Mika 4:3 - Ebaibul

³ Etubi Akuj ŋiburasinei a ŋakwapin, etubi iŋes ŋiburasinei a ŋakwapin a ŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Mika 4:3 Iomraidhean Croise

Ŋikiru. 46:10

Ebala Akuj, “Tojoŋoto ejie, toyenutu atemar arae ayoŋ Akuj; eketopolooritae ayoŋ anakwapin eketopolooritae ayoŋ anakwap.”

Ŋikiru. 46:9

Itasalununui iŋes ŋijiesyo anakwap; ebilibili ŋakausinei a ŋikaleŋeleŋe, kimasana ŋakwaaras, ido kicuny ŋaupala.

Ŋikiru. 72:3

Elipi toraa ŋikinyom anakwap aŋuna a ŋituŋa, elipi kitiyakin ŋun nakwap aŋuna ka akiyookino a ŋituŋa.

Ŋikiru. 72:7

Elipi tolalaar akiyookino alorwa a ŋulu ipukator iŋes, elipi torubak ekisil ŋirwa daadaŋ ŋulu ipukator iŋes.

Ŋikiru. 82:8

Tonyou, okoe Akuj, totubok akwap, anerae erae ŋituŋa daadaŋ ŋulu kon.

Ŋikiru. 96:13

alokiŋaren Ekapolon, anerae ebuni iŋes atubokin ŋituŋa. Etubokini iŋes akwap anakiyookino ka etubokini iŋes ŋituŋa alotooma ŋuna a kire.

Ŋikiru. 98:9

tolelyana alokiŋaren Ekapolon, anerae ebunit iŋes atubokin ŋituŋa. Etubokini iŋes ŋituŋa anakiyookino, etubokini ŋituŋa anakiro a ŋuna a kire.

Isa. 2:4

Etubi iŋes ŋiburasinei a ŋakwapin, etubi iŋes ŋiburasinei anakwapin aŋuna agogoŋok a ŋuna elwaka. Ityakarete ikes ŋileŋia kec ŋulujiet toruworos ŋimelekyes ka ŋakwaaras kec toruworos ŋileŋia ŋulu etubere ŋikito. Nyejikinosi nabo ŋakwapin, kori nyitatamete nabo ŋituŋa epite ŋolo ejiere.

Isa. 25:3

Aŋun, ikitopoloorete iyoŋ ŋituŋa ŋulu agogoŋok; ikikerete iyoŋ ŋituŋa a ŋakwapin a ŋuna aryenyaanak,

Isa. 51:5

Abuni ayoŋ alakun ŋituŋa kaŋ atipei, aapuu aiunio ŋina ebunit aneni kaŋ epukae ayoŋ ŋituŋa a apedor kaŋ; ekedarito ayoŋ ŋituŋa ŋulu iboiyete anakiboisyo a ŋuna alodiyete anam, idarito ikes anakigeno apedor kaŋ.

Isa. 60:12

Emunyaryo ŋituŋa a akwap, kori a apukan a ŋina nyikitiyanakini iyes; inyasunio nooi ŋakwapin ŋun.

Isa. 65:25

Eryamunete epeot ka ikale akimuj anakibois kaapei, enyami eŋatuny ŋinya ikwa emoŋ, nai eruwor akimuj a emun apuwa. Nyewanio ikes, kori nyemunyaryo ikes alomoru kaŋ a ŋolo asegan.”

Isa. 9:7

Erubakini apedor keŋ iyata jik, ido eyakaun ekisil ŋoloruba napukan keŋ, ilunyokin iŋes lokicoloŋ a Daudi kipuka, itogogoŋi iŋes apukan keŋ, anakitub ŋakiro eriyan ka anakiyookino ameun alorwa a lu tari ŋikaru ka ŋikaru elelakinit Ekapolon ŋolo a ŋajoresyo akitiyakin ŋun.

Dan. 2:44

Alorwa a ŋirwosi a ŋul, iwuakini Akuj ŋina anakuj apukan ŋina nyepedoryo alemar, kori nyeinakinio apukan ŋin neni a ŋituŋa a ŋice. Emunyari apukan ŋin ŋapukasinei ŋunace daadaŋ kitasalu, ido erubakini iŋes ŋikaru ka ŋikaru.

Osea 2:18

Ewuakini ayoŋ aŋuna kus akoloŋit ŋin acamunet, ikotere tomaikin iyes ka ŋityaŋ ŋulu adedeŋak, ŋikyeny ŋulu eporete ka ŋiboorei ŋulu elyato alokwap, ekisari ayoŋ anakwap akau a ŋikaleŋeleŋe, ekileŋ ka ejie, ido akainakini ayoŋ iyes kiboikinos emam ŋace.

Osea 2:20

Akayai ayoŋ iyoŋ toruwor aberu kaŋ anakikinyoma, tosodi iyenuni iyoŋ Ekapolon.

Yoel 3:2

acunakini ayoŋ ŋakwapin daadaŋ, oyau ikes otiyaunor nakadipaalat ŋina Yeosapat (iŋes atemar erae Ekapolon ekatubon), esyaki atubonokin ikes a nen a ŋakiro a Ŋisirael a ŋituŋa kaŋ ke elope, anerae apotu ŋituŋa a ŋakwapin kielasi ŋituŋa kaŋ nakwapin, ido tokora akwap kaŋ Isirael.

Mika 5:15

Anaŋoit kaŋ a ŋina apolon nooi, esicani ayoŋ ŋakwapin daadaŋ ŋuna awout akiwuap ayoŋ.”

Sakar 14:3

Ebuni nai Ekapolon alosit akitijiore ŋakwapin ŋun, lopite ŋolo sek abunio iŋes akitijio ŋimoe keŋ.

Sakar 8:20

Ebala Ekapolon ŋolo Etiron ebe, “Ebunit apaki ŋina eponiata ŋituŋa ŋulu a ŋitaunio a ŋulu alalak Yerusalem.

Sakar 9:10

Ebala Ekapolon ebe, “Alemari ayoŋ ŋagaari ŋuna ke ejie alo Epuraim, alemari ayoŋ ŋaŋolei ŋuna ke ejie alo Yerusalem, amunaari ayoŋ ŋiboro ŋulu isitiyao alojiesyo. Eyauni erwosit kus ekisil nakwapin; ipukae iŋes ameun ananam tari nanam, ameun anaŋolol Eupurate tari nakisalet ka akwap.

Ŋitic. 17:31

Anerae atubu Akuj akoloŋit ŋina etubokinia ŋituŋa daadaŋ anakwap anakiyookino ka erae ituŋanan ŋini aseu iŋes itiyakini ŋun. Etoodiu iŋes ŋun lotuŋa daadaŋ anakiteyarun ituŋanan ŋin alokatwak!”

Akis. 19:11

Abu oanyuwa nakuj eŋaara, ayai nen aŋole ŋa akwaŋan. Enyaritae ekameton keŋ ŋolo Ikinyoma ka ŋolo a Kire; etubonokini iŋes ka eji anakiyookino.

1 Sam. 2:10

Ielari Ekapolon ŋituŋa ŋulu itepegete iŋes, eari Ekapolon ŋul a agirokinet a ŋina ebunit anakuj; etubokini Ekapolon ŋituŋa a akwap a daadaŋ; einakini Ekapolon apedori neni a erwosit keŋ; einakini Ekapolon agogoŋu neni a erwosit a ŋolo adau iŋes aseun.”