Mika 5:11 - Ebaibul

¹¹ Amunaari ayoŋ ŋitaunio ŋulu anakwap kus, oukonok kwap ŋaduketa ŋuna ijioto iyes.

Mika 5:11 Iomraidhean Croise

Isa. 1:7

Aruwor akwap kus ekasile, anomiya akim ŋitaunio kus, aŋatasi ŋituŋa ŋulugelae akwap kus iteete iyes, aruwor akwap kus ekasile, anomiya akim ŋitaunio kus.

Isa. 2:6

Okoe ŋituŋa a Yakob, imyekis iyes akiwuap ŋuna a ŋituŋa kus. Elalak alokidiŋ kus ŋimurok ŋulu eponito alo Kide, elalak ŋikadwarak ŋulu eponito alo Pilistia, aruwor ikes ŋipei ka ŋituŋa ŋulugelae.

Isa. 27:9

Aŋakiro a ŋun, emookunio ŋituŋa a Yakob anasecit kec, eruwor nu ŋuna iwuapakinete kedaun amookuun ikes anasecit kec: Isyonio ŋasecisya kec erae ca kiryaasi ikes ŋamoru ŋuna edukitere ŋamuroeta kinyaadiyar kikokis esimit ka erae kedaun ŋitorubei a akuj a ŋina enyaritae Asera, kori ŋamuroeta ŋuna icunyere ekinyate.

Isa. 6:11

Abu nai ayoŋ eŋit iŋes otema, “Okoe Ekapolon, tari ori itiyasi ŋun?” Okoboŋok iŋes ayoŋ tema, “Tari ŋina eruworotor ŋitaunio kec ŋireŋoroto, todaun ŋituŋa iboiyete alotooma kec ka tooma ŋakais kec daŋ, tomamukaun ŋituŋa iboiyete, ido toruwor akwap kec ekasile nooi.

Aum. 2:2

Amunya Ekapolon emam akisyon ŋirerya daadaŋ ŋulu a ŋituŋa a Yakob; amunyumunyaki kwap ŋaduketa ŋunajiet ŋuna agogoŋok ŋuna a ŋituŋa a Yudaya. Eturuwo apukan a Yudaya akoŋinait ka eturuwo ŋikepukak a Yudaya ŋikoŋinae.

Esek. 38:11

Itemari iyoŋ Gog, ‘Alosi ayoŋ akirem akwap ŋina nyewuatae ŋirerya keŋ a ŋarwatatain, alosi ayoŋ esiiryak ŋituŋa ŋulu iboiyete emam awasya ŋulu itumosi, iboiyete ikes daadaŋ aneni emam ŋarwatatain, mam tari ŋipukei, kori ŋasuwa ŋuna egolere ŋipukei.’

Osea 10:14

ebuni ejie neni a ŋituŋa kus ka emunaaryo ŋaduketa kus ŋunajiet daadaŋ, lopite ŋolo amunaarya Saliman etaun ŋolo enyaritae Bes-Aribel akoloŋit ŋina ke ejie, apaki ŋina amunyarere ŋaberu kaapei ka ŋidwe kec.

Amos 5:9

iŋes inyasuni ŋituŋa ŋulu agogoŋok kinyasu tari ŋaduketa ŋunajiet.

Sakar 4:6

Aŋun, abu iŋes tema neni kaŋ, “Erae ŋin akirot ke Ekapolon neni a Serubabel. Ebala Ekapolon ŋolo Etiron, nyilouni iŋes alotooma agogoŋu, kori apedor, nai alotooma Etau kaŋ.