Mika 5:7 - Ebaibul

⁷ Epote nai ŋituŋa a Yakob ŋulu apiyanun akiboiyor nakwapin ŋuna alalak, ikwaanikin ikes a nen ka ŋakopi ŋuna eyaunit Ekapolon, ŋuna itojokete akwap, ikwaanikin ikes a nen ka akiru ŋina itilibuni ŋinya. Eruwor Akuj iyoki ikes, meere ituŋanan.

Mika 5:7 Iomraidhean Croise

2 Sam. 17:12

Aŋun, ikwaŋunio iwon Daudi anakibois a daadaŋ ikwaŋunere iwon iŋes. Etuumikisi iŋes, oburusiyasi lopite ŋolo eburusiyaryata ŋakopi akwap. Emam epite ŋolo ebucaror iŋes, kori ekile edio ŋolo erukitotor iŋes.

Ŋikiru. 110:3

Einakinosi ŋituŋa kon anacamit akoloŋit ŋina irikio iyoŋ ŋikajiok kon lojie alokidiama ŋimukura ŋulu asegak. Alopite a ŋolo eponiata ŋakopi taparacu, epote ŋisorok kon neni kon.

Ŋikiru. 133:3

Ikwaanikin ka ŋakopi ŋuna alomoru a ŋolo enyaritae Erimon, ŋuna eleleuneneete lomukur ŋulu a Sion, anerae nen iŋes adau Ekapolon akiikin ŋarereŋisyo keŋ, adau iŋes akiikin nen akiyar ŋina a ŋikaru ka ŋikaru.

Ŋikiru. 72:6

Elipi inak erwosit ajokis anapukan keŋ, ŋina ikoni ŋina einakini akiru ŋikinyom ŋulu elomete elipi kikok iŋes akiru ŋina itojoki akwap.

Ŋakit. 19:12

Ikoni aŋoit a erwosit neni irurumaa eŋatuny, nai ikoni ajokis keŋ ŋakopi alonya.

Isa. 32:15

akitodol akoloŋit ŋina iyakuunia Akuj etau alokidiama neni yok, ido eruwor aloŋisat akibois ŋina eya ŋimanikorin ŋulu araak ŋaraito ka ikwaanikin emanikor ŋolo araan ŋol ka amoni.

Isa. 44:3

anerae emyekini ayoŋ ŋakipi pena nakwap ŋina eyakar akure ka epete ŋaŋololin nakwap ŋina aonon; abukuni ayoŋ etau kaŋ neni a ŋiletok kus ka arereŋu kaŋ neni a ŋidwe kus.

Isa. 55:10

Ikwapei edounio akiru ka ŋakako alokidiama, ido nyeboŋosi kidiama mati mono kitapalala akwap, kituruput alokwap ŋicok a ŋinya ka ŋikito, inakis ŋicok apenare naturot, ido inakis eketan akimuj ŋina imuji,

Isa. 66:19

Ewuakini ayoŋ neni kec akitoodikinet, ido eyakiyari ayoŋ ŋipiya kec nakwapin, eyakiyari ikes Tarisis, Put ka Lud nakwapin a ŋituŋa a ŋulu eyenete akisitiya ŋikaleŋeleŋe; eyakiyari ikes Tubal ka Yapan nakwapin ŋuna alwanak ŋuna idunyito anam, neni a ŋituŋa a ŋulu nyiirarito ŋuna ka arwonu kaŋ, kori nyiŋolikina apolou kaŋ, elimorete ŋikiyakia ŋul apolou kaŋ nakwapin.

Yer. 14:22

Epedorete mono ŋakujo a ŋakwapin ayaun akiru a? Kori epedori mono kidiama akimyekin akiru bu a? Okoe Ekapolon Akuj kosi, meere mono iyoŋ iyauni a? Ikiwuakinit isua akigeno kosi neni kon, anerae iyoŋ itiyae ŋun daadaŋ.

Esek. 14:22

Tari keyakaun ŋul, epiyanun alo Yerusalem ŋituŋa ŋice, eyaunete ŋituŋa ŋul ŋidwe kec ŋulusapa ka ŋulupesur kiŋa etaun. Epote ikes neni kon Esekiel, ani iŋolikini iyoŋ ŋipitesyo ka ŋiticisyo kec, etikiun etau kon aŋuna iŋolikinia atemar iyookino akisicanet ŋina abu ayoŋ oyau Yerusalem, ikilimokinete iyoŋ ŋakisicaneta daadaŋ ŋuna etiya ayoŋ nen atemar iyookino ŋakiro ŋuna abunio ayoŋ esicania Yerusalem.

Esek. 47:1

Abu ekile ŋol ekenyaku ayoŋ lopuke ŋolo ka Akai ka Akuj, abu ayoŋ eŋolik a nen ŋakipi ŋuna aleleete alokwap epuke ŋolo ka Akai ka Akuj; aleleete ŋakipi ŋun lowae ŋolo alo Kide (anerae eŋoliyarit Akai ka Akuj lowae ŋolo alo Kide); aleleete ŋakipi ŋun alokwap epuke ŋolo ka Akai ka Akuj alowae a ŋolo alo Kwap, etorito diyete namuroet alowae a ŋolo alo Kwap.

Esek. 5:5

Ŋakiro ŋuna irworo Ekapolon Akuj ikes nu, “Kiŋolikisi mono iyes Yerusalem. Adau ayoŋ asekin iŋes kidiŋ ŋakwapin, eya ŋakwapin ŋunace nawaetin keŋ daadaŋ.

Dan. 11:32

Alososwae, emodiyari erwosit ŋol ŋituŋa ŋulu nyeriŋa iwuapito acamunet a ŋituŋa kec ka Akuj, nai ŋituŋa ŋulu iwuapito ŋuna ka Akuj kec, erubakinete iwuapito ŋuna ka Akuj ka eŋerito ŋuna a erwosit.

Osea 14:5

Ikikwaanikin ayoŋ ka ŋakopi aneni a Isirael, eturokini iŋes ikwa aturot ŋina ka amatata, edupakin ikes nakwap ikwa ŋataagor a ŋikito a amoni Lebanon,

Osea 6:3

Oyenutu, omunikisi jik ayenun Ekapolon, kire jik, etakanuni iŋes, lopite ŋolo iwalanarya akwap, ebuni iŋes neni yok, lopite ŋolo eponiata ŋakipi alokidiama, ebuni iŋes neni yok, lopite ŋolo ilimia akiru iceere kitapalal akwap.”

Yoel 2:32

Nai ituŋanan daadaŋ ŋini enyarit ekiro ŋolo ke Ekapolon, eiunio; anerae eyakaun lomukura Sion ka Yerusalem ŋulu esiyete anakiro a ŋun, ikwapei alimunio Ekapolon, ido ŋice alokidiŋ ŋulu ideun, eruworosi ŋulu erae Ekapolon enyarae.”

Amos 5:15

Toŋero aronis, tominakisi ajokis, torubakisi itubonokinete anakiyookino ŋituŋa aloikiikoi kus. Acepaki isyoni Ekapolon ŋolo Etiron ŋituŋa ŋulu ka akwap a na ŋulu idoŋito eyarete.

Mika 2:12

“Okoe iyes ŋituŋa a Yakob, kire jik, akacunakini ayoŋ iyes daadaŋ iwapei, acunakini ayoŋ ŋipiya a Ŋisirael; acunakini ayoŋ ikes kaapei ikwa iudere ŋamesekin nanok, acununi ayoŋ ikes ikwa ecunere esipan a ŋamesekin anadakar; ilelebun ŋituŋa nakibois kus nooi.

Mika 4:13

Ebala Ekapolon ebe, “Ŋituŋa a Yerusalem, toloto kisicana ŋimoe kus, eketogogoŋi ayoŋ iyes ikwa emaanik ŋolo egogoŋ ŋamomwar ikwa ŋasuwa ka togogoŋ ŋimolokony ikwa eburonis. Ireunete iyes ŋakwapin ŋuna alalak, ikiinakinete iyes ayoŋ ebari kec ŋolo kepotu ikes toŋatut anaryenyeo. Iyaunete iyes ebari ŋol neni kaŋ ke Ekapolon a akwap a daadaŋ.”

Mika 4:7

Eteyari ayoŋ ŋikaŋwalak ŋulupiya, eturuwori ayoŋ ŋulu aponi yae erae ŋirikon ŋituŋa ŋulu egogoŋ. Ayoŋ Ekapolon epukae ikes alokamukumukut Sion, akisyakin anakoloŋit a ŋin tari ŋikaru ka ŋikaru.

Mika 5:3

Aŋun, imyekini Ekapolon ŋituŋa keŋ mono a lomoe kec, akitodol ŋina idounio aberu ŋina emaikina kidou lokoku keŋ, ŋolo erae ekepukan. Apaki nai ŋin iŋes eboŋunioto ŋikaitotoi keŋ ŋuluce kimorikin ka Ŋisirael.

Mika 5:8

Alokidiŋ ŋakwapin eyakaun ŋipiya a Yakob, eyakaun ikes kidiŋ ŋituŋa ŋulu alalak, ededeŋiata ikwa eŋatuny alokidiŋ ŋityaŋ ŋulu ka amoni, ikwaanikin ka iŋatuny ŋini eyai kidiŋ esipan a ŋamesekin, ŋini ani eporokini amesek, iimakini kwap toryeta ka tonyilinyiliya, todaun ikaiunan amesek.

Mika 7:18

Okoe Akuj, anikuj ikwaan ka iyoŋ! Irae iyoŋ Akuj ŋina isyoniyenene asecit ka ŋadyakanareta a ŋipiya a ŋituŋa kon. Nyirubakini iyoŋ iŋoit ŋikaru ka ŋikaru, nai imina iyoŋ akitoodiunun akisyon.

Sepan. 3:13

Mam aronis itiyaete iyes ŋipiya a Ŋisirael, nyirworete ikes alyokonu, kori nyelimunete ikes ŋakiro ŋuna nyiyookino, imujete ikes ido topero. Mam ituŋanan itubuli ikes.”

Sakar 14:8

Akoloŋit ŋin eleleunete alo Yerusalem ŋakipi ŋuna eyaunete akiyar, eleleyarete atutubet apei nanam ŋina Atwan ka atutubet apei nanam ŋina a Mediteranian, eleleete ŋakipi ŋun akamu ka akiporo.

Sakar 9:13

Esitiyae ayoŋ Isirael ikwapei isitiyaa ekajion ŋikaleŋeleŋe. Esitiyae ayoŋ ŋikilyok ŋulu eya Sion ikwapei isitiyaa ekajion ŋileŋia, kitojioto ŋikilyok ŋulu ka Akaia.

Mat. 28:19

Aŋun, toloto kituruwosi ŋituŋa a ŋakwapin a daadaŋ ŋikasyomak kaŋ, kibatisata ikes alokiro a Papa ka a ŋolo a Lokoku ka a ŋolo ke Etau a ŋolo Asegan.

Ŋitic. 11:15

Ani ageuni ayoŋ erwor, min Etau ŋolo Asegan neni kec, lopite ŋolo aminio neni yok anageunet.

Ŋitic. 13:46

Kirworo nai Paulo ka Baranaba neni kec pa ekuryanito temasi, “Arae neni kus mono etemokino akirot ŋina ka Akuj tolimonokinae. Nai ikwapei iŋeryoto iyes ŋakiro nu ka itamete atemar nyemaikina iyes aryamun akiyar ŋina nyedaun, tokona elosyo isua lotuŋa ŋulu nyerae Ŋiyudayan.

Ŋitic. 16:9

Akoloŋit ŋin nakwaare, bu atakanikinet neni a Paulo: awoi ekile ŋolo alo Makedonia edyekit iŋes ebala, “Bua Makedonia, ikiŋarak isua!”

Ŋitic. 9:15

Nai tolimok Ekapolon Anania tema, “Tolot, anerae erae iŋes eketiyan kaŋ ŋoloseuna, ŋolo iteyenuni ekiro kaŋ lobukui ŋulu nyerae Ŋiyudayan ka lorwosi kec ta lotuŋa ŋulu a Isirael.

Ŋirom. 10:20

Nyekuryana Isaya elimunit atemar, “Apotu ŋulu pa ekewarito ayoŋ okoryamut, abu ayoŋ otakanu neni a ŋulu pa ekeŋitasi ayoŋ.”

Ŋirom. 11:12

Abu asecit ŋina a Ŋiyudayan yau ŋarereŋisyo ŋuna alalak nakwap ka abu atwaniyar kec aiuno yau ŋarereŋisyo ŋuna alalak lotuŋa ŋulu nyerae Ŋiyudayan. Etyaunete nai ŋarereŋisyo ai ŋina imarakinere Ŋiyudayan daadaŋ etya neni etya aruwor ŋikanupak a Kristo!

Ŋirom. 9:30

Ikitemari nai tokona iwon ai? Ikote ne: pa ekatakinito ŋituŋa ŋulu nyerae Ŋiyudayan akituruwor ŋulu iyookino alokiŋaren Akuj, nai arae Akuj abu kituruwo ikes ŋulu iyookino alokiŋaren keŋ, anerae apotu ikes tonupa Akuj.

1 Ŋikor. 3:6

Abu ayoŋ odupak ekinyomit, tobukok Apolo ŋakipi; nai Akuj iŋes etopolouni.

Ŋikis. 32:2

Elipi ayoŋ pena ŋakiro kaŋ lotuŋa lopite ŋolo ilimya akiru, pena lotai a ŋituŋa lopite ŋolo epeniata ŋakopi lonya, lopite ŋolo edoo elimilim lonya lopite ŋolo edoo elimilim lonya ŋulu alibunak;

Ŋikat. 6:36

Tolimok nai Gideon Akuj tema, “Ani kicamit iyoŋ aiun Ŋisirael, lopite ŋolo ilimunitor iyoŋ,