Mika 6:16 - Ebaibul

¹⁶ anerae iwuapa iyes ŋakiro ke erwosit Omiri ka etiyata ŋituŋa kon ŋiticisyo daadaŋ ŋulu etiyaete ŋituŋa ke ekal ka Aab, iwuapa iyes ŋakiro ŋuna aronok ŋuna etiyaete ikes. Aŋun, ekepotokini ayoŋ iyoŋ namunaaro ka ŋituŋa kon najamuwaro; ikitekinete iyoŋ ŋituŋa a ŋakwapin irae koŋin.”

Mika 6:16 Iomraidhean Croise

1 Ŋirw. 18:4

Apaki ŋina aarya Yesebel ŋikadwarak ŋulu ke Ekapolon, keris Obadia keya ŋikadwarak amiat kiwua anaturukanin a ŋaarei, ŋatomonikan a ŋinaturukan, inanari ikes ŋamugati ka ŋakipi a nen.)

1 Ŋirw. 9:8

Eruwor Akai na ŋina tokona iteete iyes eoya na ereŋorot ŋolo etukosi ŋakielet keŋ; ituŋanan daadaŋ ŋini itori nen, eumokini topodok tema, ‘Kaanukiro etiyaa Ekapolon ŋakiro nu nakwap na ka Kai na?’

2 Ŋirw. 16:3

nai abu iŋes kiwuap epite ŋolo a ŋirwosi a Isirael. Abu tari kisitor lokoku keŋ kidiŋ akim, iwuapit ŋitalyo ŋulu aronok ŋulu a ŋituŋa a ŋakwapin a ŋuna abu Ekapolon kirita apaki ŋina adolunioto Ŋisirael nakwap ŋina aya ikes.

2 Ŋirw. 21:3

Abu iŋes toduku nabo ŋakiboisyo nenimukur ŋuna koloŋ abwaŋabwaŋaari papa keŋ Esekia, ŋuna arae ŋakilipet ŋakujo. Toduku iŋes ŋamuroeta ŋuna ilipere Baal. Kitiyau iŋes etorube a akuj a ŋinaberu a ŋina anyaritae Asera, lopite ŋolo koloŋ etiyaa erwosit Aab ŋolo a Ŋisirael. Kilip Manase tari neni a ŋikacer ka abu kitiya aŋuna kec.

2 Ŋakiro a ŋirwa 22:4

Abu Aasia kitiya ŋuna aronok alokiŋaren Ekapolon, lopite ŋolo sek etiyaa ekal ka Aab, anerae ekaku ketwana papa keŋ, apotu ŋituŋa a ekal ka Aab toruwor ŋiketatamak Aasia akitodol ŋina amunaaryata iŋes.

2 Ŋakiro a ŋirwa 34:25

Aŋuna akaŋeryoto ikes ayoŋ ka aŋuna ainakiniata ŋainakineta neni a ŋakujo a ŋace, adaut ikes akitoŋo ayoŋ nooi aloticisyo a daadaŋ a ŋulu itiyaete ikes. Aŋun, eyatakin aŋoit kaŋ nooi aŋuna a ŋituŋa a akibois a na, ido nyedaun aŋoit kaŋ jik.’

Ŋikiru. 1:1

Elakara ŋituŋa ŋulu nyiwuapito ŋicocoi a ŋituŋa a ŋulu aronok, kori nyiwuapito ŋipitesyo a ŋikasecak, kori ŋulu nyiboiyonokin natukot a ŋulu ejamuwarito Akuj;

Ŋikiru. 44:13

Ikituruwo iyoŋ isua ŋulu ikikyenatar ŋikidunyet kosi, ikituruwo iyoŋ isua ŋulu ikijamuwarito ka ikikyenatar ŋikidunyet kosi.

Ŋikiru. 44:14

Ikituruwo iyoŋ isua ŋulu ikirworotor ŋituŋa a ŋakwapin ka ŋulu ikikyenare.

Isa. 25:8

Emyetari nai Ekapolon Akuj ŋakiyo anakonyen a ŋituŋa a daadaŋ, elemari iŋes akadakinit aneni a ŋituŋa keŋ anakwap a daadaŋ. Ekapolon elope alimu ŋun.

Isa. 9:16

anerae apotu ŋulu sek epukato ŋituŋa lu kitooliyosi ikes ka apotu ŋituŋa ŋulu epukatae ikes nyeyenut ŋuna emaikina kitiyata.

Yer. 19:8

Eturuwori ayoŋ etaun lo ŋolo a ŋinyas, etaun ŋolo ejamuwaryo. Ebuli ituŋanan daadaŋ itori diyete keŋ ka ejamuwari etaun ŋol aŋuna a ŋinyas a daadaŋ a ŋulu etiyakin lotaun ŋol.

Yer. 25:18

Ŋituŋa ŋulu apotu tomata epiini ikes lu: Ŋituŋa a Yerusalem ka ŋituŋa a ŋitaunio a Yudaya, ŋirwosi keŋ ka ŋikapolok. Apotu ŋitaunio ŋul toruworos ŋireŋoroto, ŋicaryo ŋulu ejamuwanaryo ka ŋulu icenio, lopite ŋolo eyakatar nakoloŋit na.

Yer. 25:9

Anyarauni ayoŋ ŋituŋa a ŋikabilae a ŋulu a lo Kuju ka a eketiyan kaŋ Nebukadinesar ŋolo a Babilon, ayauni ayoŋ ikes kitijioto akwap na anyarauni ayoŋ ikes kitijioto ŋituŋa a Yudaya ka ŋituŋa a ŋakwapin a daadaŋ a ŋuna idunyatar ikes. Amunyari ayoŋ ikes jik, eturuwo ikes ŋulu ebulit ka ŋulu irumito ŋileec ta ŋulu inyasuna ŋikaru ka ŋikaru.

Yer. 29:18

Ewuapakini ayoŋ ikes a ejie, a eron ka edeke, eturuwori ayoŋ ikes ŋulu nyejokak aneni a ŋituŋa a ŋakwapin a daadaŋ anakwap, eruworosi ikes ŋulu ilamitae, ŋulu nyejokak aneni a ŋulu iŋolikinete ikes, ŋulu ejamuwaritae,

Yer. 51:51

Ibasi iyes, ‘Ikisurumi isua ŋileec, anerae ikiyanyo isua ikijamwari isua, elelebun ŋileec loreetin kosi, anerae apotu ŋituŋa ŋulugelae, nakiboisyo ŋuna asegak alo Kai ke Ekapolon.’

Yer. 7:24

Nai apotu ikes nyiwuapa ŋakiro kaŋ kori nyikatakis apupokin, nai anakisyaanu a ŋina ka acamit akitiya aronis, apotu ikes kiwuapa ŋuna acamito akitiya, ido tomitakis akitiya ŋuna alunyarosi akilo ŋuna eponito.

Aum. 5:1

Okoe Ekapolon, totamu ŋakiro ŋuna etiyakinosi neni kosi, kiŋoliu neni kosi, ikotere kiŋolik epite ŋolo ikijamuwarere isua.

Esek. 39:26

Nyetamunete nabo jik ikes ŋileec kec ka ŋakiro daadaŋ ŋuna apotu ikes kitiya emam akikinyomit ayoŋ apaki ŋina eboiyoto ikes anakwap kec emam awasya ka emam ituŋanan etukuryani ikes.

Dan. 9:16

Okoe Ekapolon, alopite a ŋolo iwuapitor iyoŋ ŋuna ka akiyookino kon a daadaŋ, ikilipi nyicamak aŋoit kon ka anyunyura kon min lotaun kon Yerusalem ka lomukura kon ŋolo asegan. Aŋuna a ŋasecisya kosi ka aŋuna a ŋaronisya atapapaa kosi, aruwor Yerusalem ka ŋituŋa ibore ŋini emam ajokis alokidunyeta a daadaŋ.

Osea 12:14

Etiyata ŋituŋa a Epuraim aronis ŋina ailiilon nooi, aŋun, ebuni Ekapolon kec akisican ikes aŋuna a ŋituŋa a ŋulu apotu ikes toara, isicani Ekapolon ikes aŋuna a ŋiyany kec.

Osea 5:11

Isicanitae Epuraim, amunaar iŋes anatubokino anerae atenikinit iŋes akiwuarit akiŋarakino aneni a ŋakujo aŋuna nyepedorete akiŋarakin.

Mika 2:6

Ebasi ŋikadwarak kec neni kaŋ ebe, “Nyikilimonok isua ŋakiro ŋun daadaŋ. Nyelemari Ekapolon ajokis keŋ aneni kosi.

Mika 6:13

Aŋun, esyaki ayoŋ amunaar iyoŋ, esyaki ayoŋ akitisilun iyoŋ aŋuna a ŋasecisya kon.

Akis. 2:20

Nai eketoroniyarit ayoŋ iyoŋ a ŋakiro a nu: “Icamakinit iyoŋ aberu ŋina enyaritae Yesabel, ŋina ebala ebe arae iŋes akadwaran. Anakitatam keŋ, ecocoiya ŋiketiyak kaŋ, aya akitiya amalao ka akinyam ŋamuja ŋuna einakinitae ŋakujo ŋace.