Mika 4:4 - Ebaibul

⁴ Iboikin ŋinituŋanan lotolim a epiini keŋ ka a ebobore keŋ; mam ituŋanan einakini ikes akuryanu, anerae adau Ekapolon ŋolo Etiron alimun ŋun.

Mika 4:4 Iomraidhean Croise

1 Ŋirw. 4:25

Ŋirwa ŋulu epukator Solomon, eboiyete ŋituŋa ŋulu a atutubet a Yudaya ka atutubet a Isirael anakinapakina ameun alo Dan tari Beeriseba. Eboiyete ŋikilyok alotolimon a ŋikito kec aŋulu a epiini ka ŋiboboryo.

1 Ŋirw. 5:5

Aŋun nai, acamit ayoŋ akiduk Akai ka Akuj aŋuna a ekiro a Ekapolon Akuj kaŋ, lopite ŋolo alimokinitor Ekapolon papa kaŋ Daudi apaki ŋina alimunio ebe, ‘Lokoku kon ŋolo elunyokini ayoŋ lokicoloŋ kon, iŋes edukokini Akai ka Akuj aŋuna a ekiro kaŋ.’

Yob 11:19

Iperi iyoŋ emam ibore ikitukuryani; epote ŋikalalak akiŋita akiŋarakino aneni kon.

Ŋikiru. 72:3

Elipi toraa ŋikinyom anakwap aŋuna a ŋituŋa, elipi kitiyakin ŋun nakwap aŋuna ka akiyookino a ŋituŋa.

Ŋakit. 3:25

Nyikuryaniar aŋuna a ŋican a ŋulu epote pa sek etamakinitae atemar epote, kori aŋuna ka amunyaro a ŋina epyaari ŋulu aronok.

Isa. 1:20

nai ani kiwout ka kiŋero, ikirikaryo iyes a ekileŋ;” anerae adau Ekapolon alimun ŋakiro ŋun.

Isa. 17:2

Eesikinete ŋituŋa ŋitaunio keŋ ŋikaru ka ŋikaru; eruwor ŋitaunio ŋul neni eya ŋisipanin a ŋamesekin, eruwor nen neni euryaniata ikes ka emam ituŋanan esurusurui ikes.

Isa. 22:25

Ebala Ekapolon Akuj ŋolo a ŋajoresyo ebe, ‘Akoloŋit ŋin, elemari asesit ŋina sek ebubukinitoe nakibois ŋina emam ibore elemarya, eyeparyo, ido toukor, ecakakin kwap ibore daadaŋ ŋini sek ayai nen tomunaar,’ ” anerae adau Ekapolon alimun ŋun.

Isa. 26:16

Okoe Ekapolon, apotu ikes ikiwara iyoŋ apaki ŋina ayakatar locan, apotu ikes kilipa neni kon, apaki ŋina isicania iyoŋ ikes.

Isa. 32:17

Elomuni ekisil anakiyookino ka elomuni akiyapara ka akikinyoma ŋina a ŋikaru ka ŋikaru anakiyookino.

Isa. 36:16

Nyipupokis ŋakiro a Esekia, anerae ebala erwosit ka Asiriya, ‘Tocamutu ekisil ka ayoŋ, ido potu neni kaŋ, epedori nai ŋinituŋanan kus akinyam ŋaraito a epiini keŋ ka ŋaboboryo a ebobore keŋ ka akimat ŋakipi a akare keŋ,

Isa. 40:5

Ekaku aŋun, itoodiunio nai apolou a Ekapolon ka iŋolikinete ŋituŋa daadaŋ kaapei, anerae adau Ekapolon alimun ŋun.”

Isa. 54:14

Iyakaun iyoŋ irae ŋolo ijok aŋuna ka akiyookino, nyikisicanio nabo iyoŋ, anerae emam ŋini ikitukuryani iyoŋ; Elemaryo ekabule aneni kon, anerae nyeapuuni neni kon.

Isa. 58:14

ŋun nai ilelyaniata iyes aneni a Ekapolon, ido eketopoloori ayoŋ iyes akilo ŋituŋa daadaŋ anakwap, akainakini ayoŋ iyes ŋarereŋisyo a papaa kus a Yakob. Adau Ekapolon alimun ŋakiro ŋun.

Yer. 23:4

Aseuni ayoŋ ŋikepukak aŋuna kec ŋulu ipukaete ikes, nyeyakaunotor ikes akuryanu nabo, kori nyekadakini, kori mam ikes ipei daŋ ŋini eŋopiyari.”

Yer. 30:10

“Nai ani eruwor iyes, nyikuryaketa iyes ŋiletok a Yakob, iyes ŋiletok a Isirael, nyikikadak, anerae alosi ayoŋ aiun iyes anakwapin a ŋuna alwanak, aiuni ayoŋ ŋiletok kus anakwap a ŋina aponi torikoroe ikes. Eboŋunete ŋiletok a Yakob kiboikinos a ekisil emam ŋace, ido mam ituŋanan itukuryani ikes.

Esek. 34:25

“Ewuakini ayoŋ acamunet ŋina a ekisil neni kaŋ ka ikes, alemari ayoŋ ŋityaŋ ŋulu adedeŋak anakwap kec, ikotere ŋamesekin kaŋ iboiyete analoŋisat ka eperete anamon emam ibore enyami.

Esek. 34:28

Nyielielaryo nabo jik ikes nakwapin, kori nyenyamete nabo jik ŋityaŋ ŋulu ka ariet ikes. Mam awasya eyakaunotor ikes, mam ituŋanan einakini ikes ekabule.

Esek. 38:11

Itemari iyoŋ Gog, ‘Alosi ayoŋ akirem akwap ŋina nyewuatae ŋirerya keŋ a ŋarwatatain, alosi ayoŋ esiiryak ŋituŋa ŋulu iboiyete emam awasya ŋulu itumosi, iboiyete ikes daadaŋ aneni emam ŋarwatatain, mam tari ŋipukei, kori ŋasuwa ŋuna egolere ŋipukei.’

Esek. 39:26

Nyetamunete nabo jik ikes ŋileec kec ka ŋakiro daadaŋ ŋuna apotu ikes kitiya emam akikinyomit ayoŋ apaki ŋina eboiyoto ikes anakwap kec emam awasya ka emam ituŋanan etukuryani ikes.

Ŋilep. 26:6

Ayauni ayoŋ ekisil nakwap kus, topero iyes emam akuryanu ka emam ituŋanan ikitukuryani. Alemari ayoŋ ŋityaŋ ŋulu anyamak anakwap kus, ido emam aremo eyakaun nakwap kus.

Mika 5:3

Aŋun, imyekini Ekapolon ŋituŋa keŋ mono a lomoe kec, akitodol ŋina idounio aberu ŋina emaikina kidou lokoku keŋ, ŋolo erae ekepukan. Apaki nai ŋin iŋes eboŋunioto ŋikaitotoi keŋ ŋuluce kimorikin ka Ŋisirael.

Sepan. 3:13

Mam aronis itiyaete iyes ŋipiya a Ŋisirael, nyirworete ikes alyokonu, kori nyelimunete ikes ŋakiro ŋuna nyiyookino, imujete ikes ido topero. Mam ituŋanan itubuli ikes.”

Sakar 3:10

Akoloŋit ŋin, ebuni ŋinituŋanan alokidiŋ kus anyarare ikidunyet keŋ akiboikin ka iŋes lotolim ke epiini keŋ ka ŋolo ke ebobore keŋ.’”