Mika 6:1 - Ebaibul

¹ Kiirasi ŋakiro ŋuna irworo Ekapolon: “Tonyoutu! Todyekanaros aŋuna a ŋakiro kus aloŋaren ŋimoru, kimyekisi ŋikamukumukui kiirasi ŋitoilon kus.

Mika 6:1 Iomraidhean Croise

Ŋikiru. 50:1

Akuj Ekapolon ŋolo etiron, iŋes irworo enyarit akwap daadaŋ ŋinapei alo Kide tari To.

Ŋikiru. 50:4

Enyarit iŋes nakuj ka akwap, kiŋolikisi epite ŋolo etubio iŋes ŋakiro a ŋituŋa keŋ.

Isa. 1:2

Kirwor Ekapolon tema, “Kiirasi okoe nakuj ka akwap! Anerae adau Ekapolon alimun ŋakiro nu, ‘Abu ayoŋ etan ŋidwe ka abu etopolou ikes, nai akaŋero ikes ayoŋ.

Isa. 3:13

Aten tokona Ekapolon alimokin ŋituŋa aronis kec, aten tokona Ekapolon atubokin ŋituŋa.

Yer. 13:15

Ŋituŋa a Isirael kiirasi ka topupokisi nyisyaaketa anerae adau Ekapolon akirwor.

Yer. 22:29

Okoe akwap, akwap, akwap, kiira ŋakiro a Ekapolon.

Esek. 36:1

Abu Ekapolon tema, “Lokoku a ituŋanan, todwar ŋakiro neni a ŋikamukumukui a Isirael, tolimok atemar okoe ŋituŋa ŋulu iyakasi lokamukumukui a Isirael, kiirasi ŋakiro a Ekapolon.

Esek. 36:8

“Nai alokamukumukui a ŋulu alo Isirael, elibunete nabo ŋakuii alokito ka erayete ŋikito aŋuna a ŋituŋa kaŋ a Ŋisirael, anerae eapi ikes aboŋun nakwap kec.

Esek. 37:4

Tema nai iŋes neni kaŋ, “Todwar aŋuna a ŋakoyo anu, tolimok ikes atemar, okoe iyes ŋakoyo ŋuna aonok deu nu, kiirasi ŋakiro a Ekapolon.

Esek. 6:3

Tolimok ikes ebe, ‘okoe, ŋimoru a Isirael, kiirasi ŋakiro a Ekapolon Akuj, irworo Ekapolon ŋakiro keŋ neni kus ŋimoru ka ŋikamukumukui, neni kus ŋakadipaalae ka ŋayona, irworo iŋes atemar kiirasi, eyakuuni ayoŋ ŋikaarak lotuŋa kus ka alemari ayoŋ ŋaitae kus.

Amos 3:1

Tema Amos, “Kiirasi ŋakiro nu ŋuna irworo Ekapolon neni kus ikitoroniyarit iyes ŋituŋa a Isirael, iyes ŋituŋa daadaŋ ŋulu abu Ekapolon ikiyau anakwap a ŋina a Ijipit.

Mika 1:2

Kiirasi ŋakiro nu iyes ŋituŋa daadaŋ; topupokisi ŋakiro nu, iyes ŋulu iboiyete anakwap a daadaŋ. Elimori Ekapolon ŋolo Etiron ŋuna ikisitakinitor iyes. Irworo iŋes alo Kai keŋ anakuj.

Mika 1:4

Etalarete ŋimoru alokwap keŋ, ikwa etalarya amanok anakim; etiyaarosi ikes nakadipaalae, ikwa etiyaarotor ŋakipi kwap alomukura,

Mika 5:15

Anaŋoit kaŋ a ŋina apolon nooi, esicani ayoŋ ŋakwapin daadaŋ ŋuna awout akiwuap ayoŋ.”

Mika 6:2

Kiirasi iyes ŋimoru ŋakiro ŋuna isitar Ekapolon, topupokisi iyes ŋawoeta ŋuna ka akwap ŋuna a ŋikaru ka ŋikaru, eyakar Ekapolon asitan lotuŋa keŋ, isitakinit iŋes Ŋisirael.

Luk. 19:40

Toboŋok Yesu ikes tema, “Akalimokini ayoŋ iyes atemar, ani kililiŋa ikes, ecelunete ŋamoru nu.”

Ŋikis. 32:1

Okoe kidiama, topupok, ido erwor ayoŋ, okoe akwap kiira ŋakiro ŋuna erworo ayoŋ.

Ŋikis. 4:26

anyarae ayoŋ nakuj ka nakwap kisuudata ŋakiro kus nakoloŋit na ikitoroniarito iyes, ido imunyarosi iyes daadaŋ alotooma apaki ŋina euruwuana anakwap a ŋina elomaryo iyes kidokasi ekekwaye Yorodan ituruworete akwap ŋin ŋina kus, nyiboiyete iyes a nen ekaoyan, nai ikimunyaryo iyes daadaŋ.

1 Sam. 12:7

Aŋun, nai tokona, totena, anerae alosi ayoŋ akisileerekin iyes ŋakiro alokiŋaren Ekapolon, ido akalimokini ayoŋ iyes ŋaiununuet daadaŋ, ŋuna abu Ekapolon itoiunia iyes ka toiunia atapapaa kus.

1 Sam. 15:16

Tema nai Samuel neni a Saul, “Tojoŋo erwosit! Acamit ayoŋ alimokin iyoŋ ŋakiro ŋuna abu Ekapolon okolimok ayoŋ bien nakwaare.” Toboŋok iŋes tema, “Tolimu!”