enok iwuapit Akuj ŋikaru ŋamiae ŋauni, kedau auruun Metusela, touru ŋisapa ŋice ka ŋapesur.

2 Ŋakiro a ŋirwa 30:11

Tari ŋina aponiata ikes kitiyata ŋun, apotu ŋituŋa ŋidikudyo ŋulu a ekabila ka Aser, a Manase ka Sebulon kitiditeunos make, toloto Yerusalem.

2 Ŋakiro a ŋirwa 32:26

Abu nai Esekia toki alotau ŋuna sek abu iŋes tojamuwa, tokiwa ŋituŋa a Yerusalem daŋ ŋun; aŋun, abu anyunyura ŋina ke Ekapolon nyebu neni kec alorwa a ŋulu araakar Esekia erwosit.

2 Ŋakiro a ŋirwa 33:19

Ŋakiro ŋuna ka akilip a Manase, epite ŋolo ainakinia Akuj Manase ŋuna ewarit Manase ka ŋuna a ŋakiboisyo a ŋuna abu iŋes toduk nenimukur, ido kiwuanak ŋitorubei a akuj a ŋina anyaritae Asera ka ŋitorubei ŋice daŋ eriŋa nyitiditeuna bon, igiritae lokitaaboi ŋulu igiritae ŋakiro a ŋiketeyenikinak.

2 Ŋakiro a ŋirwa 33:23

Abu Amon nyitiditeun bon aneni ke Ekapolon ikwa papa keŋ, abu kitalala asecit keŋ.

2 Ŋakiro a ŋirwa 34:27

‘Aŋuna ibunio iyoŋ toki alotau kon ka kitiditeun apaki ŋina iirarya ŋakiro ŋuna abu ayoŋ erwor etoroniyarit akwap na ka ŋituŋa keŋ ka aŋuna iciliciliya ŋilowi kon, ido ikikaloik ayoŋ, adau ayoŋ daŋ akiirar iyoŋ.

Neem. 9:13

Ibu daŋ iyoŋ totiyaun kidiama emoru Sinai, kirwor neni kec alokidiama, ido iinaki ikes ŋakiro ŋuna iyookino, ŋikisila ŋulu a kire, ŋakiro ŋuna itubunit iyoŋ ŋuna ajokak ka ŋakiciketa,

Ŋikiru. 101:1

Aeikini ayoŋ ŋuna ka amina ka akiyookino kon, aeikini ayoŋ neni kon, okoe Ekapolon.

Ŋikiru. 112:4

Ileereunete ŋiticisyo kec ikwapei akica neni a ŋulu iyookino; eruwor ikes ŋulu ajokak, ŋulu esyonok ka ŋulu iyookino.

Ŋikiru. 112:9

Adaut ikes akoranar ŋiboro kec emam akitac, adaut ikes ainakin ŋiboro kec neni a ŋikulyak; erubakini akiyookino kec ŋikaru ka ŋikaru; itopolooritae nooi apedor kec.

Ŋikiru. 37:26

Ipotonokinete ka idenionokinete ŋuluce ŋiboro kec jwi jwi, eruwor ŋidwe arereŋu kec.

Ŋikiru. 73:28

Nai ani eruwor ayoŋ, ejok akikinyomit Akuj, akituruwor Ekapolon ŋolo etiron ekaiunan kaŋ ka alimor ŋiticisyo keŋ daadaŋ.

Ŋakit. 21:3

Akitiya ŋuna iyookino ka ŋuna ajokak, erae akitiya ŋuna ecamit Ekapolon ainanakin ŋina epol nooi akilo amuronot neni a Ekapolon.

Ekal. 12:13

Ekaku a ŋakiro a ŋun a daadaŋ, eyai ibore ipei bon ŋini emaikina kiyatakinae, kitopoloorite Akuj ka kiwuapite ŋakiciketa keŋ, anerae erae ŋun ŋuna emaikina ŋinituŋanan kitiya.

Isa. 56:1

Alimu Ekapolon ŋakiro nu, “Torubakisi irae ŋulu iyookino ka kitiyaete ŋuna iyookino, anerae aapuu ayoŋ aiun iyes, ido itoodiunio alotooma apaki ŋina eapi ŋuna ka alakun ayoŋ iyes.

Isa. 57:15

Alimu Ekapolon ŋolo iboi alokidiama nooi, ŋolo iboi ŋikaru ka ŋikaru ŋolo erae ekiro keŋ ŋolo asegan ebe, “Eboi ayoŋ alokidiama ka anakibois a ŋina asegan, kaapei ka ŋituŋa ŋulu itiditeuna ka iapara alotai kec, ikotere ainakini ikes nabo ŋitai ŋulu itiditeuna ka oinak ikes nabo ŋitai ŋulu iapara.

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Yer. 22:16

Atubi iŋes ŋakiro aŋuna a ŋikulyak ka ŋulu a ŋican a akiyookino, ido amam iŋes ŋace. Meere mono akitiya ŋun iŋes itoodiunit atemar eyeni ituŋanan Ekapolon a?

Yer. 22:3

Alimu Ekapolon atemar kitiyata ŋuna ka akiyookino. Toiutu ŋituŋa daadaŋ ŋulu edemanaritae ŋiboro kec, toiutu ikes anapedor a ŋulu isicanito ikes ka nyitiyata aronis, kori nyiryenyanikis ŋigelaanotin, ŋikokyok ka ŋapuseru, kori nyiar alotaun a lo idiotuŋanan ŋini emam aronis itiyat,

Yer. 9:23

“Alimu Ekapolon atemar, nyicamakis ŋikaosok iturotor aosou kec, nyicamakis ŋikagogoŋ iturotor agogoŋu kec, ka nyicamakis ŋulu ebarito iturotor abaru kec,

Aum. 3:26

Ejok ŋinituŋanan torubak idarit Ekapolon anatitinyu; ejok ŋinituŋanan torubak idarit Ekapolon toiu iŋes.

Esek. 16:63

Ani nai esyoni ayoŋ ŋuna daadaŋ itiya iyoŋ, itamuni iyoŋ ŋuna itiya ka ikirumete ŋileec nyirworik nabo jik aŋuna a ŋileec kon.”

Esek. 33:14

Nabo, tari kalimokinit ayoŋ ŋulu aronok atemar etwakete kire jik ikes, ani ca keŋero ikes asecit kec, kitiyata ŋuna ecamakinitae ka ŋuna iyookino,

Dan. 4:37

Ayoŋ Nebukadinesar epuro ka etopoloorit erwosit ŋolo eyai nakuj, anerae erae ŋiticisyo keŋ daadaŋ ŋulu a kire ka iyookino ŋuna itiyae iŋes, tosodi epedori iŋes akitiditeun ŋulu iturosi.

Osea 12:6

Nai ani eruwor iyes, toboŋosi neni ka Akuj kus, kitiyata jik ŋuna iyookino ka ŋuna ka amina, ka torubakisi idarito Akuj kus.

Osea 6:6

anerae acamit ayoŋ aneni kus amina ŋina nyiryaŋiryaŋa, meere amuronot; acamit ayoŋ iyes itoyenut Akuj akilo ayaunun neni keŋ ŋainakineta ŋuna epeyo.

Ŋilep. 26:41

ido abu ayoŋ daŋ oŋer ikes eela nakwapin a ŋimoe kec; ani nai kitiditeuna ikes tokona alotai kec; kekiito ŋasecisya kec,

Amos 5:24

Nai, torubakisi itiyaete ŋuna ajokak jwi jwi ka ŋuna iyookino jwi jwi.

Mika 6:9

Erae ibore ŋini ejok akitopoloorit Ekapolon. Enyarit iŋes ŋituŋa ŋulu ke etaun ebala, “Topupokisi, iyes ŋituŋa ŋulu itukokina lotaun.

Sepan. 2:3

Kiwara Ekapolon, iyes daadaŋ ŋulu itiditeuna anakwap, iyes ŋulu iwuapito ŋakiciketa keŋ; kiwara akiyookino, kitiditeunos alokiŋaren Ekapolon Akuj; acepaki iunosi iyes akoloŋit ŋina ka anyunyura ke Ekapolon,

Sakar 7:9

“Ŋakiro ŋuna irworo Ekapolon ŋolo Etiron ikes nu ebe, ‘Emaikina iyes totubo ŋakiro anakiyookino ka kitoodiut arimao ka akisyon neni a ŋinice.

Mat. 5:3

“Erereŋ ŋulu eyenete atemar ekulyakaka ŋitai kec alokiŋaren Akuj; erae ajakaanut ŋina anakuj ŋina kec.

Mat. 5:7

Erereŋ ŋulu isyoniyeneneete ŋuluce; isyoniyo ikes.

Luk. 10:42

nai ipeibore bon epol. Aseu Maria ibore ŋini ajokan ŋini nyelemaryo aneni keŋ!”

Luk. 11:42

“Ekaŋ iyes Ŋiparisayon! Ilemyanakinete iyes Akuj alemikinet apei anatomon a ŋikito a ŋulu itoboboete akimuj, nai ijamakinito iyes ŋakiro ŋuna iriyan ŋuna ka Akuj ka amina keŋ. Itemokino iyes akitiya nu tomam ajamakinit ŋunace.

Luk. 12:14

Toboŋok Yesu iŋes tema, “Ekile, ŋae akainakini ayoŋ apedor ŋina tubet kori ŋina atyakatyakaa ebari kus?”

Luk. 6:36

Toyakatar akisyon, ikwaŋina eyakar Papa kus akisyon.

Ŋirom. 7:16

Ani etiyae ayoŋ ŋuna nyacamit akitiya, itoodiunito ŋun atemar acamunit ayoŋ atemar ejokak Ŋikisila.

Ŋirom. 9:20

Nai ŋae mono iyoŋ ituŋanan itepegi Akuj? Nyepedori amot akiŋit ekayan keŋ ebe, “Kaanukiro ikiyeunia iyoŋ ayoŋ ikwana?”

1 Ŋikor. 7:16

Iyoŋ aberu ŋina Kristoit, ianyuni iyoŋ ikwaani atemar iuni iyoŋ lokile kon? Iyoŋ ekile ŋolo Kristoit, ianyuni iyoŋ ikwaani atemar iuni iyoŋ aberu kon?

Ŋiep. 4:32

Akilo, toruworos ŋulu irimaaka ka ŋulu iyapara alotai, kisyonios make ikwapei adaunia Akuj akisyon iyes alotooma Kristo.

Ŋikis. 27:10

Aŋun, kiwuapa ŋakiro a Ekapolon Akuj kus, kiwuapa ŋakiciketa keŋ ka ŋakiro ŋuna etubunit iŋes ŋuna ekecik ayoŋ iyes nakoloŋit na akiwuap.”

Ŋikis. 30:15

“Kiirasi, nakoloŋit na ewuak ayoŋ kiŋaren kus akiyar ka ŋarereŋisyo, atwanare ka akinyasuno.

Ŋikol. 3:12

Ikwapei tokona iraakatar iyes ŋituŋa ŋulu ka Akuj, ŋulu ikiseu ka ŋulu emina iŋes, itemokino nai iyes kitoodiut akisyon, arimao, akitiditeuna, akiyapara ka atitinyikinit.

2 Ŋites. 2:16

Ikilipi isua neni ke Ekapolon yok Yesu Kristo elope ka neni ka Akuj Papa yok, ŋolo abu itominak iwon ka ikiinak iwon anajokis keŋ atitinyu ŋina nyedaunun ka akigeno ŋina ajokan,

Yak. 2:20

Iyoŋ ebaŋaanot! Icamit iyoŋ ikitoodikin atemar anupit ŋina emam ŋiticisyo erae akoŋinait a?

Yos. 24:14

“Tokona nai, itemokino iyes tokerito Ekapolon ka kitiyanakis iŋes anakikinyoma kus a daadaŋ. Toŋero akitiyanakin ŋakujo ŋuna ewuapito atapapaa kus alokekwaye aŋolol Eupurate ka anakwap a Ijipit, nai kitiyanakisi Ekapolon.

1 Pet. 3:8

Aŋetakini, itemokino iyes daadaŋ iraakasi ŋipei alotai kus; toyakatar akisyoniyenen, tominanaros make ikwa ŋikaitotoi, torimaaka ka toruworos ŋulu itiditeuna aneni a ŋuluce.

1 Sam. 12:23

Ani eruwor ayoŋ, nyikiryama ca ka akisec neni ke Ekapolon anajoŋore akilip aŋuna kus, ido eketatami ayoŋ iyes ŋipitesyo ŋulu ejokak ka ŋulu iyookino.

1 Sam. 15:22

Nai toboŋok Samuel Saul tema, “Elakara mono Ekapolon aŋuna a ŋainakineta a ŋuna epeyo ka ŋamuronisya lopite ŋolo elelyania iwuapito ŋituŋa ŋakiro keŋ a? Kiira! Ejok akiwuap ŋakiro a Ekapolon akilo amuronot, ido ejok akipup ŋakiro a Ekapolon akilo ainanakin iŋes asepwae a ŋimeesekin,