Mika 6:7 - Ebaibul

⁷ Elakar mono Ekapolon keyaun neni keŋ ŋamesekin ŋalipyo ka akimyet ŋina ilelebun ŋaŋololin ŋalipyo ŋatomon a? Ainakini mono ayoŋ Ekapolon ikoku kaŋ ŋini kiyae aŋuna a ŋadyakanareta a? Ainakini mono ayoŋ iŋes arait ŋina ka akuwan kaŋ aŋuna ka asecit ke etau kaŋ a?”

Mika 6:7 Iomraidhean Croise

2 Ŋirw. 16:3

nai abu iŋes kiwuap epite ŋolo a ŋirwosi a Isirael. Abu tari kisitor lokoku keŋ kidiŋ akim, iwuapit ŋitalyo ŋulu aronok ŋulu a ŋituŋa a ŋakwapin a ŋuna abu Ekapolon kirita apaki ŋina adolunioto Ŋisirael nakwap ŋina aya ikes.

2 Ŋirw. 21:6

Toar lokoku keŋ tope erae amuronot. Adwarenene iŋes, nabo torae emuron; alosenene lomurok ka lolilae. Tosec iŋes nooi aneni ke Ekapolon kitoŋo iŋes Ekapolon.

2 Ŋirw. 23:10

Abu Yosia tomunaiya Topes, namuroet ŋina adukokinitae nayonae ŋina anyaritae Ben-Inom, todaun nabo epite ŋolo apedoria idiotuŋanan akiar lokoku keŋ. kori nakoku keŋ kicunyak erae ainakinet neni ka akuj a ŋina anyaritae Molek.

2 Ŋirw. 3:27

Abu nai iŋes toar lokoku keŋ ŋolokiyae ŋolo etemokino kilunyokin lokicoloŋ keŋ kipuka, kicuny iŋes erae amuronot anarwatata. Min anyunyura ŋina apolon nooi neni a Ŋisirael, kibelekinos toboŋosi nakwap kec.

Yob 29:6

Apaki ŋin, abarit ayoŋ nooi, eleilei ŋakile ŋuna alalak ŋuna a ŋakinei ka ŋuna a ŋaatuk kaŋ; acuununui ayoŋ akimyet ŋina a ŋikito ka Olipa ŋina alalan anataaba.

Ŋikiru. 50:9

Emam ŋimoŋin eitanit ayoŋ alosipanin kus, kori ŋikorwa eitanit ayoŋ alosipanin kus;

Ŋikiru. 51:16

Nyilakara iyoŋ aŋuna a ŋamuronisya, ani kerae tolakara, kayau ayoŋ ikes; nyilakara iyoŋ aŋuna a ŋainakineta a ŋuna epeyo.

Ŋikiru. 51:18

Analakari kon ka alope, kitiya ŋuna ajokak Sion; todukok nabo ŋarwatatain a Yerusalem.

Ŋakit. 15:8

Erae ŋamuronisya a ŋulu aronok asiilyo aneni a Ekapolon, nai elakara Ekapolon aŋuna ka akilip a ituŋanan a ŋini iyookino.

Ŋakit. 21:3

Akitiya ŋuna iyookino ka ŋuna ajokak, erae akitiya ŋuna ecamit Ekapolon ainanakin ŋina epol nooi akilo amuronot neni a Ekapolon.

Isa. 1:1

Erae nu ŋakiro ŋuna abu Akuj kisileerek Isaya lokoku ka Amos aŋuna a ŋituŋa a Yudaya ka Yerusalem alorwa a ŋulu epukatotor Usia, Yosan, Aas ka Esekia ŋulu arae ŋirwosi a Yudaya.

Isa. 40:16

Nyepedorete ŋakito a amoni a Lebanon akitemokin akinokia akim, kori nyitemokin tari ŋityaŋ a amoni a Lebanon aŋuna a ŋamuronisya a ŋuna epeyo.

Yer. 19:5

arubakis daŋ edukete ŋakiboisyo ŋuna aoyak aŋuna a Baal, apeyo anakim ŋidwe kec ikwapei ŋainakineta ŋuna epeyo aŋuna a Baal, ŋakiro ŋuna nyicika, kori nyetubuno ayoŋ atemar kitiyae ka nyetamuna ayoŋ ŋakiro kaŋ tari ŋina erae atamun.

Yer. 6:20

Ekainyo kaŋ ekinyate ŋolo eyaunitae alo Seba, kori akasirimaete ŋina abobon ŋina eyaunitae anakwap a ŋina alwanan? Nyacamit ayoŋ ŋainakineta kus ŋuna epeyo, kori nyeketalakarito ayoŋ tari ŋamuronisya kus.

Yer. 7:31

Tosodi erubakinito ikes edukete namuroet ŋina enyaritae Topes ŋina eyai nakadipaalat a lokoku a Inom, aŋuna ka apeyo ŋidwe kec ŋulusapa ka ŋulupesur anakim, erae ŋun ŋakiro ŋuna pa ecikit ayoŋ ikes akitiya, kori amam jik ŋakiro ŋun anatameta kaŋ.

Esek. 23:37

anerae adaut ikes akilom ka akiar. Amalaan ikes anakujo kec; adaut tari akiar ŋidwe kec erae ŋamuronisya ŋuna einakinitae neni a ŋakujo erae akimuj, nai arae aŋuna kaŋ auruunere ŋidwe ŋul.

Osea 5:6

Elosete ikes akiwaarit Ekapolon emeto ŋamesekin ka ŋaatuk, nai nyeryamunete ikes Ekapolon, emyek Ekapolon ikes.

Osea 6:6

anerae acamit ayoŋ aneni kus amina ŋina nyiryaŋiryaŋa, meere amuronot; acamit ayoŋ iyes itoyenut Akuj akilo ayaunun neni keŋ ŋainakineta ŋuna epeyo.

Ŋilep. 18:21

Nyipotosi idio alodwe kus erae amuronot neni a akuj a ŋina enyaritae Molek, erae ŋun akiyanya ekiro ŋolo ka Akuj kus. Arae ayoŋ Ekapolon.

Ŋilep. 20:1

Tema Ekapolon neni a Moses,

Amos 5:22

Tari kiyaut iyes neni kaŋ ŋainakineta kus ŋuna epeyo ka ŋuna a ŋikinyom, nyacamuni ayoŋ ikes, tari ŋainakineta kus ŋuna ke ekisil nyeketalakarete ayoŋ.

Pil. 1:12

Eyakuunit tokona ayoŋ iŋes neni kon, iŋes ŋolo emina etau kaŋ nooi.

Ŋikat. 11:31

ituŋanan nai daadaŋ ŋini isyauni alomun alokai kaŋ akisiryam ayoŋ apaki ŋina aboŋunio ayoŋ alojie kadau akiloun Ŋiamoni, eruwor ituŋanan ŋin ŋini ke Ekapolon, einakinio iŋes neni ke Ekapolon erae ainakinet ŋina epeyo.”

Ŋikat. 11:39

Ani elunyar ŋilapyo ŋiarei, toboŋo apese ŋin neni a papa keŋ, abu nai papa keŋ kitiya neni keŋ ikwapei sek ekoŋitor; mam pa eryamakina apese ŋin ka ekile. Aŋun aponi togeunae etal alo Isirael

1 Sam. 15:22

Nai toboŋok Samuel Saul tema, “Elakara mono Ekapolon aŋuna a ŋainakineta a ŋuna epeyo ka ŋamuronisya lopite ŋolo elelyania iwuapito ŋituŋa ŋakiro keŋ a? Kiira! Ejok akiwuap ŋakiro a Ekapolon akilo amuronot, ido ejok akipup ŋakiro a Ekapolon akilo ainanakin iŋes asepwae a ŋimeesekin,