Mika 6:5 - Ebaibul

⁵ Ŋikaatuŋa, totamutu ŋakiro ŋuna abu erwosit ŋolo a Moab ŋolo anyaritae Balak totuk akitiya neni kus, ka ŋuna abu Balaam lokoku a Beor toboŋok Balak. Totamutu ŋakiro ŋuna apotu kitiyakin neni kus alorot ameun alo Sitim tari Giligal. Totamutu ŋakiro ŋun, ikotere iyenunete ŋuna abu ayoŋ etiya aŋuna ka aiun iyes.”

Mika 6:5 Iomraidhean Croise

Ŋikiru. 111:4

Nyecamit Ekapolon iwon ikimuryakis ŋiticisyo keŋ ŋulu ka aumokin; erimaana Ekapolon ka isyoniono.

Ŋikiru. 143:11

Okoe Ekapolon, aŋuna ke ekiro kon, kiyokoi ayoŋ; anakiyookino kon, toiunae ayoŋ alocan.

Ŋikiru. 36:10

Kiturubak amina kon ŋina nyiryaŋiryaŋa eyai neni a ŋulu ikiyenete iyoŋ, ka ajokis kon eyai neni a ŋulu iyookino alotai.

Ŋikiru. 71:19

Okoe Akuj, edolit akiyookino kon kidiama nooi, itiya iyoŋ ŋiboro ŋulu apolok nooi. okoe Akuj, ŋae ikwaanatar iyoŋ?

Isa. 1:27

“‘Elakunio ŋituŋa a Sion anatubokino a ŋina iyookino ka elakunio anakiyookino ŋulu ekiyete, ŋulu iboiyete alotooma keŋ.

Ekim. 22:41

Akoloŋit ŋina atupakini ŋin, ya Balak Balaam kitipeiyorya Bamos-Baal, apedorit iŋes a nen akiŋolikin Ŋisirael ŋice.

Ekim. 23:27

Aŋun, tolimok Balak Balaam tema, “Bua tokona, akayai ayoŋ iyoŋ nakibois ace, acepaki italakari Akuj akicen ikes aŋuna kaŋ anakibois a ŋin.”

Ekim. 25:1

Ani eriŋa Ŋisirael elomito Sitim, kisyakis ŋikilyok a Ŋisirael akiryamanakin ka ŋaberu ŋuna arae Ŋamoabi.

Ekim. 25:2

Apotu ŋaberu ŋun torikokis Ŋisirael akitiya ŋamuronisya neni a ŋakujo a Ŋimoabi, kisyakis Ŋisirael akimuj ka akilip neni a ŋakujo a Ŋimoabi.

Ekim. 31:16

Ŋaberu nu pei nu, apotu kiwuapa ŋakiro a Balaam, ido apotu inakis Ŋisirael akiŋer Ekapolon anakiro a ŋuna apotu kitiyakin alo Peor, toyakaunor edeke ŋolo abu toar ŋituŋa ŋulu ke Ekapolon.

Ekim. 31:8

Toara ikes ŋirwosi a Midian lu: Epi, Rekem, Sur ka Ur ta Reba. Arae ŋul ŋirwosi ŋikan ŋulu a Midian ŋulu apotu Ŋisirael toara kaapei ka ŋituŋa a Midian ŋice, toara daŋ Ŋisirael a ekileŋ Balaam lokoku a Beor.

Ekim. 33:49

Toloma Ŋisirael diyete Yorodan ageun alo Bes-Yesimos tari Abel-Sitim nadipoe a Moab.

Ŋiep. 2:11

Totamunito epite ŋolo paaran sek ayakar akiyar kus; iyes ŋituŋa ŋulu ikidounitoe pa iraakasi Ŋiyudayan, ŋulu ikinyarito Ŋiyudayan “Ŋulu nyikileŋeritae”. Ebasi Ŋiyudayan ŋul ikirae ikes ŋulu ikileŋeritae, anerae iwuapito ikes etal ŋolo ka akileŋeryo ŋawat, lopite ŋolo ileŋeryata ŋituŋa ŋawat kec a ŋileŋia

Ŋikis. 16:3

Ani inyamete iyes amuronot ŋin, nyinyama iŋes ka idiobore ŋini eyakar ŋakinyalet. Emaikina iyes tonyama ŋamugati ŋuna emam ŋakinyalet ka akiriŋ a amuronot a ŋin ŋirwa ŋikanikaarei, anerae ipotu iyes tolomut anakwap a Ijipit ikirikirasi nooi, aŋun emaikina iyes ŋirwa a akiyar kus daadaŋ totamunito akoloŋit ŋina irotokinioto iyes anakwap a Ijipit.

Ŋikis. 23:6

Ŋirwa daadaŋ ŋulu iyareta iyes nyicamut akisil ka ikes, kori nyitabara ikes.

Ŋikis. 8:18

Nai totamunito Ekapolon Akuj kus, iŋes ikiinakini iyes agogoŋu ŋina iryamuniata abaru, ikotere isiyookini iŋes Acamunet keŋ ŋina abu iŋes kikoŋ neni a atapapaa kus, ido lopite ŋolo esiyookinio iŋes nakoloŋit na.

Ŋikis. 8:2

Totamunito erot ŋolo aoyan ŋolo abu Ekapolon Akuj kus ikirikyo iyes analoŋisat ŋikaru ŋatomoniomwon lu, ikotere itiditeunosi iyes make ka ikikatanak iyes aŋuna ka ayenunia ŋakiro ŋuna aya lotai kus ka ayenunia erae kipedorete akiwuap ŋakiciketa keŋ, kori mam.

Ŋikis. 9:7

Totamunito ka nyikimuryak iyes epite ŋolo itoŋoitotor iyes Ekapolon Akuj kus analoŋisat, irubakinete iyes iŋereneneete Ekapolon ameun anakoloŋit a ŋina ilomuniata iyes alo Ijipit akitodol akoloŋit ŋina idolunioto iyes nakibois na.

Yos. 2:1

Kiyakiya nai Yosua ŋolo arae lokoku a Nun ŋirototin ŋiarei aneni anyaritae Sitim alosit akireb anakimunono. Kicik ikes tema, “Toloto torebo akwap, torae nooi Yeriko.” Toloto ikes, tolomasi ewari kai ŋina ka amalaat a ŋina anyaritae Raab topero nen.

Yos. 3:1

Taparacu sek, kisyokakis Yosua akienyun ka Ŋisirael daadaŋ towotokis alo Sitim, toloma Kide aŋolol Yorodan.

Yos. 4:19

Adokete Ŋisirael aŋolol Yorodan ŋirwa ke elap ŋitomon, elap ŋolo ke epei alopite a ŋolo imaryata ikes ŋilapyo. Toloma ikes neni enyaritae Giligal alo Kide Yeriko.

2 Pet. 2:15

Aesikis ikes erot ŋolo idiiri, aoliyosi alorot kec; atupakis erot a Balaam, a lokoku a Bior a ŋolo amina ŋisiliŋa ŋulu aryamununui iŋes alorotin a ŋulu aronok.

1 Yoa. 1:9

Nai ani kikilimo iwon ŋasecisya yok, isyoni Akuj ŋasecisya yok, ikitesegu iwon alopitesyo a ŋulu aronok a daadaŋ; anerae nyiloconokini iŋes ŋuna alimu ka iyookino.

Yud. 1:11

Ekaŋ neni kec! Anerae ewuapakis ikes epite a Kain. Aŋuna a ŋisiliŋa, amaryaarosi ikes nadyakaret ŋina koloŋ a Balaam. Ikwapei Kora, awout ikes eboŋito ka inyasunio ikes.

Akis. 2:14

Nai eketoroniyarit ayoŋ iyoŋ a ŋakiro a ŋadi a nu: “Eyakasi kidiŋ kus ŋituŋa ŋice ŋulu etupito akitatam ŋina ke ekile a ŋolo enyaritae Balaam, a ŋolo koloŋ abu kitatam ekile ŋolo enyaritae Balak akicocoiyar Ŋisirael nasecit anakitanyam ŋamuja ŋuna ainakinitae ŋakujo ka akitiya amalao.

Ŋikat. 11:25

Ijok mono iyoŋ akilo erwosit Balak lokoku a Sipor a ŋolo a Moab a? Abu mono iŋes todiŋakinos ka Ŋisirael, kori abu mono iŋes kitiji Ŋisirael a?

Ŋikat. 5:11

kiirasi ŋitoilon a ŋituŋa a ŋulu eya diyete ŋakare, iseraete ikes a nen akiloun ŋina ke Ekapolon ŋuna elounia, akiloun ŋina elouniata Ŋisirael. Apotu ŋituŋa a Ekapolon totiyaaros lopukei a ŋitaunio kec.

1 Sam. 12:7

Aŋun, nai tokona, totena, anerae alosi ayoŋ akisileerekin iyes ŋakiro alokiŋaren Ekapolon, ido akalimokini ayoŋ iyes ŋaiununuet daadaŋ, ŋuna abu Ekapolon itoiunia iyes ka toiunia atapapaa kus.