Mika 5:8 - Ebaibul

⁸ Alokidiŋ ŋakwapin eyakaun ŋipiya a Yakob, eyakaun ikes kidiŋ ŋituŋa ŋulu alalak, ededeŋiata ikwa eŋatuny alokidiŋ ŋityaŋ ŋulu ka amoni, ikwaanikin ka iŋatuny ŋini eyai kidiŋ esipan a ŋamesekin, ŋini ani eporokini amesek, iimakini kwap toryeta ka tonyilinyiliya, todaun ikaiunan amesek.

Mika 5:8 Iomraidhean Croise

Akisy. 49:9

Ikwaanikin iyoŋ Yuda ka itaok a eŋatuny, iboŋuni iyoŋ ikoku kaŋ, anibore a ŋini iari iyoŋ. Ikwaanikin iyoŋ ka eŋatuny, iriyori iyoŋ akuwan toper; ikwaanikin iyoŋ ka aŋatuny, emam ŋini ikatakini akitoŋo iyoŋ.

Ŋikiru. 104:20

Isubunit iyoŋ akiryonut, erae nen akuwar, apaki ŋin iŋes elomuniata kiŋa anamon ŋityaŋ daadaŋ ŋulu alyatok.

Ŋikiru. 44:5

Napedor kon iŋes ikibwaŋia isua ŋimoe kosi; napedor kon iŋes ikimunyarya isua ŋimoe kosi.

Ŋikiru. 50:22

“Totamatamata ŋakiro ŋun, iyes idaut ajamuwar ayoŋ, ani kemam, akamunyari ayoŋ iyes, emam ituŋanan ikiuni.

Ŋakit. 30:30

Eŋatuny ŋolo erae iŋes egogoŋ alotyaŋ a ŋulu ka ariet a daadaŋ, ido nyekerit eŋatuny etyaŋ edio;

Isa. 5:29

Irurumaete ikes ikwa eŋatuny, irurumaete ikes ikwa ŋiŋatunyo ŋulusorok ŋulu iiligakinete, ido kikamut etyaŋ ŋolo enyamete ikes, ido kiwokosi iŋes a nen yaasi neni nyepedorere ademar ikes.

Esek. 39:10

Nyemitakinete ikes akikeyen ŋakito anariet, kori akiyep ŋikito ŋidi anamoni aŋuna a ŋakito, anerae inokete ŋakimya kec a ŋiboro a ŋulujiet. Eŋatarete ikes ŋiboro a ŋituŋa a ŋulu apotu toŋatasi ŋiboro kec ka elemarete ikes ŋiboro a ŋituŋa a ŋulu apotu tolemasi ŋiboro kec.”

Osea 5:14

Aryanyaanikini ayoŋ Epuraim lopite ŋolo eryenyaania eŋatuny ka Yudaya lopite ŋolo eryenyaania itaok a eŋatuny. Ayoŋ elope amunyari ikes, ido emyek a nen, ani kariko ayoŋ ikes, mam ituŋanan epedori aiun ikes.

Mika 2:12

“Okoe iyes ŋituŋa a Yakob, kire jik, akacunakini ayoŋ iyes daadaŋ iwapei, acunakini ayoŋ ŋipiya a Ŋisirael; acunakini ayoŋ ikes kaapei ikwa iudere ŋamesekin nanok, acununi ayoŋ ikes ikwa ecunere esipan a ŋamesekin anadakar; ilelebun ŋituŋa nakibois kus nooi.

Mika 4:13

Ebala Ekapolon ebe, “Ŋituŋa a Yerusalem, toloto kisicana ŋimoe kus, eketogogoŋi ayoŋ iyes ikwa emaanik ŋolo egogoŋ ŋamomwar ikwa ŋasuwa ka togogoŋ ŋimolokony ikwa eburonis. Ireunete iyes ŋakwapin ŋuna alalak, ikiinakinete iyes ayoŋ ebari kec ŋolo kepotu ikes toŋatut anaryenyeo. Iyaunete iyes ebari ŋol neni kaŋ ke Ekapolon a akwap a daadaŋ.”

Mika 4:7

Eteyari ayoŋ ŋikaŋwalak ŋulupiya, eturuwori ayoŋ ŋulu aponi yae erae ŋirikon ŋituŋa ŋulu egogoŋ. Ayoŋ Ekapolon epukae ikes alokamukumukut Sion, akisyakin anakoloŋit a ŋin tari ŋikaru ka ŋikaru.

Mika 5:3

Aŋun, imyekini Ekapolon ŋituŋa keŋ mono a lomoe kec, akitodol ŋina idounio aberu ŋina emaikina kidou lokoku keŋ, ŋolo erae ekepukan. Apaki nai ŋin iŋes eboŋunioto ŋikaitotoi keŋ ŋuluce kimorikin ka Ŋisirael.

Mika 7:18

Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Sakar 10:5

Eruwor ŋituŋa a Yuda ŋikelounak ikwaanikin ikes ka ŋasigarya ŋuna ipudakinete ŋimoe kec locoto ŋolo a ŋirotin ke etaun. ejiete ikes ka agogoŋu, anerae erukito ikes ke Ekapolon; ereunete ikes tari ŋimoe ŋulu isitiyaete ŋaŋolei.’

Sakar 11:6

Emam nabo ituŋanan eroko ayoŋ esyoni anakwap. Emyekini ayoŋ ŋituŋa kipukata ŋulu epolokinito ikes. Emunaarete ŋikepukak ŋul akwap, ido nyaiuni ayoŋ ŋituŋa anapedor a ŋikepukak kec.”

Sakar 12:3

Akoloŋit ŋina ecunakinotor ŋakwapin a akwap a daadaŋ imanito Yerusalem, esikwaanikini ayoŋ Yerusalem ka ataaba ŋina nyesubanakin. Ewanasi make ŋakwapin daadaŋ ŋuna ikatakinete alemar iŋes.

Sakar 14:18

Ani pa kelot Ŋijipitian akitipeiyor Yerusalem akinumunum ŋasuban ŋun, emam akiru eryamunete. Eyauni Ekapolon neni kec edeke ŋolo isicania ŋakwapin ŋuna apotu towout akitipeiyor akinumunum ŋasuban ŋuna a ŋisakaitei.

Sakar 9:15

Iuryari Ekapolon ŋolo Etiron ŋituŋa keŋ, ido emunyarete ŋituŋa a Ekapolon ŋimoe kec. Ecelunete ikes alo jie esibit ŋituŋa ŋulu emerasi, ido earete ŋituŋa a Ekapolon ŋimoe kec; toleleiyasi ŋaokot a ŋimoe kec ikwa ŋaokot a ŋamuronisya ŋuna ebukokinio Namuroet anabakule.

Mal. 4:3

Akoloŋit ŋin ŋina etiyakinia ayoŋ ŋun, ilounete iyes ŋulu itiyaete aronis, ipudaarete iyes ikes ikwa apuwa ŋina eyai kwap nakejen kus.

Ekim. 24:9

Apero ikes alokwap lopite ŋolo eperyo eŋatuny, lopite ŋolo eperyo aŋatuny edapit ibore, ŋae epedori akitonyoun ikes? Erereŋ ŋituŋa daadaŋ ŋulu ikiterereŋete iyes, icenen ŋituŋa daadaŋ ŋulu ikicenete iyes.”

Mat. 10:14

Ani kemam ituŋanan ŋini ikijauni kori ŋini iirari ŋakiro kus, totwakisi apuwa ŋina a ŋakejen kus nen, apaki ŋina irotokinioto iyes alokai a ŋin kori alotaun a ŋol.

Ŋitic. 18:6

Nai ani itepegete ikes iŋes ka kirworotor iŋes neni aronon, kilakilakaa iŋes ŋilowi keŋ tema, “Ani tokona kikitubok Akuj iyes, erae ŋun ŋuna kus! Emam ŋuna akatapito ayoŋ. Ameun tokona alosi ayoŋ lotuŋa ŋulu nyerae Ŋiyudayan.”

Ŋibur. 12:25

Tocoito iŋerete akiirar ŋakiro a ŋolo irworo. Ani nai pa kebucara Ŋisirael anatubokino apaki ŋina aŋeryoto ŋakiro a ŋolo eciki ikes anakwap, ikibucar nai iwon ikwaani, erae kikiŋer iŋes ŋolo ikiciki iwon anakuj?

Ŋibur. 2:3

Ikikokini nai iwon ikibucari anakisicanio ai, erae kikijamak aiuno ŋina epol ŋina etya na? Ekapolon koloŋ esyauni erwor ŋakiro ŋuna ka aiuno a ŋin ka apotu ŋulu eirarito ikitunupa atemar erae ŋakiro ŋun ŋuna a kire.